الاثنين، 1 نوفمبر 2010

لو كان .. لكنت



لو كان بإمكانى ان اكون طعماً .. لكنت الشيكولاته

لو كان بإمكانى ان اكون نكهه .. لكنت الفانيليا

لو كان بإمكانى ان اكون كلمه .. لكنت شكرا


لو كان بإمكانى ان اكون ورده .. لكنت ورده بلدى



لو كان بإمكانى ان اكون طائراَ .. لكنت الصقر


لو كان بإمكانى ان اكون شيئا فى السماء.. لكنت القمر


لو كان بإمكانى ان اكون طقساً .. لكنت الشتاء


لو كان بإمكانى ان اكون شخصيه خرافية .. لكنت الشاطر حسن


لو كان بإمكانى ان اكون أله موسيقيه .. لكنت الطبله


لو كان بإمكانى ان اكون صوتاً .. لكنت نجاه


لو كان بإمكانى ان اكون صوتاً اخر .. لكنت فيروز


لو كان بإمكانى ان اكون جزئا من الجسد .. لكنت المعده


لو كان بإمكانى ان اكون قلباً .. فلن اكون ابداً


لو كان بإمكانى ان اكون رنيناً .. لكنت جرس الفسحه


لو كان بإمكانى ان اكون لوناً .. لكنت البنفسجى
لو كان بإمكانى ان اكون زهره .. لكنت البنفسج

لو كان بإمكانى ان اكون ظاهره طبيعيه .. لكنت عاصفه


لو كان بإمكانى ان اكون وقتاً .. لكنت الساعه اللى بصحى فيها من النوم


لو كان بإمكانى ان اكون جُمله .. لكنت دعاء


لو كان بإمكانى ان اكون كلمه فى السرً .. لكنت الحمد لله


لو كان بإمكانى ان اكون توقيتأ .. لكنت وقت شروق الشمس


لو كان بإمكانى ان اكون سائلاً .. لكنت الماء


لو كان بإمكانى ان اكون مخلوقاً آخر .. لكنت الجمل


لو كان بإمكانى ان اكون صفه .. لكنت الصبر


لو كان بإمكانى ان اكون شخصاً عظيما ً .. لكنت خالد بن الوليد


لو كان بإمكانى ان اكون سلاحاً .. لكنت القلم


لو كان بإمكانى ان اكون آله حديثه .. لكنت الكمبيوتر


لو كان بإمكانى ان اكون مكاناً .. لكنت الارض اللى بتمشى عليها امى


لو كان بأمكانى ان اكون رقماً .. لكنت سبعتاشر


لو كان بإمكانى ان اكون بلد .. لكنت مصر
( مع انى واخد منها موقف)


لو كان بإمكانى ان اكون رئيسا .. لكنت هظبطنى وأكلنى وأشربنى وألبسنى واعيشنى احلى عيشه . اه والله

.


الفكره دى شفتها فى مدونه حد لأنها انتشرت وعجبتنى فحبيت انى اضيفلها وأعرضها على مجالنا البلوجرى بس اعتبروه كاس اقصد تاج وهيدور على الكل

?! .. ×_× ماشى ×_× .. ؟!

هناك 35 تعليقًا:

محمد التركى يقول...

السلامو عليكم

صديقى
وحبيب قلبى
طلعت باشا
اه والله باشا مكبر دماغك انته من الدنيا كلها مع انى عارف ومتأكد انك فى قمه انشغالك

طيب لما اكمل البوست وارجع

محمد التركى يقول...

لو كنت
لو كنتا
لو كنت

كل ده يغرب عقلك ياض
ماشى كله ده حلو قوووى
ومفهم
الا لو واحده مش فاهمه

لو كان بأمكانى ان اكون رقماً .. لكنت سبعتاشر

اشمعنا ياعنى 17 مش عارف انا
ليه مش 10 ليه مش 7 ليه مش اى رقم تانى
خليك بقى جدع ورد على التعليقات يامعلم

انته مطنش الدنيا خالص
انا سايبك على راحتك
بس شكلى هعكوشك ومش هسيبك هههههههههه

بجد وحشتنى ياحماده ياوحش
انا عارف انشغالك لانى عايش نفس الانشغال
ربنا يارب يقويك على الشغل ويقوينى معاك
والله اليومين دول ياطلعت الدنيا بايظه خالص
والشغل بايظ ومضونا على استقالات والدنيا شكلها هتبوظ على الاخر
اعزرنى بقى انى مش بسال عنك معلش سامحنى
انا حاسس انك زعلان منى بس محروج منك بجد
سامحنى وطمنى عليك

تحياتى لآجدع الصحاب

محمـــد التركـــى

اقدم عاصمه فى الحب يقول...

