الأربعاء، 30 ديسمبر، 2009

بسببك




بسببك حزين..؟!

أيوه انا بسببك حزين

وعلشانك دموعى كتييير..؟!

أيوه عشانك دموعى كتير

فأسمعينى...

***

حبيتك بضمير

واختارتك مصير

وأخدت قلبى

ومن غير تفكير


قولتله يحبك

ويكون أسير

قلب عايشلى

علشان يخون


حب دبرلى

ازاى اكون

خايب حنون

مغفل مجنون


عايش فى وهم

انه فى يوم

هيفضل حبيبك

وازاى اكون

شايل حمول

من غير ما افكر


انك فى يوم

بيا هتغدر

ووائق كمان

انى راح اصبر

على اللى كان

فى يوم ما فكر

يوهبنى الحنان

وعليا يقدر


حبيبى يا خاين

يا قلب باين

جواه الخيانه

وشايل إهانه

لقلب فكر

انه فى يوم

بيك راح يوصل

لبر الامان


وكانت نهايتى

لقتنى وفجأه

بسببك حزين

ايوه بسببك بقيت حزين

.

.

انا

فى محاوله إفشاء حاله :(

الأحد، 27 ديسمبر، 2009

ليه..؟!



. ليه دلوقتى لما بشوفك..؟!

بشعر انك عنى بعيد

ليه حسيت وانا بلمس ايدك..؟

انى بإيدى لمست جليد..

كانت الفرحه فى عينك لمعه..

بتنورلى مليون شمعه..

ليه دلوقتى حتى الدمعه..!

زى الفرحه رافضه عنيك...

ليه احساسك تايهه فيك..؟

ليه الغربه يوم ورا يوم..

جواك بتذيد...؟

ليه حسيت وانا بلمس ايدك..؟

انى بإيدى لمست جليد...!

ليه....؟!
.
.
.
عندما ينزف قلم خالو

الأحد، 13 ديسمبر، 2009

غيبت عليكى..؟!


ايوه انا اسف غيبت عليكى

بس انا كنت بفكر فيكى

نزلت اتمشى بعد العصر

سرحت لقتنى هناك على البحر

و لقيت جنيٌه شاقه الميه

انتى الخالق الناطق هى

فضلت احكيلها لحد الفجر

قولت كلام مش اى كلام

وعشنا غرام ولا فى الاحلام

وفجاه قالتى انا مش هى

حبيبتك كانت مستنيه

مش فى الميه

هناك على البر

ايوه انا اسف غيبت عليكى

بس انا كنت بفكر فيكى
.
.
.
قالها خالى والشرف العظيم لى

سيادته العميد فتحى احمد عبد الهادى

ووقعت انا عليها بالاعجاب

الثلاثاء، 1 ديسمبر، 2009

أسمعينى وأفهمينى





(( احدثكم عن الاعتذار ولغه العتاب ... التى تـٌظهر مدى الاحتياج للمعـتوب عليه))






اسمعينى وافهمينى
اوعى تخدى كلامى جد وتسبينى
كان يوم تعب وزهق من اوله
ما تجيش عليا وتزعلينى

..
.



لو انتى حبيبتى تسمحيلى
اقولك بحبك وتسمعينى
ولو انتى خلاص مش بتحبينى
ليه قررتى تردى وتكلمينى

..
.

اكيد انتى كده فهمتينى
لانك فيوم كان .. حستينى
فأفهمينى وأسمعينى
واوعى تاخدى كلامى جد وتسبينى
..
.


ده انا قلبى كان فى حبك
نص إنس ونص جان
الانس كان حارس لقلبك
والجن معاكى فى كل مكان
..
.
.قبل ما تزعلى منى وتقرررى
لا تسمعينى ولا تفهمينى
وتمشى كده وتسبينى
أنا نفسى منك ...
..
.
تسمعينى وتفهمينى
وتاخدى كلامى جد وترجعيلى

النهارده اول مره احس ان الاسف من احلى واجمل الخواص اللى بيتمتع بيها الانسان العاقل
فالأسف هو أقرب شيء الى البراعة واقبلوا عذر من أعتذر اليكم فالاسف فن ...لمن اتقن ادائه
وانا من هنا
..
.
الى مجال خليك فى حالك واى مجال فى الدنيا
لو اى حد انا غلطت فى حقه ..... انا اسف ...




الخميس، 26 نوفمبر، 2009

اعز الناس



أعز الناس
على طول الحياة نقابل ناس .. ونعرف ناس .. ونرتاح ويا ناس عن ناس
وبيدور الزمن بينا .. يغير لون ليالينا وبنتوه بين الزحام والناس ..
ويمكن ننسى كل الناس .. ولا ننسى حبايبنا أعز الناس ..
سنين وسنين تفوت ما نحس بوجودها ولا وجودنا .
ولحظة حب عشناها نعيش العمر تسعدنا
ومين ينسى ومين يقدر فى يوم ينسى ؟ شعاع أول شرارة حب
ونظره من بعيد لبعيد تقول حبيت .. ورمش يقول غلبني الحب غلبنى
ومين ينسى .. ومين يقدر في يوم ينسى .. ليالي الشوق ولا نارها وحلاوتها ..
ولا أول سلام بالإيد ..
ولا المواعيد ولهفتها
ولا ننسى ولا نقدر في يوم ننسى .. حبايبنا أعز الناس حبايبنا
حبيب قلبي وروح قلبي حياة قلبي ..
يا أغلى الناس يا أحلى الناس يا كل الناس
لسه مشوار الحياة شايل لنا وقفات ..
معالم فى طريق الحب أحلى كتير .. من اللي فات من اللي فات


كلمات مجدى العمروسى
الحان بليغ حمدى
غناء عبد الحليم حافظ

السبت، 21 نوفمبر، 2009

غدرت ليه بيا...؟




الكلام مالهوش نهايه


والحكايه من البدايه


ان قلبى كان معاه


وهو دايما مش معايا


وهى دى اخر الحكايه


اللى كانت من البدايه


الخيانه من ماضيها


والغدر باين من عنيها


سؤال واحد


اسأله ليها


قربتينى ليه...؟!


