لو جرحك ليا ملموس كنت من زمان خفيت
لكن ده جرح محسوس من كتر الوجع مليت
كلامك ليا مدروس راجع ليه وانا ليه استنيت
طلعت من القصه مكبوس وبأول جرح انا حسيت
كانت بتقلى انا نفسى اكون اخر واحده فى حياتك
وانا كنت بقلها انا نفسى اكون اول واحد فى حياتك
دلوقتى لا انا بقيت ليها الاول ولا هى ليا الاخيره
هى معاها حق علشان اول حب فى حياتها كان حب عمرها كله اللى فات واللى جاى
وانا كمان معايا حق علشان حب عمرى هيكون اخر حب انا حسيته
هناك 44 تعليقًا:
اول تعليق ولا ايه
انا فعلا اول تعليق
ناخد بقى التانى
بما انى اول مره احتل المدونه
وناخد التعليق التالت بقى عشان تبقى التالته تابته
دا انا هتعلق من على باب البلوح النهارده
هههههههههههههههه
والرابع بقى على ما اروح اقرا البوست وارجع تانى
فاااااااصل ونواصل
جرح اول حب دا بيبقى صعب قوى قوى
لان القلب مبيكونش لسه الحزن دخل قلبه وبتبقى الدنيا حلوه فى عنيه
بصراحه البوست جميل قوى قوى على الرغم من حزنه والمه
تسلم ايدك
تحياتى
مسائك سكر
كل سنة وانت بالف خير
يارب تكون بالف خير يارب
انا قلت اسلم وبعدين اشوف البوست
نلتقى بعد الفاصل
آآآه من جرح الحبيب
الا عمر القلب منه يطيب
احساس شعب اوى لما يكون آلمك هو حبيبك
اللى كان نفسه هو فرحك و سعادتك
فعلا لو كان الجرح مملوس كان بقى فيه له دوا
ولكنه محسوس يعنى اقوى و اقوى
الحب الاول مش بيتنسى ابدا دايما بيفضل منه ذكرى او جرح جوه القلب
اولى مرة يدق فيها القلب و نحس فيه بالنبض
كلماتك حلوة اوى رغم انه حزينة وبتوجع القلب بس بجد خارجة من القلب اوى عشان كده وصلت للقلب
ربنا يسعدك ويسعد قلبك يارب
دمت اخى بالف خير وسعادة
تحياتى
يويو
كلماتك روعىة بجد
واحساسك هايل
ربنا يسعدك دايما
امممممممممم
ايه كميه الحزن داه يعني انا سايبه كأبه وحزن في المدونهبتاعتي اجي الاقيه هنا
يعني بجد مش عارفه الناس كلها بقت كأيبه ولا انا بيتهيألي
@_@
تقبل مروري :((
لو جرحك ليا ملموس كنت من زمان خفيت
لكن ده جرح محسوس من كتر الوجع مليت
لو جرحك ليا ملموس كنت من زمان خفيت
لكن ده جرح محسوس من كتر الوجع مليت
مشكلة الناس انها مش بتقدر صعوبة الجروح المحسوسة
أنا جاية اسلم عليك
واشكرك على سؤالك عني
اشتقت لوجودي هنا
جيت تاني النهاردة
يارب تكون بخير
واصعب جرح هو الجرح المحسوس
والشخص الجارح هو هو الدوا
تحياتى
pink dreams
-*********-
اولها احتلال ....؟!
.
.
انا بتغاااااااظ
نفسى احتل اى حد ومش بعرف
pink dreams
-*********-
نورتينى يا قمر فى صرحى المتواضع
إضافتك جميله اوى
وفهمتى الموضوع من ناحيه رقيقه جدا
شكرا لزيارتك وإحتلالك
.
تسلمى ويسلملى مرورك
مودتى :)
yoyo
-**-
بدأت صفحتى تكتمل جمالا بعد حضورك اليها
.
.
.
هو فعلا الكلام حزين
وحزين اوى كمان
لان الحزن وقتها ما حستهوش وانا عادى كده لالا
ده انا كنت فى قمه الفرحه بالعيد وعيد الميلاد بتاعى والموبايل الجديد اللى ضاع هو كمان بعدها
فوقتها كانت كميه الحزن كبيره
فكانت تستحق بوست
.
.
.