حبيب محمد التركى
-************-

وعليكم السلام ورحمه الله وبركاته

والله ما كبر دماغى ولا حاجه
انا فعلا فعلا مش قادر اهرش فى راسى
حاسس انى هفضل فى الطحونه دى طول عمرى
بس انت عارف انا بقيت مبسوط كده
مشغول احسن والله بالنسبه ليا
أدعيلى انت بس
وسبعتاشر ده من اسعد الارقام فى حياتى
احلى عيد ميلاد .. السبعتاشر .. اول فلوس اكسبها من عرق جبينى كانوا سبعتاشر جنيه ...
كله بالحب يا يا رايق :)

محمد التركى يقول...

هههههههههههههههههههههههههه

حبيب هااااارتى

انته اللى رايق
يارب يقويك ياصاحبى

يبتاع الشيكولاته
ههههههههههههههه

نسيت اقولهالك دى فى التعليق الى فات

ربنا يقويك ياحبيب قلبى

جايدا العزيزي يقول...

حلوه الفكر يا اخى

وانشالله سانشرها قريبا

يسلم اختيارك

ربنا يبارك فيك

اشكرك

تحياتى

غير معرف يقول...

مش عارفة لو هى دى الهدية اللى تقصدها ولا حاجة تانى

بس الفوكيرة دى عجبتنى اووووى وهكتبها البوست الجاى ان شاء الله

لو مش دى الهدية تعالى البلوج عندى اقرا البوست اللذيذ اللى نزلته وقولى ايه هى الهدية

تماموز يا فندم :D

miroooo يقول...

جميله اوى فكرتك والله
كل بوست بكتشف فيك حاجات جديده
بجد انا باحترمك جدا جدا
وكمان نفسى اخد التاج ده من هنا وهاخده ان شاء الله
انتظرنى فى البوست الجاى
دمت بكل خير

دعاء العطار يقول...

ههههههههههه

لاء حلوه

"
لو كان بإمكانى ان اكون طقساً .. لكنت الشتاء "

بس اشمعنى بقى الشتا

انا مش بحب الشتااااااا

واشمعنى جرس الفسحه

ليه مش جرس المرواح ؟


((:

اقدم عاصمه فى الحب يقول...

محمد التركى
-*******-

يا باشا اللى بينا مش بالكلام
:)

اقدم عاصمه فى الحب يقول...

جايدا العزيزى
-***********-

نورتينى كتير
شكرا على مرورك الهادى
وشرف لى ان تستعيرى شىء .. وتعلى قيمته بإستخدامك وإقناعك به
.
نورتينى كمان مره :)

اقدم عاصمه فى الحب يقول...

star in the sky
-*************-

فعلا هى دى الهديه والله
انا ما كنتش عارف اقولك ازاى
او انتى هتفهميها ازاى
بس سيبك انتى .. نورتينى والله
وحالا انا هروح اشوف البوست ..
.
تماموذ يا فندم ـه :)

اقدم عاصمه فى الحب يقول...

miroooo
-*****-

شكرا اوى يا ميروووو ربنا يخليكِ
انا ما استاهلش الكلام ده كله
انا اللى بحترمك جدا والله
وشكرا على زيارتك
اللى بسعد بيها جدا
وطبعا اتفضلى
البوست والمدونه تحت امرك
.
ودى وإحترامى :)

اقدم عاصمه فى الحب يقول...

دعاء العطار
-*********-

حلوه ..؟!
أى خدعه :D
.
بمووووووت الشتا جدا
علشان احلى وقت فى السنه اللى بيكون جنب البحر الساعه تسعه بالليل لحد اتناشر ... ياااااا
جربى وانتى كمان هتتمنى زى ما انا بتمنى
..
.
انتى عارفه جرس الفسحه بيبقى ليه طابع خاص
بنتغدى ونجرى ورا بعض
ويا سلام لو الحصه اللى بعد الفسحه تكون العاب .. بيبقى يوم جامد .. مرواح ايه سيبك انتى .. ماما وبابا مش معانا فى المدرسه .كل شويه تعالى يا ولا هنا .. ما تلعبش بعيد يا حبيبى ..
كده يعنى
بس كده :)
نورتينى :)

ساسو يقول...

فكره في الجون
تسلم افكارك الجميله
وبجد اختيارك راقي جدا
دمت متألق

ahad يقول...