علشان تجرح فيا...؟


سقتنى العذاب


بالحب والحنيه


إنسان وليد


الغدر والانانيه...؟!


مايهمنيش قلبك


ومايهمنيش حبك


كل اللى عاوز اعرفه


غدرت ليه بيا...؟




عندما ينزف قلم صديقى احمد عمران

الأحد، 15 نوفمبر، 2009

أغرب شىء على الأطلاق



اغرب حاجه فى الدنيا الحب


ولا اجمل حاجه فى الدنيا الحب

.

تقريبا هو اجمل حاجه فى الدنيا لان اى شىء بنحتاجله وبنحتاج اننا نحسه اوى اكيد بيبقى شىء جميل اوى


ومع ذلك هو اغرب شىء فى الدنيا لان اى شىء جميل العيون بتتعود عليه مش بيبقى له لذه الانبهار قد الشىء الغريب ووقتها الشىء الغريب بيبقى أجمل
.
.

هو : بحبك اوى
هى : وانا كمان يا اكتر اخ حنين فى الدنيا

هو : بحبك يا اختى ويا حبيبتى ويا أمى ويا كل حاجه حلوه فى حياتى

هى : بإستغراب شديد ... ربنا يخليك

هو : معقوله مش فاهمه

طبعا هى بتحاول تستغبى عليه علشان ماينفعش تدخل فى علاقتين مع بعض وكمان هى مش متأكده انها بتحبه بدرجه اكتر من اللى هى بتحبها لحبيبها اللى اختارته

هى : لا مش فاهمه ... ممكن توضع اكتر...؟

هو : مش لاقى حاجه اقولها اكتر من انى مش عاوز ابعد عنك ابدا وأفضل دايما اسعدك وانتى جمبى وعاوزك ليا يا احلى شىء فيا ... بقلك بحبك ... بحبك اكتر من نفسى

هى : انت فاجئتنى بالكلام ده .. انا مش مستوعبه الكلام .. معقوله انت بتحبنى الحب ده

هو : واكتر من اللى انتى متخيلاه كمان .. انتى ما تتصوريش انا قد ايه بثور لما بتكلمينى عن خطيبك .. ببقى عاوز ادخل جواه ونبقى انا وهو واحد علشان احسك وأحضنك اوى وأعرفك اد ايه انا بحبك

هى : اللى انت بتقوله ده ما ينفعش خالص انا عمرى ما حسيت بأى حاجه نحيتك اكتر من انك صديق مميز .. وعمرى ما تخيلت ابدا انك تقولى حاجه زى كده .. انت ايه اللى خلاك تقول كده

هو : اللى خلانى اقول كده انى خلاص مسافر بلدى ومش هينفع اسافر من غير ما تعرفى اللى جوايا .. انا فكرت مليون مره قبل ما اصارحك ولقيت انى لازم اصارحك باللى جوايا لانى خلاص مش قادر اخبى اكتر من كده .. وانتى لازم تفهمى انى خلاص مش قادر اسكت ولا ابطل حبك

هى : سكووووووووت تام

هو : انتى ساكته ليه.. مستغربه انى بحبك وعاوزك ليا

هى : انا مش عارفه اقولك ايه ولا عارفه اعمل ايه .. بص طيب انا هكلمك وقت تانى

هو : ألو ألو

..
... انتهت المكالمه وبسرعه فتحت تليفونها وخرجت الشريحه منه وكسرتها .. وقررت انها تهجره للأبد بالطريقه الوحيده اللى كان بيوصل بيها ليها وبكده هى هجرته احسن ما تستمر معاه فى سبيل رضاه وفى الاخر بارضه هتهجره ووقتها الجرح هيكون جرح صعب اوى ..
.
مين اللى له ذنب فى اللى حصل ...؟
هى مالهاش ذنب فى حاجه علشان هى مش قالتله حبنى للدرجه دى او حبنى من أصله لانها فعلا بتحب وكمان هى شايفه مع ان اللى عملته جارح بس هيكون احسن الوحش وعلشان كده نفذت القرار بسرعه
وهو مالهوش ذنب علشان قلبه مش مستنى يقوله حب مين وما تحبش مين
طيب مين اللى له ذنب فى اللى حصل ..؟
.
.

فعلا اغرب شىء فى الدنيا الحب
.

طلعتلى فجأه
قلبى الخلي فجأه
صوته علي فجأه
والكون حلي فجأه
وانا نفسى متفاجأه
يا نجوم السما اللولى
ردى بقه وقولى
عيونه حنولى
وبالكلام وصفولى
أنـُه خلاص رق
وقلبه ليا دق
وقلبى كان هيصدق
لولا المفاجأه
اللحظه كانت سارقه
وكان فاضل خلاص دقه
ولحقت وقولتله لأ
انا قلبى مش ملكى
ولا كلامى ده ملكى
ولا انت تنفع ملكى
لازم ما أجرحكش
ولازم ما اعرفكش
وانت ما تزعلش
انا ما استحملتش المفاجأه
وقررت انى أجرح
قبل ما اخليه يفرح
وأرجع اقوله أسرح
وتبقى له اكبر مفاجأه

السبت، 14 نوفمبر، 2009

تنويه اد كــــــــــــــــــده


هو المفروض البوست ده يكون قبل البوست اللى انا حذفته بس انا

.

