السبت، 27 يونيو، 2009

جرحت نفسى اكتر ما هى جرحتنى



يا حبيبتى فى ايه مالك

ما تقولى بس ايه جرالك

قولتيلى ايه اللى شاغل بالك..؟!

أنا....؟!

لو انا ما تفكريش انى اهون عليكى

ما تفكريش اتحرم من لمسه اديكى

ده انا كنت بنام فى انتظارك على شبابيكى

انا...؟!

ما اظنش اكون انا السبب فى حيرتك

ما هو اصله مش انا اللى سيبتك

مش انا اللى وديتك ومش انا اللى جيبتك

مش انا اللى جازفت وجربت تجربتك

ايوه مش انا...!

انا مش كده يا حبيبتى كداب

انا وعدى ليكى كان بحساب

زى ما قولتى أدخل من الباب

خرجت تانى من نفس الباب

يعنى حكمتى عليا بالانكسار

عارفه معنى راجل عايش فى نار

عارفه اد ايه انا واقف معاكى محتار

مش عارف بجد اخد قدامك القرار

ولا ينفع كمان دلوقت الفرار

لازم يا انتى افك الحصار

وارفض رجوعك بكل إصرار

واقولك كمان بكل اختصار

.

انا,.....
انا مش بحبك
******************
دلوقت بس بدأت اشوف كل حاجه صح
مش كل اللى يدق القلب ناحيته يبقى هو حبيب العمر كله
لالا ده ممكن القلب يدق ناحيه ده وناحيه ده وكمان هو مش مستنى اقوله حب مين وماتحبش مين
فالحب هذا لا يشكل فى انشاء العلاقه الا نسبه ضئيله جدا((الاختيار فقط))
فمن الممكن اذا دق نايحه حد يبقى هو كده بيقولى
(( فــكــر))
دخل بينى وبينك العقل
وهو يحكم
لو ينفع نكمل كمل وانا معاك
لو مش هينفع هكون لسه معاك
يعنى الحب اللى بينجح اصلا اصلا بالعقل
يعنى المفروض كنا نغنى للعقل مش للقلب
القلب ما هو الا وسيله للأختيار
ولا يوجد شىء معصوم من الخطأ
ففى مثل هذه الاشياء هو اعمى وكثير الخطأ
أوصيك يا عقل بالانتباه الى هذه المضغه الكائنه بين أضلعى
أوصيك بها فأنا لم اعد اتحمل اكثر من هذا

الخميس، 18 يونيو، 2009

راحت ازاى عن قلبى...؟!



هى اللى قررت انها تهجرنى
وترسم خط طويل رايح ومش راجع
هى اللى قالتلى خد منى ذكرى
علشان لو نسيتنى تشفها تفتكرنى
هى الل قالت مش هينفع اسفه
هى اللى قالت اعملك ايه انا مش عارفه
وانا اللى قلت.....
انا ما قلتش حاجه
انا مزهول

بنحب بعض فيها حاجه دى



واحد حيران

بيدور على الهنا

عمره ما حزن اكتر من سنا

مع انه سبب كبير فى فرحنا

والتانى سهران

ووحيد يا ناس زمانه

وعايشيين يا ناس والله بحنانه

وكتب علينا نبقى عنوانه

والاتنين اختاروا الطريق

وسافروا مع بعض فى مشوار الصديق

واحد تاهه فى نص السكه

والتاني بيتحايل على الطريق

ويرجعوا تانى يقولوا لبعض

يا صاحبى انا جنبك ولا قبل لا بعد

فى المر فى الويل

مع بعضنا احلى من الشهد

يا نجم يا عالى فى السما اشهد علينا

اننا نفضل لبعض كل اللى لينا

لو مش هندخل حتى دنيا

المهم نمسك فى بعض يا صاحبى بإدينا

ووعد ليك وليا هدف

فى عينى حصنك اقوى من الصدف

واكون نورك فى دنيتك

اكون سبب فى ضحكتك

واكون النسيم فى خنقتك

وهكون سيفك فى عركتك

ولو حد سألك غيرى فى يوم وقالك انت مالك

قوله يا فلانشه خليك فى حالك

الجمعة، 5 يونيو، 2009

قطعه من القلب

قبل اى شىء
وبقلمى البرىء
الى أرجل صديق
الواد الجرىء
احمد طلعت
فى اول القرار
لزمًا اقول الشعار
وهترفع الستار
خلييييييييييييييييييييييييييييك فى حاااااااااااااااااااالك
اود اقول
اننا 5 صحاب
ايد واحدة
وبنمشى فى سكه واحدة
وبنسافر فى عرابية واحدة
ومافيناش غير بنت واحدة
ومحدش يجى علينا
ومحدش يملى عنينا
ومعانا للفرح موال
ومعانا للجرح موال
وهنقول كلام عمرو ماتقال
احنا نجوم اغنية الرحال
للندل مابنديش
وعلى الشر مابنجريش
والجرح مايشغلنيش
ومن تانى ماتشغلش بالك
احنا مجال
خلييييييييييييييك فى حااااااااااااااااااالك
كتبها احمد عمران ودون عليها بالحزن احمد طلعت
مع تحيات
1فكك منى
احمد طلعت
2ملكش دعوة
احمد مرعى
3خليك فى حالك
احمد عمران
4برة عنك
احمد الجزار
5ماتشغلش بالك
احمد الغرباوى

