الجمعة، 15 مايو، 2009

الحب وما ادراك مالحب..؟!


الحب وما ادراك ما الحب

ايوه ما ادراك ما الحب

الحب الحب


يعنى ايه الحب ده


هو الحب ده ايه ولا ايه ولا ايه .....


انا مش قادر افهم الحب ده ايه لحد دلوقت


لا بجد احترت هو اى نوع من الشعور اللى انا بحس بيه


ممكن يكون وحشه


او ممكن يكون احتياج


او ممكن يكون.. او ممكن يكون


ولا الحب ده ..


..حيله اختلقتها المرأه علشان تسجن الرجل فى سجنها الى الابد


بحيث انه ما يبعدش عنها بنوع من الانانيه الخالصه


ليها هى بس ..

اهو يمكن يكون هو ده الحب علشان ده اخر احساس انا حسيت بيه


اهو بقه زى ما يكون


اى حاجه بنضيع فيها الشعور بالاحتياج والوحده ونضيع فيه كمان الوقت


او يمكن يكون خضوع للوساس الغربى


انا اذكر قصه حصلت من زمان


انه كان فى صبى صغير من المسلمين قاعد بعيد عن بلده فى الصحراء وكان بيبكى بكاء شديد


فجاء رجل من اعداء الاسلام علشان يشوف احوال المسلمين ومنها يقرر انه هتقوم الحرب ولا مش هتقوم


فذهب للصبى وسأله انت بتبكى ليه


فرد عليه الصبى وقاله انا ببكى علشان انا اتأخرت على صلاه العصر فى المسجد ولم اصليها بعد


فذهب الرجل مسرعا الى بلاده وحزرهم من الحرب لان بكاء الطفل على صلاه يدل على تمسك هذه الدوله بدينهم تمسكا شديدا


فبالتالى لن يستطيعوا ان يهزموا المسلمين


ومرت الايام والسنين



وعاد نفس الرجل الى بلاد المسلمين ليدرس شؤنهم مره ثانيه



فوجد نفس الصبى جالس فى نفس المكان ويبكى


فسأله مما يبكى


فرد عليه الصبى وقال له انه يبكى على حبيبته التى على فراق حبيبته


فرجع الرجل الى بلاده مسرعا ليبشرهم ان المسلمن قد ضعف ايمانهم قد جاء القت المناسب للحرب



انا عن نفسى استفدت من القصه دى انه الحب بتاع اليومين دول ضعف فى الايمان



وان الحب مش بيكن كده خالص


الحب فقط بين زوج وزوجته ووقتها يكون الحب من والى وفى سبيل الزوجين ووقتها تتفاعل جميع الحواس والمشاعر التفاعل الصحيح


بحيث ان العقل والقلب يتفقان معا فبالتالى تكون العلاقه القائمه بينهما ليس لها مسمى الا الحب


هذا هو الحب فى منظورى المتواضع


لو حد عنده تفسير تانى يقوله بقه



الثلاثاء، 12 مايو، 2009

فى النص بالظبط


فى حياتى نور و نار و ضل


و كلام و عقل


أحاسيس بتتبدل يوماتى


بألف شكل


و سلام وحرب


و فرح و هم و غيم و كرب


و نسيم و حب


و خوف و قلب يخاف يطب


و حلم مات


و حلم حى


أحساس بيبعد و هو جاى


و حوار عبيط


ومكرونه و كفته و قرنبيط


و حاجات جنون


و بدله لون زهر الريحان


و بالطو لون ثمر الليمون


و عيش محمص مغمسينه


جبنه و زيتون

و سفر و ليل


و بلاد تحط و بلاد تشيل


و مطار جميل


و غربه مافيهاش الحبيب


ولا الخليل


و لا حتى فيها شىء بديل


و المعضله


أنى بأعيش فى الأختلاف


من غير شعور بالمشكلة

ها هو خيال tooot

الأحد، 10 مايو، 2009

انا مين...؟!