بالنسبه للكلام اللى بيخرج من القلب للقلب فطبعا طبعا حضرتك اولى باللقب ده لانى بستمتع عندك اكتر من اى مكان اخر
شكرا لزيارتك يا يويو
مودتى :)
mohamed ghalia
-************-
شكرا لكلامك الجميل
ووصفك الاروع
ربنا يتقبل منك دعوتك
ويرزقك بالصحه والستر
شكرا لزياره حضرتك ليا
:)
fL0weR-giRL
-*********-
معلش هنعمل ايه طيب
انا اسف انى عكرت مزاج حضرتك
بالنسبه لسؤالك
والله مش عارف بالظبط الاجابه مش عندى
لانى مش بعرف حد كئيب
ولو عرفت حد كئيب بتبقى حاله وبتعدى
عموما اهلا بيكى
ونورتينى يا قمر
شكرا على الزياره :)
dina
-**-
فعلا شىء يضايق اوى انه مش فى حد بيقدر الجروح المحسوسه
وممكن تتقلب ضحك وإستهزاء
بس مش مهم
الاهم اننا نعامل ربنا ومانعاملش بشر
شكرا لزيارتك الرقيقه
مودتى :)
جاره القمر
-********-
مش معقوله الغيبه دى كلها
وايه كمان جايه تسلمى عليا ..؟
ايه اليوم السعيد ده
انا متفائل النهارده اوى
والسؤال عليكى واجب يا علياء
احنا مصريين وجدعان اوى ونعجبك يعنى
يا رب ترجعى لينا بالسلامه وعن قريب انشاء الله :)
rony
-**-
فعلا انا معاكى
كلامك صح اوى
مودتى :)
اللي يجربحك أقلعو من رجلك ولا يهمك منو
آه كفى
-****-
حاضر
أنـــا بـنـت
D:
أحلى ناس والله
يسلموووووووووو
آه وكفى
-*****-
أحلى بنت
:)
جاره القمر
-********-
شهاده اعتز بيها
:) تسلمى
بص ياصحبى
الواحد احيانا بينجرح
بس اعمل زيى
وطلع لسانك للجرح ده
وقوله مش هتأثر فيا
لأنى قوى
بس ياكبير وريح دماغك
وربنا يعوضك الاحسن بإذن الله
ااااااااااااه
لو كان الحب بطة لنتفت ريشها
اكتر حاجة تغييييييظ ان الواحد يسيب اللي بيحبو ويرجع تاني طب بيرجع لييييييييه ولا سابو اساسا لييييييييييييه ده حاجة تغيظ بصحيح
mohammed
-******-
انت عندك حق
بس سعات بتبقى فى حجات مش بمزجنا نمر بيها
هى اللى بتفرض نفسها علينا
يعنى اوقات الفرح والزيطه لازم افرح مع الفرحانن وانسى الدنيا كلها معاهم واعيش لحظات السعاده معاهم
وأقات الجرح بارضه بتفرض علينا اننا نبقى زعلانيين ونلبس وش الكائبه
بس الفارس بقه اللى يقدر يخرج نفسه بسرعه من المود القاتم اللى هو فيه
.
.
إضافتك مفيده
ونصيحتك غاليه
شكرا كتير على مرورك يا محمد
مودتى :)
آه وكفى
-*****-
والنبى يا اختى ما انا عارف
ما تسأليهم صحيح اللى بيعملوا كده
بيعملوا كده ليه....؟!
بس بينى وبينى كده كله سلف ودين
كما تدين تدان
ويا بخت اللى بات مظلوم ومابتش ظالم
.
بس حلوه حكايه البطه دى
ههههههه
:)
كلماتك قويه
واسلوبك معبر
خاطره رقيقه
تقبل مروري
اولا كلمات حلوة اوووووووووووووى
بس انا بختلف معاك او مع الولاد عامة فى نقطة ...
ان كل ولد ليه تجارب ومع ذلك نفسه يكون اول تجربة فى حياة البنت
الحب الحقيقى الوحيد اللى في حياتنا هو الحب الاخير مش الحب الاول
لأن الحب الاول ممكن اوى يكون مشاعر مراهقة بتنتهى اول ما بنخرج من الفترة دى
و مش معنى ان البنت حبت مرة قبل كده إنها مش كويسة
لأن ده اللى بيحدده طريقة الحب نفسه ولا ايه ..؟
طلعت من القصه مكبوس وبأول جرح انا حسيت
هههههههههههههههههههههه
بجد دمك خفيف جدااااا
فكرتني بالشاعر اللي بيقول
اجرحيني بمطوه تلمه
اجرحيني بموس حلامه
ارسمي علي وشي نجمه
وامسكيني من اللياقه
علمي علي وسيبيني
واهربي بعد الخنااااااقه
أقصوصه
-****-
شكرا كتير على تعبيراتك الجميله
وشكرا اكتر لزيارتك المشرفه ليا
يا رب تتكرر دايما
مودتى :)
aidy
-**-
الاول منورانى كتير
يا رب تكونى بخير
.
.
.
انا بقه مش بختلف معاكى
بالعكس كلامك صح
بس اى ولد فى الدنيا يتمنى انه يحب بنت يكون هو اول واحد فى حياتها
والبنت نفسها تحب شاب تكون هى اخر واحده فى حياته
بتبقى امنيات نتمنى انها تكون موجوده
ولو مش موجوده بنحب وخلاص
لان القلب مش مستنى نقوله حب مين وما تحبش مين
عموما احتلاف الرأى لا يفسد للود قضيه
نورتينى كمان مره
ويا ريت ما تحرمنيش من زيارتك الجميله دى على طول
مودتى :)
أبو العريف
-********-
طيب كويس انى فكرتك بحاجه بتضحك
ههههههههههههههه
معاك حق ياصديقى
الجرح المستخبى اللى مانقدرش نبينه
ولا نقول اه
بيكون صعب جدا
اسف على التأخير لكن ظروف السفر
تحياتى اللاسعه جدا
لاسع افندى
-*******-
فينك يا أستاذى ايه الغيبه دى كلها..؟
رجعت يعنى من السفر الحمد لله
الله يعينك ويقويك يا سيدى
اضافتك على كلامتى زادتها تألقا
دمت بألف خير
مودتى :)
انت تسال والكمبيوتر يجيب
-*********************-
فكره جميله جدا
لما اروح اشوف
الجرح صعب ومش بيتداوى بسهولة
لكن الشخص نفسه ميستاهلش نفكر فيه كتير..ونوقف حياتنا عشانه
كلماتك جميلة جدا..واسلوب يشد ان الواحد يكمل للآخر...
مدونة جميلة... في اول زيارة :)
إرسال تعليق