الخميس، 25 نوفمبر 2010

قالت ... أحبك





قالت : أحبك .. و أتمناك لي زوجاً ..
قال : شكراً .. و أنا أتمناكِ لي اختاً
..
.
يا انتى



.....

أردت ان أتنفس
اردت ان أشكى
أترجمتِ كلامى خطأ ..؟!
او كما شئتِ .. !!
..
.
انا مرتبط .. او معتبر نفسى مرتبط .. عادى يعنى بدوق المر زى ما جربت العسل
مش معنى كده انى خلاص بعد ما كنت بحب .. بقيت بكره ..
ممكن يكون حبى قل .. لكن موجود لسه
وعلى رأى انغام

أتمناله الخير
إيه يعنى يفوتنى وينسانى
ما هو ياما اتحمل علشانى
ما هو ياما كان قلبه عليا
أتمناله الخير
ما هو قبل ما يجرحنى دوانى
كان عمرى وكان هو زمانى
كان قلبى . وروحى .. وعنيا
.


فأنا احب إنسانه .. إذا تكحلت او لم تتكحل .. تظل نجوم السماء تستحى الظهور عليها ..فإذا تأملت فواصل السكوت بين كلامها سمعت ضحكات طفله تلهو مع فراشه .. هى فقط تعلم كيف تخمد ثوره بركان بقطعه شيكولاته ..
هى تزيل حزن البحر اذا داعبته بقدمها .. هى تضىء ما حولها اذا فقط .. ضحكت .. كالشمعه هى إبتسامتها .. صوتها يدفء خلاياى بعدما كانت ترتعد من البرد .. هى حبيبتى ..
ستبقى دائما كل المشاعل مشاعل مشتعله على صفحات وحسب عدا هى .. عدا صوتها ..
وسأظل كل عيد أضىء لكِ شمعه ارسم بها احلامى وأمنياتى التى تنتظرك .. وأظل باقى العام انتظر .. هل ستأتى ام سأشعل شمعه أخرى ..؟!

فانا لى قلب ... لا يرضى
بأنصاف الالوان ...
فأما .. الابيض
أو ... الابيض

هناك 21 تعليقًا:

ツSmiLeY AnGeLツ يقول...

السلام عليكم
كلمات حسها طالعه من جواك
احاسيك سبقت كلماتك
تقبل مروري
سلامي ليك اخي.

يمين فى يمين يقول...

السلام عليكم

احساس جميل بحس بية وانا بقرا مدونتك

ياسلام بقى لو كلمتك

اسمحلى ياحمد اقولك ان انت موهوب اخر حاجة


موضوعك جميل جدا

وهوا دا اقدم عاصمة فى الحب

عباس ابن فرناس يقول...

بعشق اللون الابيض على فكرة
زى ما انتا عشقك للشكولاته كدا يا ابوحميد
بس عيبه انه مبيستحملش كتير
واى حاجة بتبان عليه بسرعة

كلامك على كد مابحس فيه بهدوا وسكينة
بحس فيه بالاطراب وعدم الاستقرار
حتى ان بان عكس كدا
ربما اكون بسقط مشاعرى على كلامك انما هوا ده احساسى بصدق
تحية عطرة

ساسو يقول...

احساسك قمه في الجمال
واسلوبك رشيق
واخلاص قلبك واضح بين سطورك
بجد محتاره اوصفك بايه

اقدم عاصمه فى الحب يقول...

خواطرى مع الحياة
-*************-

وعليكم السلام ورحمه الله وبركاته
.
لذاك السبب وصلتك ايضاً
مرورك اسعدنى جدا
سعيد بالتواصل :)

اقدم عاصمه فى الحب يقول...

يمين فى يمين
-*****-

وعليكم السلام ورحمه الله وبركاته

حبيب قلبى حماده
يا ابنى والله اللى بينا مش بالكلام
انت فاهم يا رايق
منورنى يا عمرى :)

اقدم عاصمه فى الحب يقول...

عباس ابن فرناس
-************-

انت مش بتحب الابيض زى ما انا بحب الشيكولاته لان انا اقدر اسمى بنتى شيكولاته انت بقه تقدر تسمى ابنك ابيض ....؟!
ههههههههههه
بهزر طبعا :)

والله مستقر كلامى اوى وسنه الاطراب اللى فيه .. هى بكون خايف اترجم مشاعرى غلط فبكتب بحزر وبدقه فممكن تقول انا حالتى (( my mood :) )) هى كلامى .. بكتب كل اللى بيدور فى نفسى .. يعنى هنا حياتى :)
اكيد فاهمنى

أعجبتنى مداخلتك جدا
سعيد بالتواصل
ودى وإحترامى :)

اقدم عاصمه فى الحب يقول...

ساسو
-**-

انتى الاجمل والله ربنا يخليكِ
لا توصفينى وانا لن اوصفك لان الكلام احيانا يقلل من قيمه الوصف المحسوس .. سعيد بتواصلنا جداً .. :)
نورتينى كتيييييير
واحلى شيكولاتايه فى الدنيا
( وش فرحان )

جايدا العزيزي يقول...

الله على القلب الابيض

لما يكون صادق مع نفسهقبل الاخرين

رووووووووووووووووووعه

استطعت ان تبرع يا شاعر فى التعبير

دمت مبدعا

تحياتى

مدونه ما كفايه بقى يقول...