.

للأسف نسيت

.

.

المهم

التدوينه اللى فاتت انا كنت عاملها علشان كان لى صديق قديم مهاجر الى بلاد الفرنجه وكنت عامل له مفاجأه بالبوست اللى اتحذف وطبعا هو لما شافها فرح جدا وكان هدفى منها انه يبقى مبسوط وهو شافها والحمد لله

وانا عملت التدوينه اللى فاتت علشان ما كنتش لاقى طريقه يشوف بيها الصور والحجات دى الا بالطريقه دى فاستغليت مدونتى العزيزه للامر ده

يريت تكون الفكره وصلت علشان فى ناس بتزعل من نشر صور خاصه بصاحب المدونه واصحابه والكلام ده

مع انى شايف انه عادى يعنى

وكل واحد وضميره بقه

ويا ريت حد يفهمنى ازاى اعمل فى المدونه كود بيه ماحدش يقدر يعمل كوبى او باست للتدوينات او للصور انا شفت بوست بيشرح الكلام ده بس ما قدرتش انفذ علشان انا مش بعرف اد كده فى الحجات دى

ليكم احلى واجمل وارق تحيه يا احلى مدونين فى الدنيا

الأربعاء، 11 نوفمبر، 2009

جرح اللى منك



.
.
الله يسماحك
هو صحيح انا غلطان
بس انا مبسوط من غلطى
علشان سعات كتير رد فعل
بيظهر حجات كتير
ومنه بنشوف نوايا كنا احنا بنظنها حجات تانيه
.
.
.
لو كنت مكانى هتعمل ايه...؟!
لما يكون جرحك بإديه...؟!
ويوعد وعد ويخلف بيه ...
ولو كنت مكانى هتعمل ايه...؟!
ما هو اصله يعيش وما يديش.
ولما بيوعد .. ما بيوفيش...
وياريتو عاشرنى وما عرفنيش..
انا عن نفسى مايلزمنيش.
هبعد عنه وهرفض منه . اى كلام
همشى واسيبه لنفسه وروحه وللأيام..
مش يبقى حرام اسهر وينام.
والمطلوب فالاخر اخلص ليه..
ولو كنت مكانى هتعمل ايه...؟
حلمنا كتير..
من غير تفكير..
والحب ما بينا.. كان حب ضمير
قررت قرار .. ابدأ مشوار
وصعب يكون .. قلبى اسير
نصيحه منى .. لكن غصب عنى
كل الكلام من القلب طالع..
يا صاحبى اسمعنى ..
اكره كتير قلبى اللى حبك ؟؟
حب الجنون...؟!
وحب بضمير .. قلب عايشلك
دنيتك علشان يخون..
مع انى عارف مهما تحب الحب على قلبك يهون
احلم وعيش .. وهم ووعد مالهاش عدد
وهم عهود بحب دايم للأبد ..
ندمت فعلا.. على انى كنت اسميك ملاك
وكرهت قلبى اللى كان حابب هواك..
وظلمت نفسى وسنين حنان ضاعت معاك.
وبعد ده كله انا هخلص ليه...؟!
طيب لو كنتوا مكانى هتعملوا ايه..؟!

الخميس، 5 نوفمبر، 2009

مشاعر محفوظه ولكن لم يأتِ عليها التراب



دائمه هى الذكريات
دائمه هى حتى الممات

ولن ننسى ما مر وفات

من ضحك وجد وآهات

فستبقى هى فى الوجدان

وستكون دائما فى الحسبان

لن يمسها ابدا داء النسيان

وسيخرج منا اليها الحنان

فمن خرج من ثيابُه

لن يأتى يوم إيابُه

وسيعيش فى سرابُه

ويدفن هبائاً فى ترابُه

.

.



زماااااااان كان بينا حب





افتكرت ايام زمان ايام ما كان فيه بينا حكايه.. ايام ما كنا اول لما نشوف بعض كنا بنبتسم وجوانا الفرحه عاوزه تاخدنا وتطير .. ما حستش بالحنين اوى كده قبل ما افتكر ايامنا سوا .. بسرعه سيبت اللى فى ايدى وجريت على الاسكتش اشوف صورتك فى كل كلمه كتبتيها وافضل حاضن الورده الحمرا بتاعتك وقت كبير خايف انها تدبل وبشبع عينى منها واقول يا ريت ترجعى تانى تفردى ورقك وتنشرى عطرك فى مجالى .