للأسف كالعاده

انا مش خايف

عمرى ما خفت من عواقب اى شىء

اللى بعمله اليويمن دول بالزات يدل على انى انسان عمرى ما عرفت طعم للخوف

عمرى ما حاولت فى مره انى اخاف بجد

ولا عمرى كنت حريص على انى اكون مش خايف

علشان مش بخاف

انا حاسس انى بقيت جبله

هو الخوف ده عامل ازاى

هو انا ايه

انا كل ما تحصل حاجه تخوف بقول انا خايف بس مش علشان انا خايف

علشان ماحدش يقول عليا مين ده ... ؟

مش بنى ادم ده ولا ايه

هو انا مين.... ؟

انا مين بجد انا خايف من نفسى اوى

ما هو اصله اللى مش بيخاف من حاجه ده ممكن يعمل اى حاجه

وانا فعلا باعمل اى حاجه .... اى حاجه

انا خايف على الناس منى

انا بقول انا خايف ومش متأكد من الكلمه دى خالص

مش حاسس بيها

اكيد اللى انا فيه ده احباط

ايوه ايوه ده نتيجه افعالى اللى بعملها بدون مبالاه

انا خلاص عرفت انا ماينفعش انى اعيش مع الناس اللى بحبهم

علشان انا مش بخاف عليهم

انا لازمنى عزله لوحدى

فتره نقاها

لازم ارتب نفسى واعرف فى ايه

واعرف انا مالى

واعرف انا مش بخاف ليه من اى حد ولا من اى حاجه

لازم اعرف انا مين وانا ايه وانا فين وانا مع مين

مين اللى يستحق انه يعرفنى ومين لا

مين اللى انا ظلمته فى يوم من الايام

ومين اللى انا همشى واسيبه وابدأ اخاف عليه

وابدأ ادور واشوف مين اللى هيعلمنى الخوف

هروح للغربه يمكن تعلمنى

ايوه ايوه هى مافيش غير الغربه

هى اللى بتعلم

لازم اعرف انا مين لازم


السبت، 9 مايو، 2009

..... it's ok




it's ok

i'm fine

i'll be good

mosh momken ea gama3a elly be7sal dah

men zaman awe mahstsh elehsas dah

hases ane dai3 men 3*erk

ana 7*ayf ahsn tekony etkhtbte begd

الجمعة، 8 مايو، 2009

إرحل الان.. الان



عذراً سيدتي ..
للمرة الألف عذراً..
فأنا برغم الفراق ..
مازلت أحبك جداً ..
جداً..جداً....

نعم..
أحببتك جداً .. وسأحبك جداً ..
لكن " جداً " هذه لا تملك القدرة على انتزاعنا
من بين أنياب الفراق ..
ولا الوقوف أمام طوفان الواقع ..
ولا تمنحنا حق الحياة .. معاً ....

قلت لك يوماً ..
إني رجل مسكون بالحزن ..
وإن الحزن يعشقني كعينيه ..
ولن يطلق سراحي يوماً ..
و أنتى إمرأه يسكنك الفرح كالدم ..
و إني أخاف عليكِ من حزني ..
فالحزن لا يحب السعداء ....


لكنكِ عانقتِ الحياة أمامي
و ضحكت كالطفل الوليد
و مددت لي يدك بوردة حمراء
وأنشدت لي أنشودة الحب والفرح
وقررت أن تتحدى حزني
وأن تعيدى طلاء قلبي
وترممى مدينة أحلامي
وتتجولى معي فوق شواطئ الخيال
وتهديني البحر في يوم ميلادي ....


لكن حزني كان أقوى منك ومني
فلم يغادرني ولم يتنازل عن قلبي
وبدأ يتسلل مني إليكِ
يشرب دم قلبك
ويسرق الفرح من أوردة أحلامك
ويشيّد بيني وبينك مدينة من الشقاء
فرأيتك تضيع أمامي
ورأيتك تتألم من أجلي....


ولأني أحببتك جداً

أطلقت سراحك من حلمي
وفتحت لك أبواب قلبي

ومهدّت لك طريق الهجرة مني
وقلت لك بصوت البكاء المختنق : إرحـــــــــــــــــلى ..
كي أمنحك فرصة أجمل للحياة...



ما أروعني يا سيدتي ..
صفّقى لي بقوة ..
أتقنت دوري أمامك ..
كنت رجل قوي ..
كنت رجل جباراً..
وأنا أدعوك إلى الخروج من قلبي ..
والانسلاخ مني كجلدي ..
والرحيل بعيداً كطيور الشتاء....


ولن أعترف .. لك يوماً
بأنني وقفت أمام المرآة طويلاً
وتدرّبت أمامها كثيراً كي أتقن دوري أمامك
وأصرخ في وجهك إني لا أحبك


فترحلى أنتى بحزن الأرض وكبرياء السماء وذهول البحر
وأبقى أنا خلفك أحبك وأفتقدك

بحجمهم وحزنهم وكبريائهم وزهولهم....



فهل أدركتى الآن يا سيدتى..؟
لماذا أغمضت عيني يوم الرحيل.. ؟!
فارحلى قبل أن أنتهي من العد وأفتح عيني
فأنا أضعف من أن أشهد بعيني تفاصيل هجرك..