لو كان بإمكانى ان اكون طعماً .. لكنت الشيكولاته
>>فين الشوكلاته بتاعتي ياأحمد >>انا هخليك تندم انك وعدتني


لو كان بإمكانى ان اكون طقساً .. لكنت الشتاء
>>الللللله جات في وقتها
البرد والقهوه والمعاطف كافيه لتعجلني سعيده


لو كان بإمكانى ان اكون صوتاً اخر .. لكنت فيروز
>>لو اصبحت شتاء وتحمل صوت فيروز
خذني معاك يااحمد


لو كان بإمكانى ان اكون جزئا من الجسد .. لكنت المعده
>>راجل بصحيح


لو كان بإمكانى ان اكون مكاناً .. لكنت الارض اللى بتمشى عليها امى
>>ربنا يخليها لك ويطول بعمرها وتشوف ولادك ..
لو كان بإمكانى ان اكون بلد .. لكنت مصر( مع انى واخد منها موقف)
>>وانا كمان واخده منها موقف جامد اوي ومن خواتها الدول العربيه الله يصبرنا ياعم

لو كان بإمكانى ان اكون رئيسا .. لكنت هظبطنى وأكلنى وأشربنى وألبسنى واعيشنى احلى عيشه . اه والله>>ماتيجي نعملنا دوله انا الرئيسه وانت الرئيس ونحكم الناس بقى على راحتنا ومش هنختلف على السلطه

بالنسبه لي لا أتمنى الا ان اكون انا لأني ببساطه لا أستحق أكثر من ذلك

أسفه اني تأخرت بالرد يااحمد بس ظروف الاختبارات بعيد عنك :(
لو انت عندك حساب بالفيس بوك اعملي اضافه على حسابي الي موجود بصفحتي

وتصبح على خير ..
دوماً أصدقاء :)

اقدم عاصمه فى الحب يقول...

ساسو
-**-
ماشى يا قمر
كويس انها كويسه علشان تنورينى دايما
شكرا على زوقك
دمتِ بود :)

اقدم عاصمه فى الحب يقول...

ahad
-**-
والله انا عامل فى صفحتى شوكلاتايه كبيييره للى عاوز وللى بوعده
خدى منها دى مش بتخلص والله
هتلاقيها على شكل قلب وفى حته كده من فوق مكتوب عليها ملك الاستاذه عهد
.
والشتا ده احلى حاجه بتحصل فى حياتى بجد
جميع الاحداث السعيده اللى فى حياتى اللى مش هقدر انساها حصلت فى الشتا

بس انتى عارفه
زمن الببسى واللمون الساقع راح خالص
احنا دلوقت فى زمن الحلبه والكاكاو والسحلب .. والمشروبات الساخنه اوى والمغات والنبى ..
.
وانا سأحاول جاهدا كى اكون الاثنين كى تأتى معى :)
.
المعده دى اصلها اعز حاجه فى الحاجات كلها
ربنا يخليكِ لوالديك وتكبرى وتخليهم يشيلوا عيالك .. يا رب
ومصر .. سيبك انتى هى كده .. مسيرها هتدعدل لوحدها
.
بس تصدقى فكره .. تعالى نعمل انا وانتى دوله بس طبعا لو هتوافقى انتى مش هتعملى حاجه خالص غير انك تكنسى وتمسحى والشويتين دول .. ماشى
وانا بقه الكل فى الكل .. ماشى ..
اصل انا راجل حمش لامؤخذه ومش بحب الحريم بتكشفوا على الشعب
ثم فيه حاجه كمان
احنا ما عندناش حريم بتاكل شيكولاته اساسا .. ايه ده .. انتوا هتعملوا راسكم براسنا ولا ايه احان اللى بناكل الشيكولاته كلها
هاااااااا .. مين هناك :)
دوماً أصدقاء ..

عباس ابن فرناس يقول...

اولا متشكر لجايدا انها عرفتنى على مدونتك وبرغم ظيطت المدونات لكن قليل لما تلاقى مدونة مميذة ذى مدونتك
حسيت انك بتكتب اللى على لسانى
ودى هى الموهبة ان الواحد يقدر يعبر عن نفسه وعن الناس فى وقت واحد
ملحوظة
مش عارف ليه المدونات المميذة بتبقا الخلفيات بتعتها سودة ههههه
تحياتى
واتمنا ان تواصل
وان نتواصل

عباس ابن فرناس يقول...

لوكان بامكانى ان اكون شياء فى السماء لكنت برق
لو كان بامكانى ان اكون طقسا لكنت الخريف
لوكان بامكانى ان اكون طائرا لكنت لكنت طيرا ابابيل
لوكان بامكانى ان اكون الة موسيقية لكنت بوقلوكان بامكانى ان اكون صوت لكنت رعد
لوكان بامكانى ان اكون كلمه لكنت لعنة
لوكان بامكانى ان اكون وقت لكنت النهاية
لوكان بامكانى ان اكون سائلا لكنت بيلوجيا كيماويا نوويا لافتك بهذه النظام
تحياتى

غير معرف يقول...

فكره جميله ..(:

بجد استمتعت بها ...

مودتي لك واكثر ..

ツSmiLeY AnGeLツ يقول...

السلام عليكم
يوووووووووة دائما في كل المدونات اكون متاخرة
فعذرني على تاخيري
انشاءالله مش هتتكرر تاني
لكن الموضوع بجد عجبني روعة
مش هاقول عبارة دي عجبتني من الموضوع
كل العبارات حبيتها
بجد روعة
حبيت فكرتك
تقبل مروري
سلامي ليك.