(( مستحيل ترجع الايام دى بس ممكن اوى تتكرر ))



زماااااااااان كنا صحاب



احمد قمر ( بولى ) عمرى ما عقلى غفل عن تذكيرى بمواقفنا سوا فى كل ركن فى بلدنا .. تخيل كل لما امشى فى مكان كنا فيه اشوفنا سوا قاعدين بنتناقش ووشنا فى وش بعض بالسعات ومش بنمل واشوفك ماشى هناك بتجرى عليا تشيلنى وتجرى بيا وأقولك احنا خلاص كبرنا وانت تقولى طول ما رجلينا شايلانا احنا لسه عيال سيبك انت .. وحشنى غضبك ووحشتنى ضحكتك نفسى نتصالح

(( عن الاسف..للأسف حدود .. ولكن اذا كان هو ده العائق فأنا هكسره ))




زماااااااااان كان عندى بيت



الوطن مش أرض وبس.. الوطن أرض وبيت وجيران وصحبه من يوم ميلادى لحد مماتى
مهما اتغير شكل بيتنا ومهما اتغير السكان فيه فهو لسه بيتنا بتاع زمان .. ومع ذلك كل لما اشوفه لازم اقول انا كنت ساكن هنا

(( ممكن تحن لاى مكان علشان بتحبه لكن مش اى مكان الروح تحبه ))




زمان كانت البراءه



كنا بنسمع حد بيقول ان اللى اكبر منك بيوم يعرف عنك بسنه ..زمان كان الشخص يفضل برىء ومالوش دعوه بمصاريف ولا اى شىء وقتها بنشوف البراءه ملحوظه وغير مقصوده لسه ماشلناش الهم . من النادر اننا نشوف براءه خالصه فى الايام دى ده حتى انا عمرى ما جادلت حد اكبر منى وانا صغير كان لما حد اكبر منى فى الشارع يعاكسنى كنت اضحكله واتكسف وامشى لانى طفل زى اى طفل فى سنى لكن دلوقت ما بقاش فيه حد صغير .. البراءه ليها اوقات معينه فى اليوم ..

(( احدثكم عن البراءه والخجل وإحمرار الوجه.. وعن نميجا الاطفال))




زمان ودلوقت عمرى ما هنساه

الحمد لله انفرد وسط كل اللى صاحبتهم بودى ليهم كلهم لحد دلوقت .. اى حد صاحبته فى حياتى لازم أحن ليه ويوحشنى اللقاء بيه فالمناقشه مع اللى تعرفه ويعرفك كويس زى معرفتك لنفسك بتبقى متعه اوى .. ووقتها مجرد الحديث بينكم إبداع غير مقصود .. وفعلا اللى مالهوش ماضى مالهوش حاضر

(( مضحكه ولكن لها معنى .... واحد طلع من هدومه ماعرفش يدخل تانى .. هههههه .. ))

.

.


فى لحظه من يومى ده حسيت انى بعيد عن التدوين ووحشتنى الكتابه والفضفضه وترجمه مشاعرى على ورق شجره مدونتى العزيزه


أأسف لنفسى على تقصيرى فى حق من احبهم

وأأسف ايضا على ما فاتنى من بوستات رائعه ولكن ملحوقه :)

الثلاثاء، 6 أكتوبر، 2009

كلنا لازم نعمل واقفه للتفكير


مش ناعى للدنيا هم

مش عاوز اى حاجه تعكر مزاجى

ولا عاوز ازعل حد منى

انا عاوز افضل زى ما انا كده

ولا عاوز فلسطين تتحرر دلوقت

ولا عاوز مصر تتطور دلوقت

ولا حتى النووى يمشى من الدنيا

انا بس عاوز الناس تسلم امرها لله

هو ده اللى مكتوب علينا ومش بمزجنا اللى احنا فيه

قدر ومكتوب ونصيب وهذا ما شاء الله

مش بإيد حد فينا انه يعمل اى حاجه غير لنفسه

اللى عاوز يكون بيكون

أسعى يا عبد وانا أعينك

مافيش حاجه أسمها مش لاقى شغل

اللى عاوز يشتغل هيشتغل

واللى عاوز يبقى سعيد فى حياته بيبقى سعيد

النهارده واحد سألنى سؤال كويس

بيقولى هو البكاء يا احمد ضعف ولا احساس

قولتله لا يا علاء ده احساس

علشان البكاء دليل على الايمان

والايمان عمره ما كان ضعف إذن البكاء احساس

كام واحد دلوقت ضعيف ما عندهوش إيمان

كام واحد شاعرى وبيهيم فى احساسه وهو اصلا حزين بلا دموع

حزين دى يعنى فيه عاقبه فى حياته او مشكله

ومشكله دى ابتلاء

والابتلاء ده نعمه من الله وسعات بيكون غضب

لو نعمه من ربنا هنكون حاسيين بالرضا ونلاقى كمان المشكله دى مش بتطول وبتتحل شويه بشويه

والكلام ده مش مع اى حد

اللى ربنا بيحبه بيعمله امتحانات وعلشان هو انسان كويس بيلجأ للى ابتلاه اللى هو بارضه هيخرجه من اللى هو فيه

والاحساس بالرضا والايمان ساعتها بيذيد ووقتها عمر الانسان ده ما هيكون حزين ابدا لان فعلا فعلا ربنا بيحبه


اما بقه لو الحزن ده من غير سبب يعنى حاله اكتئاب من غير سبب يعرف على طول انه بعيد عن ربنا ولازم يجدد دينه بسرعه

ولو كان الحزن ده بسبب وأخد وقت كبير ومش عاوز يخلص والمشاكل بتكبر

الحل الوحيد التفكير فى الله

لان اللى يفكر فى ربنا عقله مش هينشغل الا بيه

ومافيش حد فى يوم وليله بيكون اللى هو عاوزه

بالعكس ده اى حد عاوز يتدرب على فنون القتال او الموسيقى بيروح نادى يتدرب فيه وبياخد وقت على بال لما ينتهى ويكون مؤهل للشىء اللى هو عاوزه

اما الدين والعباده والتقرب الى الله

اسهل شىء

مجرد انى اروح أماكن ادرب فيها نفسى على العباده والتقرب الى ربنا هكون عابد كويس جدا

ومش هلاقى اى مشكله فى حياتى وهكون سعيد اوى لانى مؤهل للعيش كمسلم عابد راضى عن كل شىء وسعيد جدا ان ربنا

رب العباد بيرزقنى وبيبتلينى

.

