الأربعاء، 10 مارس 2010

إعتذار ... وخبر ... وبشرى ساره




وبعد غياب ما تمنيت ابدا ان يطول على هذه الصديقه الوفيه التى لم تشكو منى قط .ها انا ذا اعود اليها مجددا وانا ملىء بالنشاط والحيويه والرغبه فى إفشاء حالاتى كما كنت افعل من قبل واستمتع .


.


معايا النهارده إعتذار ... وخبر ... وبشرى ساره ... وترجمه مشاعر احسها دوما




إعتذار لكل اللى إفتكرونى وسألوا عليا وحسسونى انى حتى لو مش موجود بحضورى انا حاضر بينهم بالسيره الطيبه والود والتقدير اسف جدا يا جماعه انى ما كنتش بتابع وانشاء الله هتابع وحاول انشاء الله انى اشوف كل اللى فاتنى يعنى ملحوقه بإذن الله .


خبر سعيد جدا عرفت من كام يوم واحد صاحبى على حقيقته اللى مش كويسه وعرفت انى كنت غلطان فى حق نفسى لما عرفته لانه طعنى فى ظهرى وانا بقول خبر سعيد جدا علشان الحمد لله انى عرفته فى الوقت المناسب علشان كان ممكن لو دخل بيتى كان ينظر لزوجتى مستقبلا ومش ده نوع الخيانه اللى عمله معايا ولكن الشيطان مش بيستأذن
ووقتها كان هيبقى خبر تعيس جدا ولكن الحمد لله انى خسرته وانا سعيد جدا بكده .
وهذه محاوله فى اخذ الامور ببساطه وعدم تعقيدها اوأخذها على محمل الخيانه والغضب والكئابه والحجات دى .. ما علينا



بشرى ساره ... حبيت تكونوا من اول الناس اللى تعرفوا البشرى الساره دى .. ابويا ربنا يجيبه بالسلامه من بلد النبى وافق اخيرا انه اول لما ينزل اجازه يخطبلى وده انشاء الله خلال السنه دى بإذن الله وبكده طبعا طالما فيه هدف إذن فيه محاوله للوصول اليه وده طبعا هيتم بالتعب الذيذ المرغوب فيه اللى هو الاجتهاد الشديد فى العمل والبحث عن اكثر من عمل علشان الوالد ربنا يجيبه بالسلامه لما يوصل يلاقى راجل معاه فلوس ويقدر يخطب له وهو مطمئن عليه وواثق ان اللى هيعمله صح وفى مصلحتى .


ترجمه مشاعر احسها دوما



بالرغم من الفوضى التى مررت بها
وبالرغم من المتاعب التى اعاني منها
والصبر الذى احتوانى كثيرا
والارهاق الذى كاد ان يمزق مشاعرى
اشعر بدقات قلبى الساكن بين اضلعك
هذه المضغه التى غابت عنى كثيرا
اليوم استبشرت خيرا انها مصونه لى
اليوم ايقنت ان القدر حافظ عليها من أجلى
من اجل يوم كم تمنيت ان يأتى
وان اعيشه بكل ذره تسكننى
فمن يوم ان حلمت بكونها لى
وان انتظر هناك على الشط الاخر للحظ
انظر للماء ليتنى أجد خيال وجهك المريح
فأنظر له وأمتع عينى .. وأتأملك
فانتى قد اقحمتينى فى مدينه ليست بمدينتى
ولم اعد اقوى على جمع شتات مشاعرى
فانا دونك وحيد فى عالم ليس لى وجود به
فكيف لى ان اعود دون حسنائى
فكيف لى ان لا اضمك
ان لا المسك
ان لا اقبلك على جبينك وعلى يدك
وكيف لى ان لا اهمس فى اذنك .. احبك
كم اشتقت اليها كلمه .. حرف ... همس
أميرتى ..
سوف انتظرك فأنتظرينى على ضفاف النهر
ولا تتلاشى حتى اعود
فوعد منى ان لا اغيب
وعند عودتى
وعد منى انى لن اغيب

هناك 20 تعليقًا:

ليله شتاء يقول...