ارحلى الان ... الان

الخميس، 7 مايو، 2009




مش هتتعدلى معايا بقه ولا ايه
كلمينى انا نفسى اسمع صوتك
وحشتينى اوى
.
.

الأربعاء، 6 مايو، 2009

عمرى ما اتخيلت انك تبقى كده... افرحى بقه..



لا مش كده يا املى

اوعى تكونى كده فى يوم من الايام

انا مش هقدر اشوفك كده ابدا

انتى بالنسبه لى حلم جميل اوى مش هيتكرر

انا عارف ان المسافه اللى بينا كبيره اوى

لكن انتى ما تعرفيش انا بكن ليكى الحب الاحترام قد ايه

بجد مش متعود عليكى كده

ربنا يكرمك بالفرحه

يا رب تلاقى ابن الحلال اللى يستاهل انسانه زيك

بجد بجد بتمنى من كل قلبى انه يجى اليوم واشوفك فى الكوشه فرحانه سعيده بقدرك

يا رب يا املى تكلمينى وتقوليلى انا فرحانه اوى يا احمد علشان كذا

نفسى احس بفرحتك نفسى بجد اشوفك وانتى بتضحكى زى زمان ايام المدرسه

فاكره ايام المدرسه يااااااااااا ايام جميله

وعلى فكره خدى بقه الابتسامه دى

.

.

يا طفله يا فراشه

يا اللى هنا واللى هناك

يلا بقه

يا رب اتفهم بسرعه...



عايز فرصه

فرصه واحده اصحح بيها الصوره اللى بقالها سنين
مش مفهومه

نفسى فى فرصه اوضح فيها انا ايه

نفسى اللى اقصده يوصل من غير كلام كتير

ولا هو لازم اشرح
وأرد على كلمه


(( مش فاهمه .. ممكن توضح اكتر ))


يا رب اتفهم بسرعه

زهقاااااااااان



زهقااااااان على الاخر

مش عارف بقه...

يمكن علشان لسه صاحى ...؟!
مش عارف اللى بيزهق .. بيعمل ايه...؟


ست الحزن والجمال



حين يسدل الليل ستائره على الارض الغريبة

ويمارس الكون طقوسه اليومية ...

فى ستر عورات البشر...

ويلملم المساء من خلفنا ...

أوراق عمرنا التى سقطت للتو..

ونردد جميعاً ... أنشودة الصمت..

أجئ اليكِ كى أغسل روحى.. فى محراب حزنك

كى أتوضأ من ماء دموعك..

كى اتلو وردى بين يديكِ..

واضمُ جناحَيا على بابك .. و .. استريح

محاولاً فى كل مرة..

أن أغزل من ألمك ثوباً يدارى سوءاتى..

أن اصنع من حروفك .. صورة عمرى الذى كان..


مبتدءاً حزنى بكِ..


منتهياً فرحى لديكِ ..


أجئ اليكِ ..


فقط كى اتأكد أنكِ لا زلتِ..


سيدة الحزن و الجمال

الثلاثاء، 5 مايو، 2009

انا محتاجك اوى تكون جنبى اليويمن دول...؟!









النهارده بس عرفت معنى جديد لكلمه ذكرى ذكريات كنت بحاول انى على قد ما اقدر ما افتكرهاش بس سعات فى حجات بتحكم على الانسان انه يفتكر حاجه هو مش عاوز يفتكرها مثلا زى القلب ممكن يحكم عليك انك تحن ممكن يخليك تحب فى اللحظه مئه مره ما تقدرش تقوله لا علشان هو مش مستنيك تقوله حب دلوقت او حب بعدين افتكر دلوقت او افتكر بعدين بجد مش مستنى كده خالص .





زى الايام دى



انا فاكر كنا بنتقابل



ونقول ونعيد



زى الايام



دى كنا بنتكلم عن بكره



وكأنه العيد



دلوقتى خلاص



لو حتى بنتقابل صدفه



بنبص بعيد






اشخاص كتير برتاح اوى لما اتكلم معاها بحس كده بحاجه غريبه ممكن اسميها حنين ... اى اسم بقه المهم انها حاجه بدخل على قلبى الفرحه والراحه بحس وقتها ان قلبى بيرقص فى مكانه ....






انا محتاج اوى لحد بحبه اتكلم معاه



علشان انا تعبان اوى



و زعلان من نفسى اوى



وخايف عليا من بكره اوى



ومحتاج ليك اوى






محتااااار.....!!!!