.

ملخص الكلام انى النهارده شعرت انى بعيد عن ربنا ومهتم بالشؤن الدنيويه اكتر من اى حاجه

وحاولت انى اتعبد وافكر نفسى بدينى وبسيدنا محمد اشرف المرسليين

خير مثل اعلى للعالمين

صلى الله عليك وسلم يا حبيبى يا رسول الله

فداك نفسى يا اشرف المرسلين

.

.

وفى حاجه كمان

عاوز افكر الناس ان التقدم والسلام

اكبر دليل على التمسك بالدين

واحنا يا عرب ويا مصريين خاصه

لا متقدمين ولا عندنا سلام

معظم الناس دلوقت مش كويسيين

واللى محترم وكويس بيصطنع غير كده علشان يعيش

علشان احنا أخدنا

الانحراف مهنه

والسرقه حرفه

والكدب هوايه

واللامبلاه طبع

وعلشان نقدر نعيش مع بعض

لازم نتحول لطفره جديده من البشر

.

.

.

زعلان اوى من بلدى هى اللى خلتنى انسى ولو لمجرد ايام دينى

ومش علشان حاجه غلط

ابدا والله

ده علشان اكل العيش بقه جهاد

ربنا يسترها علينا وعلى غيرنا

وحسبى الله ونعم الوكيل

الأحد، 27 سبتمبر، 2009

أول جرح






لو جرحك ليا ملموس كنت من زمان خفيت

لكن ده جرح محسوس من كتر الوجع مليت

كلامك ليا مدروس راجع ليه وانا ليه استنيت

طلعت من القصه مكبوس وبأول جرح انا حسيت



كانت بتقلى انا نفسى اكون اخر واحده فى حياتك
وانا كنت بقلها انا نفسى اكون اول واحد فى حياتك
دلوقتى لا انا بقيت ليها الاول ولا هى ليا الاخيره
هى معاها حق علشان اول حب فى حياتها كان حب عمرها كله اللى فات واللى جاى
وانا كمان معايا حق علشان حب عمرى هيكون اخر حب انا حسيته

الأحد، 20 سبتمبر، 2009

انا احمد حماده مودى توتى انا احمد :)






كل سنه وانا طيب وبخير كده يا رب وبالف صحه وبكل ستر وسلامه

اللهم ما أغزى عين الحاسديين


خمسه فى عين اللى يشوفنى وما يصلى على النبى محمد


يا رب اعيش لحد لما اشوف اولاد اولاد اولاد اولادى

كفايه رغي بقه وخلينا فى المهم





أتفضلوا الجاتوهات بقه







مش ناسى والله المشروب .... مع الصبر بس












كل سنه وكل الامه الاسلامه بخير وسلامه ويا رب يديم علينا الفرحه والبهجه والسعاده


انا عايش اليومين دول أوقات ما شفتهاش فى حياتى


يا رب يكتب عليكم السعاده اللى انا فيها





بالنسبه لأمنياتى السنه دى





فهى تقريبا النجاح فى شغلى

والاهم والاهم والاهم تفضل امى راضيه عنى

أما بالنسبه للأمنيات التانيه

فــ احب اقول

حسيت زمان كتير وقليل
بالفرح والحزن العليل
لكن عمرى ما جربت
انه قلبى يميل
شفتك حسبت حياتى من جديد
الاول راح نص عمرى
وفى الاخر معاكى بقه مديد
.
.

بمأنى فقير لله
وضعيف فى الشعر والنثر
والذى منه
فأنا أحب أوضع شكرى وأحترامى وأعتزازى بيكم وليكم
واحب أقول انى تقريبا اسعد يوم ميلاد السنه دى علشان السنه دى مليانه بحجات كتيره اوى انا ارتحت ليها
يكفى انى طلعت بأصحاب جامديين اوى

ربنا يجمعنا على الخير دايما:)

اه صحيح انا النهارده الساعه 8:30 م أكملت العشرين من عمرى


الخميس، 20 أغسطس، 2009

أهم ثلاث حاجات


1-

من كام يوم بدأت المراسم الرمضانيه للأعداد إليه

بدأ كل شاب بنسخ الاغانى اللى عـ الموبايل ولصقها على جهازه فى فولدر على جنب

وبدأ يملىء الموبايل بالقرأن والابتهالات الدينيه
.

.

-فاضل على رمضان تلات اربع ايام عاوزيين نشعبن

-هنعمل ايه صحيح قبل رمضان بيوم

-عاوزين ننزل الميه قبل رمضان يا جماعه لازم نروح البحر ونعيش يوم جامد

-انا كمان عاوز اشوف البنت اللى بحبها واتمشى معاها اليوم كله علشان مش هشوفها تانى الا فى العيد الصغير


-انا مش هقدر ابطل السجاير مره واحده كده لازم حبه حبه .../ ازاى يا عم السجاير حرام...؟ .. /..لالا ما انا هبقى اشربها بعد الفطار....
..
.