السلام عليكم
ربنا يكتبلك الخير دائما ويبعد عنك أصدقاء السوء ويكفيك شرهم
وألف مبروووووووووووك مقدما على الخطوبه ربنا يتمم على خير ويرجعلك والدك بالف سلامه



**********
دامت أيامك بالخير

اقدم عاصمه فى الحب يقول...

ليله شتاء
-*******-

وعليكم السلام

ربنا يكتبلنا كلنا الخير
ويبعد عننا ولاد الحرام

.

الله يبارك فيكى

اسعدنى مرورك كتير واتمنى التواصل

إمرأه من ثلج يقول...

فى عندى كذا تعليق

الاول الاسم الى بتعلق بية شدنى اوى وخلانى اقول الازم اروح أشوف المونة دى

التانى لما دخلت المدونة لقتها مدونة مختلفة ومميزة

تالت حاجة ربنا يسعد أيامك وتخطب الانسانة الى بتتمناها

وأبياتك روعة وبسيطة بس جميلة


دومت بود

واتمنى منك دوام التواصل

♥نبع الغرام♥♪≈ يقول...

ممممممممممممممممم


زعلالالالالالالالالانه

ههتقول لييييييييييييه

يعنى كنت غايب بس ليك ناس وناس بتروح ليهم
مممممممممممم

برده
زعلالالالالالالالالالالالانه اوووووووووووووووووووى
مش مهم ازعل ازعل

♥نبع الغرام♥♪≈ يقول...

عامة حمدالله على سلامتك

الف مليون حمدالله على السلامه رجوعك تانى لمدونتك

وتحمد ربنا انه بيحبك انه ظهر ليك الحقيقه بدل ما تعيش مخدوع فى صديق ولا يسوى اى شىء
ربنا يبعد عنك اى شر ويكرمك خير ويحفظك يارب من كل سوء

وان شاء الله بابا يرجع ينور الدنيا من تانى ويحقق ليك رغبتك اللى بتتمناها
وبتمنالك حياه سعيده من كل قلبى


اما الابيات بصراحه
انت رائع مش عارفه اقولك ايه غير ربنا يكرمك يارب


وللمرة الاخيره
الف مليوووووووووووووووووون حمدالله على سلامتك

بس برده زعلالالالالالالالالالانه

ريمان يقول...

السلام عليكم

حمد الله على سلامتك ويا ريت مش تغيب تانى

وربنا يرجع والدك بالسلامه يا رب وان شاء الله تبقى خطوبه سعيده بس ابقى عرفنا بقى عشان نعملك احتفال هنا


بالنسبه للى كان صاحبك ده وعرفت حقيقته كويس فعلا انك عرفتها بدرى ومش تزعل ابدا هى دى الدنيا وياما بنتصدم فى ناس اما بنعرف حقيقتهم

المهم بعد كده نختار صح

تحياتى ليك والف مبروك مقدما ع الخطوبه

طوبه فضه وطوبه دهب يقول...

ربنا يسعدك يارب ويجعل ايامك كلها فرح وسعاده

اقدم عاصمه فى الحب يقول...

إمرأه من ثلج
-**********-

نفس السبب اللى خلانى ادخل اشوف مدونتك الاسم اللى بتعلقى بيه وهو تقريبا اسم المدونه ... :)

شكرا جدا على وصفك لمدونتى المتواضعه
وهى عجبتك علشان امثال حضرتك من الاصدقاء الكويسين بيدخلوها ويجملوها
شكرا كتير على زيارتك
وبقدر تمنيكِ للتواصل انا ايضا اتمناه
كونى بخير :)

اقدم عاصمه فى الحب يقول...