أنا يا سيدي ......
لا أعرف أي طريق أسلك
كنت أشكو ملل السير في طريق ذا اتجاه واحد
استيقظت على مفترق طرق
الآن اشكو كثرة المسالك
تعال ... قل لي
أين أذهب؟؟
بأي طريق مضيت أنت فألحق بك؟؟
كل المعالم تبدو الآن متشابهة
إن صعب ذلك عليك...
فأضف الحيرة إلى قائمة المشاعر التي لا أحب مروري بها
بل ضعه على رأس القائمة
أندلس عندما تكون محتاره

الاثنين، 4 مايو، 2009

دعنى ارحل....



دعنى أرحل ..


ربما يوماً ما اشتاق إليك ..


أبكى عليك .


.يؤلمنى غيابك.


.دعنى أرحل .


.دعنى أجوب الطرق وحدى ..


و احتسى الشاى وحدى ..


واتصفح الجرائد وحدى ..


واهتم لحالى وحدى ..


دعنى أرحل ..


فلم أعد أنا بطلة أحلامك ..


لم أعد أنا أميرتك القادمه


من عهد الأساطير لتمنحك السعاده ..


لم أعد أنا الملاك الذى بعثه


الله ليغير أيامك ..


دعنى أرحل ..


حررنى من شفقةٍ عليك.


.من ذنبٍ احمل إثمه وحدى .


.من وعودٍ سيوجعها الترحال .


.دعنى أرحل ..


لا تنظر لى بعتاب الآن ..


لا تحتضن كفى بحنان للمره الأخيره..


لا تجعل عينيك تدمع بوجودى..


كن صلباً..


كن صلباً كما لم أعتد عليك..


كن صلباً حتى النهايه ..


ودعنى أرحل..




دعنى ارحل

رائعه(( HAPPY ))

انا مش بحبك...!! فيها حاجه دى...؟!




أنا مش بحبك..ولا دُبت فيكي.

ولا قلبي عاشقك..وحيموت عليكي.

ولا نفسي دايما تكوني معايا..

ولا نفسي أشوفك..وأبص ف عنيكي.

ولا نفسي أضمك لحضني تَـمَلَّي..

ولا نفسي أخلِّي..إديا ف إديكي.

ولا انتي ف بالي..وساكنه خيالي..

ولا مالكه عقلي..ودايما ناسيكي.

ولا بتلهميني بأحلى قصايدي..

ولا نفسي أهدي ديواني إليكي.

ولا كل ليله بشوفك ف حلمي..

ولا حلمي إني أعيش بس ليكي.

ولا حتى سحرك مشقلب كياني..

ولا البدر دايما مفكرني بيكي.

***

ولو يوم يعدي وماشفتكيش..

مابيهمنيش.

ولا ازعل واعيط..

ولا احس إني مابقدرش اعيش.

ولا احس إن الـحياه ماتساويش.

ولا احس إن القصايد ف غيرك كلام خنتريش.

ولو حد قالك عليا "بيكدب"..قوليلو "بتكدب"

وماتصدقيش.

وإنشالله يارب لو كنت بكدب..

إلهي وجاهي ألاقيكي جنبي..

شريكتي ف حياتي وماتبعديش.

ودي حاجه طبْعا مابتمنهاش..

ولو تعرضيها عليا بنفسك..

حقولك بلاش..

فإوعي تحاولي ومتفكريش.

وخليكي عارفه.. وماتأخذنيش..

وجودك ماهواش بيفرق معايا..

ولا بُعدي عنك بداية النهايه..

وحُسنك ماهواش حكاية وآيه..

ولا نفسي قلبك يـجاوب ندايا..

شعوري تجاهك حبيبتي مفيش.

وكلمة "حبيبتي" دي زلة لسان..

وملهاش علاقه بـحاجه ف قلبي مـخبيها عنك بقالي زمان

..ماتتلككيش.

سبيني ف حالي..

أفكر ليالي..

واشوف ليه عيونك مابيشدونيش !!!

***

ارجوكى سيبينى


شكرا (( سالم صلاح سالم ))

الأحد، 3 مايو، 2009

رحيل .....




عذرا إن وجدتم في كل مرة شخصية غير التي كانت ،،

فمجنونة أنا أحيانا أو عاقلة ،،

قاسية قد أكون أو حنونة ،،

متفائلة جدا أو يائسة ،،

حزينة أوقات ولكني اسعد بلحظات فرحى ،،

منظمة جدا و فوضاوية إلى أقصى درجة ،،

اهتم بتفاصيل الأمور ولكني اتعب من سردها ،،

واحكي كثيرا وأصمت أكثر ،،

طيبة أنا ولكني بلا قلب........