اقدم عاصمه فى الحب يقول...

السلام عليكم

وانا كمان اشكرها علشان عرفت حضرتك على مدونتى .. شرف ليا طبعا افتخر بيه
وانا ايضا اتمنى التواصل اخى ..
أدام الله بيننا الود والمحبه
.
بس على فكره الخلفيه السودا جات بالصدفه والله مش مقصوده
عموماً
اسعدنى ما تمنيت ان تكونه
واسعدنى ايضا مرورك :)
فودى وإحترامى :)

اقدم عاصمه فى الحب يقول...

ذات
-*-

طولت غيبتك عليا
ولكن الله معك
واستمتعت انا ايضا لاستمتاعك
نورتينى كتير يا قمر
:)

اقدم عاصمه فى الحب يقول...

خواطرى مع الحياه
-*************-

معلش بقه المره الجايه تكونى الاولى
ثم المهم انك تتابعى
وكفايه نورك عليا
.
شكرا على زوقك يا قمر
ادام الله بيننا الود
ورده بلدى لقلبك الطيب :)

زهرة يقول...

عجبتنى اوى التدوينة دى .. قريتها عند العصماء .. وقالت إنها من هنا .. قلت آجى أزور هنا وأشوف باقى تدوينات هنا .. لقيت هنا تدوينات جميلة وعلشان كدة هاجى دايماً أزور هنا ..

رغى رغى رغى ..

تحياتى ليك :)

Admin يقول...

انا اعلم جيداً أننى قد أكون من اخر المتأخرين وأكثرهم تأخراً ولكنى أعلم أن لتعليقى مكانة خاصة وعلى يقين تام ان كلماتى ستقز وق كل هذه الكلمات استجابة لحبى الذى يملأ قلبك
جميل ما كتبت ورائع ما خطته يداك
تقبل مرورى وانتظرى محاكاتى لمقترحك
اخوك اللى بيحبك وانت بتحبه

يمين فى يمين يقول...

زى ماكون عطشان وشربت

زى ماكون زعلان وفرحت

زى مااكون مستعجل وتأخرت

انت مبدع ياحمد ياطلعت مقدرش اقول اكتر من انى بتعتز انك صحبى

تحيايتى ليك وابقى فهمنى يعنى اية شحتفة بس بينى وبينك يازميلى

انا مستنيك تجيلى

همسات وبحــ الحياه ــر يقول...

الفكرة جمييلة جدا
بحييك

كل سنة وانت طيب

ahad يقول...

أحمممممممد
قول تاني كده ّ!!!! سمعني
هوا لو احنا عملنا دوله الحريم بتكنس وتمسح والرجاله بتشخط وبس هنكون غيرنا ايه في العالم مااحنا مش مودينا في ستين داهيه غير رجالتنا
ماتيجي نخليها حاجه جديده الرجاله بتشتغل في البيت والستات بتتستت والله انا نفسي أشخط على راجل يااحمد :(
عارف هعمل دولتي لوحدي مافيهاش نص راجل
ومش هنبقى أصدقاء يااحمد :(

اقدم عاصمه فى الحب يقول...

losha
-***-

يا ابنى عادى انت فاهم اللى
انا وانت بالذات
اللى بينا مش بيتقال بالكلام
انت صاحبى وانا افتخر بكده :)

اقدم عاصمه فى الحب يقول...

يمين فى يمين
-*****-

عادى كلمه شحتفه
شحتفه يعنى تشويق
افهموها بقه :)

اقدم عاصمه فى الحب يقول...

همسات وبحر الحياه
-************-

شكرا على زوقك يا قمر
نورتينى :)

اقدم عاصمه فى الحب يقول...

ahad
-**-
انتى واخده ليه وقف من الرجاله ليه كده
والله العظيم احنا حلوين خالص
انتى اللى مش عارفه بس تنظرى للنصف المملؤ من الكوب منها لله بقه الست الجزاريه اللى ملعه كتاب وانتى مؤمنه بيه اوى كده
على فكره ربنا عامل كون احسن من اللى احنا ممكن نتخيله من مميزات وكده يعنى
عموما
غصب عن انفى وانف الجميع
دوماً اصدقاء:)

ahad يقول...

ههههههههههههه
أحمد على أساس مش أنت كاتب مصيبه قبل شوي واكنس واطبخ وانفخ خلاص انا هبص للي فارغ ده وراح احسن الظن وأقول ان انت كنت بتهزر
دوماً أصدقاء :)

اقدم عاصمه فى الحب يقول...

ahad
-**-
هههههههههههههههههه
ماشى يا عهد
:)
دوماً اصدقاء يا ست الكل
:)