الحجات دى بتحصل كل سنه قبل رمضان
القلق والتوتر والكعبله اللى بتحصل دى كلها لازم تتكرر كل سنه
معظم الشباب اللى بشوفهم واللى ممكن اكون انا واحد منهم لازم يحصل كل اللى بيحصل ده معانا كل سنه
مع اختلاف الافعال والاقوال والحجات اللى ممكن تتعمل فى رمضان ولا ما تتعملش
وكمان فى الاشياء اللى ممكن نحملها على شماعه (بعد المغرب بعد المغرب ) ..او.. ( لما نفطر )
...
..

.
كل واحد فينا عارف ايه الحرام وايه الحلال وايه اللى عيب وايه اللى ماينفعش انه يتعمل فى اى يوم فى السنه واى شهر.. مش فى شهر رمضان بس ..
وأكيد كمان كله عارف انه لازم الصلاه ولازم تبطل السجاير ولازم بناتنا ماينزلوش الميه كاسيات عاريات لازم يكونوا قابضات على الجمر
وأكيد كمان كله عارف ان الحب بطريقتنا باعت اليويمين دول غلط فعلشان كده بيقول اشوفها قبل رمضان وماشفهاش تانى الا فى العيد .. وده مايمنعش انه فى حالات إجابيه وحب محترم وعلاقات محترمه
بس رمضان شكل تانى
ألتزمات اكبر وتفكير اوسع
وفى رمضان بنشوف تقريبا كل حاجه بشكلها الصحيح .. الحلال حلال .. , .. والحرام حرام
وأى شىء كنا متعوديين اننا نعمله طول السنه طول ما احنا عايشين يعنى ..لو عملناه فى رمضان بيبقى فى نوع من الشك الرهيب والحذر الشديد اننا نقع فى ذنب ضياع يوم من ايام رمضان .. مثلا المقابلات بينى وبين البنت اللى بحبها أخاف ألمس اديها علشان حرام وهو اصلا اصلا حرام انهم يشوفوا بعض علشان مش محللين لبعض.... أمر معقد صح ...؟!

مثلا السجاير ......
والله العظيم حرام
وكمان نزول البحر غلط بالهدوم الشفتشى دى
أن كنت ولد ولا أن كنتى بنت
ربنا يهدى الجميع
.
.
.
2-



أنا مكسوف اخر حاجه

مع انى كنت متابع كل مواضيعكم بس مش بيبقى فى وقت انى اسيب تعليقات


كنت بقدر اوفر وقت بس لانى اطمن عليكم


أعتذار قد كده.. لغيابى
انا كنت فى مواضيع كتيره اوى كلها خير الحمد لله
اشتغلت فى شركه كمبيوتر كبيره فى سيدى بشر بالظبط فى شارع جمال عبد الناصر
وسبحان الله بعدها بأسبوع بس انا وصاحب الشركه وواحد تانى عملنا افتتاح شركه تانيه فى باكوس بس محل كبير وبرستيج عالى اوى

فكنت مشغول اوى الفتره اللى فاتت
شكرا لكل اللى سأل عليا
لما كان اى حد يسيب تعليق ويسأل عليا او يقولى كل سنه وانت طيب
كنت بفرح اوى وبحس انى كسبت اصدقاء بجد بأحترمهم وبيحترمونى
شكرا اوى يا جماعه للأحساس اللى حسيته نحيتكم
ربنا يجعلنا كلنا اقرب اليه أكتر ...من أول رمضان ده
..
.
..
3-
جاره القمر



إن سألتى فأسالى الله
وان استعنتى فأستعنى بالله
واعلمى ان الفرج مع الكرب
وان النصر مع الصبر
وأن مع العسرا يسرا
إن مع العسرا يسرا
أختى علياء ... الف الف سلامه على ماما
ربنا انشاء الله يشفيها
الايام دى جميله اوى وهنكون قريبين اوى لربنا فيها
وابواب السما هتكون مفتوحه واحنا صايمين
يا ريت كلنا ندعي لماما علياء علشان محتاجه اوى لدعواتنا
اسأل الله العظيم رب العرش العظيم أن يشفيها
اللهم رب الناس مذهب البأس .. اشفيها أنت الشافي ولا شافي إلا أنت.
فصبرا جميل والله المستعان على ما تصفون

الخميس، 30 يوليو، 2009

انا بيا ألم



الطبع يغلب التطبع



والطبع غلاب



الطبع دائم فى الانسان مايخرجش منه الا لما يموت


قالوا اللى طبعه الصمت أبلغ الناس


قالو الصمت من دهب والكلام من فضه



- يعنى الطبع ده ممكن نقول عليه انه مثلا يعنى حاجه احنا متعوديين عليها...؟!
- يعنى انا لو زعلت يبقى حزنى عامل ازاى ...؟!
- يعنى لما افرح بيبقى فرحى شكله ايه...؟!
- هو انا لو اخدت موقف من حد انا بحبه اوى بيبقى طبعى وقتها ايه...؟!
- فى حد طبعه لما بيتألم مش بيتكلم وبيكتم فى قلبه الكلام مش بيخرجه
ولو حد عزيز عليه اوى جرحه....
مش بيتكلم ممكن يقف قدامه متعجب كتير لكن مش بيقوله انت عملت ايه معايا وتلاقى التانى مش عارف انه عمل حاجه اصلا
وقتها طبعه يحكم عليه بإيه ...؟

- لما يحب حد اوى ويقوله انت حياتى كلها من البدايه للنهايه وفجأه الحد ده يبعد من غير اى سبب ويسيبه ينهار شويه بشويه لحد ما يتحطم خالص وبعدين ..... يرجعله تانى....