أبتسامه ملاك
-*********-

يا نهار ابيض والله العظيم مش عارف اورى وشى منك فين
بس هقولك على حاجه هنا وهقولهالك عندك
انا لما جيت اكمل قرايه للمواضيع اللى فاتتنى النت فصل وما قدرتش اكمل
بس ملحوقه
بس بالله عليكِ ما تجيبى سيره الزعل تانى لان الكلمه مع انها بهزار بس بخاف منها اوى
يا رب ما نخسر بعض ابدا ونفضل دايما صحاب
.
شرف ليا اننا اصدقاء يا انوسه فاوعى تحرمينى من الشرف ده :)

اقدم عاصمه فى الحب يقول...

إبتسامه ملاك
-*********-

احلى سلام واجدع تحيه لاحلى انوسه فى الدنيا
شعر ده طبعا :)

تعرفى انا سعيد جدا لانى رجعت علشان ترجى تنورينى انتى بالزات
ربنا يديم المحبه
وشكرا على الامنيات اللى اتمنتيها ليا
.
.
ليس على الانسان ان يختار ابيه وأمه او شقيقه ولكن عليه ان يختار خليله وصديقه
.
انوسه : ونعم الصداقه :)

اقدم عاصمه فى الحب يقول...

ريمان
-**-

وعليكم السلام ورحمه الله وبركاته

الله يسلمك يا قمر شكرا كتير لوزقك
واكيد اكيد اول لما اخطب لازم تكونى اول اللى يعرفوا وكمان اول المدعووين
.
وانا مش زعلان خالص انى عرفته على حقيقته بالعكس ده انا سعيد جدا ان ربنا كشفه ليا فى الوقت المناسب
نورتينى كتييييييييير :)
ودى واحترامى :)

اقدم عاصمه فى الحب يقول...

طوبه فضه وطوبه دهب
-****************-

آمين يا رب
انا وانتى
.
.
دايما بتبقى زيارتك جميله اوى وخفيفه
تمنيت سابقا التواصل
واتمناه دوما ً
فليتك لا تغيبى عن مدونتى المتواضعه :)

hend anwar يقول...

ان شا الله يدوم الفرح وما فى حزن بعد اليوم
الله يوفقك

محمد التركى يقول...

حبيب قلبى وحشنننننننننى جدا جدا والحمد لله على سلامتك
أنا زعلان جدا من نفسى أنى مكنتش أول تعليق بس والله العظيم الشغل مطلع عينى والنت كمان وحش قووووى

محمد التركى يقول...

الف ميروك يعم أخيرآ حفرح فيك وهتتجوز
مااااااااشى ياعم
ربنا يجيب الحج بالسلامه ويخلهولك يارب
ويبعد عنك الناس الوحشه اللى أنت عرفهم وأنا كمان ومش هكتر عن كده أنت فاهم

وربنا يعلم أنك من أعز أصحابى وبتمنالك من كل اقلبى التوفيق والنجاح
وأبقى طمنى عليك ياطلعت وعرفنى أخر أخبارك وأخبار مشروعك يابش مهندس أحمد
حبى وودى وتقديرى وأحترامى
لأعز صاحب عندى

اقدم عاصمه فى الحب يقول...

sun of free dom
-*************-
شكرا لمرورك اختى فى الله
.
كونى بخير :)

اقدم عاصمه فى الحب يقول...

محمد باشا التركى
-************-
مش شرط خالص انك تكون اول تعليق علشان انامتأكد من اللى عندك يا رايق
.
وكله بالحب

اقدم عاصمه فى الحب يقول...

محمد التركى

شفت بقه اللى حصل
ادينى كبرت وهتجوز كمان اهو
عقبال الحبايب يا رايق
.
عاوز ازفك بقه يا عم
امال احنا صحاب وخلاص
لازم تستغلنى فى فرحك وانشاء الله هيكون احلى نمره انا اللى هعملهالك
ادعى بس :)
اموووووووووووه

غير معرف يقول...

ربنا يوفقك يارب ويقدملك الخير

اقدم عاصمه فى الحب يقول...

7annen
-*****-

انا وانتى يا رب
نورتينى :)