طظ فيك



يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

الخميس، 4 يونيو، 2009

قنبله المفاجاءات


جيش الصحاب واقف وراه
يستنوا اشاره ويجروا معاه
ونتمنى بس ننول رضاه
ضحكته يا ناس ولا فى الاحلام
وهو ساكت بيقول كلام
كلام سلام على الايام
ومشوار الرحال شايل الاحمال
وهو ده عمو الجمال
ويا عم يا جمال جمالك راح
ولا الزمن هو اللى شايلك الجراح
ولا العيون دى اتجرحت من العمر اللى راح


احد الاعضاء الاساسيين فى رابطه مجال خليك فى حالك

قنبله لا اكثر ولا اقل
يحمل من المفاجئات مايستطيع ان يبهرك فى اللحظه الف مره

صباح الرضا يا ريس


دى مصر بلد الجزاره
عارفاه كل الشوارع وكل حاره
يتلفك بأيده وبلفه سجاره
واخد كل شىء تجاره
معادا الصحوبيه
معاهم بيبقى الراجل الميه ميه
القلب الطيب الغلاب اللى كله حنيه
ساب وراه كل شىء
وعمره ما بكى على اى شىء
عنده صحابه هما اغلى شىء
حاسس بكل اللى حواليه
ولا عمر حد عرف يجى عليه
بحب كل حاجه فيه
ولو سمحتوا ماحدش يقولى ليه


احد الاعضاء الاساسيين فى مجال خليك فى حالك

قلب وروح المجال بلا منافس

شمس الشله




اسمك فى قلبى مستحيل الزمن يمحيه
ولو قلبى مات فى القبر اسمك هيكون فيه



ما حدش يجى عليه

ما حدش يملى عنيه

معاه للفرح موال

ومعاه للجرح موال

وبيقول كلام عمره ما تقال

هو نجم شله الرحال

احد الاعضاء الاساسيين فى مجال خليك

اعز الناس على قلوب المجال كله

من الاخر ده

شمس الشله اللى من غيره ما نقدرش نعيش

بحبك اوى يا احمد يا غربااااااااااااااوووووووووى


وحيد الزمان .. عابر بدون عنوان .....


وحيد الزمان...
عابر بدون عنوان
تايه غريب فى ارضه..
مش لاقى لقلبه مكان
نفسه يلاقى صديق
ويلاقى معاه الطريق
تايهه فى بحر غريق
محتاج اوى للأمان

احنا مش عاوزين نبقى كده... صح ...؟!



عجبكم كده...؟!
يعنى كله مبسوط يعنى ,,,...؟!
طيب لو سمحتم انتم عايشين فى مصر مش فى حته تانيه
هو فى حد قاعد فى بيته وعاوز ياكل ويمد ايده فى تلاجه الجيران
هو فى كده ...؟!
احنا مجال خليك فى حالك مقاطعين اى منتج عدا منتج بلدنا
يا ترى بقه فى حد تانى مقاطع او ناوى يقاطع....؟

احفظها عندك يا عمران



يا عمران

لك الحق فى ان لا تترك يدها

فانت الاحق بها دوما

كن معها وكن لها

ولا تشرك بينكم احدا

فانتم تتشابهوا فى الروح

فان الله قد خلق كل شىء ازواج

فروحك لها الذكر

وروحها لك الانثى

ابشرك الان الان انك قد اكتملت بها

أحفظها عندك

أحفظها عندك

أحفظها عندك
أحفظها عندك

أحفظها عندك

شد الحزام



شد الحزام حط اللجام...!

ممنوع يا محترم الكلام

تاكل منين تشرب بكام...؟!

تلبس طرح زى المدام

الباشا قال شد الحزام

ما تقولش فين...؟!

ولا راح منين...؟!

ولا حد قعد جنب اخوه

ولا حد يتفلسف يوم الانتخاف

ولا حد يجى يقول بيقول الكتاب

الباشا عارف كل حاجه

وعنده عشرين الف باب

شد الحزام

ماتقولش باعوا العزبه ليه

اللى اشتراها ابوه وزير

وتمنها قبضه ابن بيه

والقرشنات اتقسموا

وابوك مالهوش

واخوك مالهوش

ماتقولش تيجى ازاى وليه

كل الحكايه ان البلد

مفيهاش ولد

عرق الرجوله نقح عليه

وانا وانت فيها نعمل ايه...؟!