طبعه وقتها بقه هيحتم عليه انه يعمل ايه....!
يا ترى الصمت كالعاده والكتمان ولا هيكون ايه وقتها...؟!
.
.
ممكن يكون فى طبع طغى عليه الصمت .... الكلام هجره من زمن.

.
- قلبك هيكون حاسس ايه وانت مش قادر تتكلم وتقول آآآآآآآآآآآآة انا فيا ألم انا بيا غضب انا مالينى الحزن ..
مش قادر تعتب ولا تلوم

مش قادر تسيب دموعك تنزل ماسكها بالعافيه ...حاجه جواك بتكتف الدموع وماتسبهاش تنزل ابدا
حتى مش قادر تشتكى لحد وتحكيله
خايف وانت مع حد بيحبك و بيسألك مالك ..؟!
وانت مش عاوز تتكلم معاه ومش عاوز نظرته تفهم ان انت بيك ألم

مع ان ابلغ لغه .. لغة الصمت .. بس أكيد كلنا بنعانى منها
.
يا ترى انت طبعك الصمت ولا ايه...؟!

الجمعة، 24 يوليو، 2009

قال بتحبنى قال ...!!


هو الحب ده طالع حاجه جديده ولا ايه بالظبط
كله بيحب فى بعضه بمناسبه ومن غير
كل يوم الناس تحبنى كده
(( طبعا ما أقصدش انى تامر حسنى ولا حاجه ))



.




اليومين دول الناس بتحب بعض بطريقه غريبه اوى
.
.



ومصطلحات بقه زى ما انت عايز تدل على ان الناطق بيها عاصمه كبيره للحب
صباح الفل يا غالى - عامل ايه يا نور عيونى - وحشتنى يا روح قلبى - فينك يا عمرى - حبيبى وابن حبيبى - see u - take care ya baby

.
هو الحب جاى دلوقت فى الزمان اللى مات فيه الحب واتحول لحجات تانيه غريبه




هو فى ايه ...؟
ايه كميه الحب اللى من غير لازمه دى
هو فى كده ...!
نفسى بقه فى شويه كرهه
عاوز حد يعرف يكرهنى بجد

اه والله بجد
اصل بصراحه زهقت من الحب المزيف



بالزمه مش الكرهه سعتها يبقى احلى ....؟!









يا اللى انت بتحبنى وعارف انى مصدق

انا قلبى على قده صغير ولسه محندق

مافيش والله مكان حتى لكدبه صغيره

ارحمنى بقه انا فى الحب مش قدك



*-*-*-*-*-*-*-*-*-*-*-*-*



مش لاقى كلمه سر أخرج بيها اللى جوايا

مش بحبك كرهتك مش عاوزك معايا

كفايه بقه كدب عليا وتمثيل يا عم

نفسى تمشى تهاجر ترحل عن سمايا



*-*-*-*-*-*-*-*-*-*-*-*

.

.

انا شفت فكره جميله اوى فى مدونه مش فاكر اسمها دلوقت

بس الفكره كويسه وعجبتنى

وهى ان فى نهايه كل موضوع نسيب سؤال

علشان يبقى فى مجال اكبر وأوسع للتعليقات

والنقاش يبقى فى نطاق تفكير صاحب الموضوع

علشان كتير بكتب مواضيع وتتفهم حاجه تانيه

عموما انا هطبق الفكره دى عندى ويا رب تنفع


ايهم أرحم عندك ... ان يكرهك من تحبه ... أم ان يحبك حب مزيف ....؟!



الخميس، 16 يوليو، 2009

هو انت ليك قد ايه فى قلبى...؟!





ما زال الهوى هو قيدى الوحيد

ما زال قلبى ينبض بحبها من جديد

ما زال بعدى عنها هو السبب الذى يجعلنى اضعف

مازال حنينى اليها هو ما يجعلنى كالمستغيث اهتف

ما زال شوقى لها يجتذبنى فقط نحوها

ما زال غرامى بها لا يبصرنى غيرها

ما زالت رغبتى فى امتلاكها تمنينى بالعوده اليها

ما زالت دمعاتى حين اذكر بعدها تصرعنى امام عينيها

ما زالت مشاعرى تكشف خبايا نفسى التى لطالما خبأتها عنها

ما زالت احاسيسى تكره البعد عنها

وتخاف بشدة قربى منها

هكذا هى وحدتى حين اتذكر الماضى تأخذنى لمراسم الفرح التى اتمناها


ما زالت اشواقى تبكى على فراقى وتقسم الا احب غيرها ا و سواها

ما زلت انا اغرق فى وهم الهنا.. ذاك الذى اقنعت نفسى خطأً انه فى حبها نجاتى

كثيراً ما عانيت فى حبها سجين.... نعم كنت سجينها ...قتيل ...

نعم كنت قتيلها كثيراً ما شعرت بالخوف من حبها

لم اكن اتوقع خيانتها - ولكنى كنت اتوقع فقط خيانة من حولها

كنت رغم كل حبى لها اعانى ....

كنت ارى حبى لها بلا معانى

كنت اضحى واقدم القرابين وانا اعلم جيداُ انى سأكون حتماً من الهالكين

فكل من رأنى فى حبها عاتبنى على اخلاصى وقال لى ستأتى يوماً تبكى وانت تقاسى

لا اعلم ..ربما كانو صادقين ..