وايضا عذرا فأنا لتحرري حدود ،،

ولجنوني عقل ،،

ولتهوري ضمير


قالتها رحيل ووقع عليها بالاعجاب احمد

أسأل مجرب....!




امبارح كان يوم جميل اوى

يتحسب عليا من الايام اللى فرحت فيها اوى

هو كان يوم عادى يعنى

او اللى حصل فيه معتاد

بس كنت حاسس انه ليه طعم تانى

كنت فى فرح شبابى ( قاعده )

فى منطقه السناهره بمدينه كفر الدوار

ومن كتر ما كان احمد عمران بيحمسنى ويقولى

قوم ارقص يا احمد

يا احمد انا بحب اتفرج عليك وانت بترقص

وانا كنت بقوله يا عم مش طالبه مش هعرف انا مش رايق

وفجأه كله يزن عليا

واحمد الجزار يتحايل عليا بس بعنيه مش بالكلام

وفجأه قلعت الجاكت وكانت هى دى اللحظه

بمجرد انى قمت علشان ارقص

فـُجئت بالمنطقه كلها (( منطقه السناهره )) قامت ترقص معايا

طبعا كله عاوز يغلبنى فى الرقص

بس على مين ...

السقفه كانت ليا والليله كانت بتاعتى

فاحيانا الواحد بيكون محتاج للحظه زى دى

شىء جميل اوى انه يكون كل حد حاضر مهتم بيك ولو للحظه بس

مش عارف كان ايه اللى حصل بس انا برتاح اوى لما برقص

تعبان زهقان ... مش بتفرق معايا لو رقصت بنسى كل شىء فى لحظه

واشوف نفسى حد تانى

مع انى بعترف بمقوله (( من رقص نقص ))

انا بعتبرها انها صح بس مش فى كل قت

يعنى انا مش برقص فى اى وقت

كل فين وفين تشفنى برقص

وقت الضروره يعنى

يااااااااااااااا كان يوم جميل اوى اصل الصيف لسه واصل جديد

والافراح على ودنه

ربنا يفرحنا كلنا يا رب ولا يدخل علينا اى لحظه حزن

الفرح حلو يا جماعه

وبجد بجد الرقص حاجه تانيه ممتعه

يعنى لو يجرب اى حد مضايق انه يرقص حتى لو لوحده قدام المرايه

لازم هيحس براحه

بتعرف ترقص ولا مابتعرفش هترتاح يعنى هترتاح

اسألو مجرب

الجمعة، 1 مايو، 2009

هل انتهيت من حديثك السخيف....؟!





هل انتهيت من حديثك السخيف عن هذه التفاهات التى تسمى كلامك فى حبى


هل انتهيت مما تسميه غزل في


انتهيت اذن ...!؟


حسناَ...


سأتركك وحدك وأنصرف

انكسار فى الروح





قاسى هو الاحساس بالظلم


عندما احس بنفسه وهو فى وضع غير الذى كان فى خياله


كادت روحه تخرج من جسده عندما شعر انه ضاع بلا ثمن


بزل مجهود .. تحمل فوق طاقته.. انتظر المقابل....!


ولكن للأسف لم يكن المقابل كما الذى كان يخطط له فى الماضى


وضع لنفسه شروط للعيش


نفذها بحزافيرها .. وانتظر .. وانتظر..


ولكن قد شاء القدر فماذا هو فاعل غير الاستسلام




.


اخذ نفس عميق ثم قال



أأأأأأأأأأأأأأأأأأأأأأأأأأأأأأه من الآه



هى كده زى الخبطه بوم تش طاخ


الله جاب الله خد الله عليه العوض







وكان المنتظر من رد فعله هو ان يثور .. وينفعل .. وينشطر ..


لكنه قد تخدر من شده الالم وهمدت ناره بداخله


ونقشت روحه على جدار ذكرياته ذكرى جديده مؤلمه


فمن الاكيد انه لابد ان لا يخشى منه احد لان هذا الوجهه الغاضب ..


هذا الوجهه الثائر .. هذا الوجهه المشتعل ..


لابد ان لا يخشاه احد


لان هذا الاشتعال هذه الثوره ليست غضب ولكنها





انكسار فى الروح





ليه كده يا ....(( احمد عمران ))

احمد الجزار واللى جرى له

احمد الجزار.. وما افـُتعل به..
.
.
.
أنفاسها أحرقت سجلات الماضي ..
كلماتها أقامت على أيامه السالفة مأتما وعويلا ..
وهي تغلغل حبها بين حنايا روحه..
تنبي كيانه على أساس مدعم بمشاعر الحب المسلحة..
وبخامات نبض ملغم بالهيام ..