من بدرى سلمنا السلاح

وبكينا على العمر اللى راح

وتعبنا من شد الحزام


صح ولا مش صح



اللى امه تدعيله احسن من اللى امه تعطيله


واللى امه تشطفـلوه احسن من اللى امه تصرفـله

الأربعاء، 3 يونيو، 2009

لو كنت مكانى .... هتعمل ايه ...؟!










لو كنت مكانى هتعمل ايه...؟!


لما يكون جرحك بإديه...؟!


ويوعد وعد ويخلف بيه ...


ولو كنت مكانى هتعمل ايه...؟!

ما هو اصله يعيش وما يديش.

ولما بيوعد .. ما بيوفيش...

وياريتو عاشرنى وما عرفنيش..

انا عن نفسى مايلزمنيش.

هبعد عنه وهرفض منه . اى كلام

همشى واسيبه لنفسه وروحه وللأيام..

مش يبقى حرام اسهر وينام.
والمطلوب فالاخر اخلص ليه..
ولو كنت مكانى هتعمل ايه...؟
حلمنا كتير..
من غير تفكير..
والحب ما بينا.. كان حب ضمير
قررت قرار .. ابدأ مشوار
وصعب يكون .. قلبى اسير
نصيحه منى .. لكن غصب عنى
كل الكلام من القلب طالع..
يا صاحبى اسمعنى ..
اكره كتير قلبى اللى حبك ؟؟
حب الجنون...؟!
واحب بضمير .. قلب عايشلك
دنيتك علشان يخون..
مع انى عارف مهما تحب الحب على قلبك يهون
احلم وعيش .. وهم ووعد مالهاش عدد
وهم عهود بحب دايم للأبد ..
ندمت فعلا.. على انى كنت اسميك ملاك
وكرهت قلبى اللى كان حابب هواك..
وظلمت نفسى وسنين حنان ضاعت معاك.
وبعد ده كله انا هخلص ليه...؟!
طيب لو كنتوا مكانى هتعملوا ايه..؟!
كتبها احمد عمران ووقع عليها بالحزن احمد طلعت

ده انا




ايوه بجد انا كده

يا رب





يارَبْ سَاعدْني عَلى أن أقول كَلمة الحَقّ في وَجْه الأقويَاء .وأن لا أقول البَاطل لأكْسبْ تَصْفيق الضعَفاء وَأن أرَى الناحَية الأخرْى مِنَ الصّوَرة وَلا تتركنْي أتّهِم خصْومي بِأنّه مْخَونه. لأنهّم اخْتلفوا مَعي في الرأي يارَبْ إذا أعطيتني مَالاً فلا تأخذ سَعادتي وإذا أعَطيتني قوّة فلا تأخذ عّقليْ. وإذا أعَطيتني نجَاحاً فلا تأخذ تَواضعْي. وإذا أعطيتني تواضعاً فلا تأخذاعتزازي بِكرامتي يارَبْ عَلمّنْي أنْ أحبّ النَاسْ كَما أحبّ نَفسْي وَعَلّمني أنْ أحَاسِبْ نَفسْي كَما أحَاسِبْ النَاسْ وَعَلّمنْي أنْ التسَامح هَو أكْبَر مَراتب القوّة وَأنّ حبّ الانتقام هَو أولْ مَظاهِر الضعْفَ. يارَبْ لا تدعني أصَاب بِالغرور إذا نَجَحْت وَلا باليأس إذا فْشلت بَل ذكّرني دائِـماً أن الفَشَل هَو التجَارب التي تسْـبِق النّجَاح. يارَبْ إذا جَرَّدتني مِن المال فاتركْلي الأمل وَإذا جَرّدتني مِنَ النجَّاح فاترك لي قوّة العِنَاد حَتّى أتغلب عَلى الفَشل وَإذا جَرّدتني مَن نعْمة الصَّحة فاترك لي نعمة الإيمان. يارَبْ إذا أسَأت إلى الناس فَاعْطِني شجَاعَة الاعتذار وإذا أسَاء لي النَّاس فاعْطِنْي شجَاعَة العَفْوَ وإذا نَسيْتك


يَارَبّ أرجو أن لا تحرمني..
مَنْ عَفوِك وَحْلمك
فأنت العَظيْم القَـهّار..
القَادِرْ عَـلى كُـلّ شيء …..

كلامى الذى يتمناكى




تأسرني بسماتك وتأخذني أكثر للفرح
ضحكاتك الهادئة الصاخبة
حينما تموج أسارير وجهك بنور الصبح
يجود قلبي بالعناق اليكي
وتسافر من عيناي فراشتان
بلون البرتقال في شفتيكي
انا لا أتعب عندما أسافر في عينيكي
وتأشيرة سفري محبوسة بين شفتيكي
أنا لم أعد أطيق العيش دون هواكي
ودون أن ألعق الثرى المسربل بوقع خطاكي
ودون أن أحصد باقات الورد
التي نمت على أسوار شفاهي وشفاكي
وأعلن الآن أنكي مدينتي الفاضلة
وعاصمة عشقي الملون بلون قوس قزح
عشق ( حلم ) وانا وقعت عليه بالاعجاب