.رغم كل الجرح والانين ...

اشكك فيهم وانا بهذا خير العاملين

كثيراً ما تغاضيت عن جمود مشاعرها ... عن تحجر قلبها ... عن طمع احلامها

فيها كل تلك الصفات . وانا اراها اجمل وارق الجميلات ... اراا فى قلبى اميره الاميرات

لا اعلم كيف كانت خطواتى ترى ...اذ انها قاضتنى الى ان اكون فى وسط الثرى

اقنعت نفسى اننى املك منها وفيها كل شئ ...وانا اعلم اننى لست بمالك منها اى شئ

بها كل هذا الصفات ...وانا اسميها اجمل وارق النساء

انام واصحى على ذكر حبها فى الصبح والمساء

ولكنى للأسف ما زال الهوى قيدى الوحيد

دلونى ماذا افعل فيما انا فيه ... فرب كلمات تخفف عنى ما اعانيه


قالها على خلاف

وانا وقعت عليها بالاعجاب

دايما انت بتحسن الاختيار
انا مبسوط اوى ان انت صاحبى بجد
ربنا يديم المحبه بينا
انا بعتز بيك اوى يا على ونفسى ما تخرجش من الاوضه بتاعتى ريحتك وقصاقيصك الكتير اللى فى الدرج
ولا تخرج من محفظتى صورتك
ولا انسى ذكرياتى معاك
ولا ننسى الخناقات والقمصات اللى كانت بتحصل بينا
ولا تنسى الجوبات اللى كنا بنكتبها مع بعض

ولا مجال الحورات اللى بيدور بينا وكأنه احنا الاتنين قاعدين على كراسى اعترافات
ولا حتى ننسى ايام لما كنت بتصحينى الفجر علشان مش عارف ايه كده ...!
وزى ما ذكر شلاطه

عن الصديق اللي الرسول صلى الله عليه وسلم قال عليه
المرء على دين خليله
عن الصديق اللي هو حامل المسك
مش نافخ الكير
عن الصديق اللي قال عليه شوقي:
عن المرء لاتسل وسل عن قرينه
فكل قرين بالمقارن يقتضي
.

.
علشان نعيش ونكبر ونفتكر انا وانت ( AHMED& LOSHA )

الخميس، 9 يوليو، 2009

نقطه سوداء قد محوتها







كما هى من يوم ان رئيتها.....


تتباهى بجمالها وتتبخطر عندما ترى احدا يهتم بها ويلقى عليها بمحاسن الكلمات.... فمنذ ان عرفتها وهى جميله تتباهى بنفسها حسناء ..لا تخشى احدا من جنسها فهى لم يسبقها احدا جمالا فلا تنظر الى فتى الا وقال انها نظرت لى ويشك انها تحبه ....حتى جاء دورى.. عندها فى انقاذها من ايدى الذئاب الذين كادوا ان يلغن فيها لولا انها صرخت فسمعتها فأتيتها مسرعا.. ففروا الذئاب خائفين من ان تعرفهم وأعرفهم وقالت لى انت منقذى انت حبيبى .. انت .. وانت ...وأنت...ووقع على حدسى كلامها وكأننى اتمناه منها فكلمه حبيبى كنت يوما اتمناها منها حرفا اتمناها منها همسا او نظره واذا بى اصدق ما قيل لى من كلام معسول خارج من فم هو بيت للصدق كما ظننت..ولم ادرى ما جزائى لأنقاذها احقا تملك هى هذا وذاك وهذا وانا ...لا انا لا

انا لا اعطى مفاتيح قلبى الا لمن يصون ...فشيم اهل الوفاء ليس بالغدرفأنتى غدرتى ولم تصارحينى فى بادىء الامرفليس لكى عندى غير عتاب وفراق ..

فأذهبى فمثلك لا يستطيع ان يعكر صفو حياتى وان يغير شكل بسماتى.

ففى مدونتى اناس والله لو تعرفيهم لتمنيتى انت تكونى منهم..

فلهم روحا صادقه ..غيرك تماما

وأعلم انك ستقرأين كلامى

فلا تعذرينى فأنا اقصد

ولا تتشفعى لى فأنا اقصد

ولا تغفرى لى فأنا اقصد

مثلما يوما انتى قصدتى


.


.



وأترك حبها فى غير بغض


وذاك لكثره الشركاء فيه


فإذا وقع الذباب على طعام


رفعت يدى ونفسى تشتهيه

الأربعاء، 8 يوليو، 2009

هى دى اخرتها....؟!






اه لو تعرف اللى انا فيه
وازاى قلبى عاش لياليه

مش لاقى حضن يدفيه

ولا يحس معاه بامان

غلطة قلبى ان انا حبيتها

سكنتها قلبى وبقى بيتها

والحب اللى انا عشته معاها

راح يا قلبى كأنه ما كان

هوه جزاتى عشان حبيتها

بقى يعنى هيه دى آخرتها

بعد ما كنت بخاف دمعتها

تنزل على خدها وتبان

واهى دلوقتى كمان فايتانى

عايشة بقلب وحب انانى

وآه لو كانت هيه مكانى

كانت حست بالحرمان

بعدك والله هعيش واتحمل

وامشى المشوار تانى واكمل

منك والله القلب اتعلم

ازاى هقدر عالأحزان

*******

إن فاتك اللى تحبه قدر انه مات
إترك سبيله ولا تندم على اللى فات
ده الصقر يعلى فى الجو فوووووق
يموت من الجوع ولا ينزل على الرمات