انا مش عارفه اوصف اللى جوايا ازاى

معقوله فى مدونه روعه كده

انت ملكش حل

انت جميل اوى احساسك جميل

كل موضوع بيشدنى اكتر من اللى قبله

تخيل ان مدونتك هيه المدونه الوحيده اللى قريت كل مواضيعها

انت مشكله بجد

يا الله فى حلاوه كده

كلامك جميل واحساسك اجمل

يا بختك بقلبك ده

بجد يا بختك

بص انا لو قعدت من هنا لبكره اوصف مدى جمال احساسك مش هعرف

يا بختك بجد

الله عليك يا احمد

والله ما بجامل

فينك من زمان

بيتهيألى ان مدونتك الوحيده اللى هتابعها بعد كده والباقى كله هنساه

يا الله عليك يا احمد

كلامك صدمنى بكل ما تحمله الكلمه من معنى

انت ابهرتنى بجد



اشكرك لانك دلتنى على مدونه روووووووووووووووووووعه كده

انا مش بأفور والله انت بجد جاااااااااااااااااامد

انا مش عارفه اوصف مدى جمالك

يا بختك للمره الثاثه

يا ريتنى عندى ربع احساسك ده

بص هبدأ أحسد اهو

اللهم لا حسد بس انت كل ما تكتب موضوع تقرأ المعوذتين


انا أبطل كلام أحسن لأنى شكلى حسدتك

بسم الله ما شاء الله لا قوه الا بالله

بجد مقصدش أحسد بس
انت أبهرتنى بجد

أرجووووووووووووووووك تقبلنى صديقه لمدونتك الرااااااااااائعه

لا والاجمل بقى انك من كفر الدوار برده

معقوله فى احساس كده فى كفر الدوار



كفايه كده عشان صدعتك بكلامى

انت فلته فى الزمن ده بجد

مش عايزه اخلص كلام

عايزه اقعد اوصف فى انبهارى

ربنا يكتر من امثالك ويرزقنى بواحد عنده ربع احساسك

يا بختها بيك يا مان

تقبل فائق احترامى

سلام مؤقت

miroooo يقول...

السلام عليكم
كلامك جميل اوى يا احمد
بجد حسيته اوى
بلاقى حاجات جميله ومشاعر رائعه فى مدونتك
اشكرك
دمت بكل الحب

أنا وحماتي يقول...

انا كمان احب اللون الأبيض
وأكره انصاف الحلول
حلوة مدونتك وحلوة كلماتك
وحلو اووي وملف التعريف بتاعك
يعني بلاش اشرب عصير حتي ولو عطشانة ...؟
انا اصلا مروحتش كفر الدوار قبل كدة

دعاء العطار يقول...

قالت : أحبك .. و أتمناك لي زوجاً ..
قال : شكراً .. و أنا أتمناكِ لي اختاً

ياعينى عليها

اكتر حاجه ممكن تجرح كبرياء البنت انها تيجى ع نفسها وتصرح بمشاعرها ويكون ده الرد عشان كده مش بحب ان البنت هى اللى تبدا

ربنا معاها

:::::::::::

فانا لى قلب ... لا يرضى
بأنصاف الالوان ...
فأما .. الابيض
أو ... الابيض

حلوه اوووى دى

كلماتك جميله

تسلم ايدك

تحياتى

اقدم عاصمه فى الحب يقول...

جايدا العزايزى

ربنا يخليكِ يا رب
انا ما استاهلش كل ده والله
انتى الاحسن وانتى اللى افضل وكبيره المقام كمان
متشرف بالتواصل جدا
ربنا يديمه علينا بالخير انشاء الله
نورتينى يا قمر :)

اقدم عاصمه فى الحب يقول...

مدونه كفايه بقى
-*************-

كفايه حضرتك زورتينى
زيارتك مشرفه
وانا ما استاهلش فعلا والله ربع الكلام ده انا اقل والله من كده بكتير
ربنا يكرمك يا رب
ويرزقك بالزوج الصالح
ويكرمك بالصحه والستر
الرد على زوقك فى كلامك وتعليقك هو مجرد الصمت لانى لو وصفت انبهارى بالكلام هقلل من قيمته
شكرا لمرورك العطر

دائما فى خير :)

اقدم عاصمه فى الحب يقول...

miroooo
-*****-

وعليكم السلام ورحمه الله وبركاته
شكرا يا ميرووو
ومدونتى تحت امرك فى اى وقت
دمتِ بكل ود :)

اقدم عاصمه فى الحب يقول...

أنا وحماتى
-*******-

حبيه براحتك بس خدى بالك انه بيتبقع بسرعه
شكرا على زوقك فى وصف المدونه
اسعدنى مرورك جدا
واتمنى التواصل
ودى وإحترامى :)

اقدم عاصمه فى الحب يقول...

دعاء العطار
-*********-

منوره يا قمر يا رب تكونِ بخير :)

طيب انتى يرضيكِ ازعل ضميرى وازعل حبيبتى واخون العهد اللى بينا علشان فلانه دى ما تزعلش منى
طيب والنبى ينفع...؟!
.
شكرا على مرورك العطر
وشكرا على مدخلتك الجميله
نورتينى كتييييييييير
ورده لقلبك الطيب :)

مدونه ما كفايه بقى يقول...

ايه يا أحمد فين الجديد

كل يوم أدخل على أمل تكون كتبت جديد

متتأخرش علينا كده

بسرعه بقى

اقدم عاصمه فى الحب يقول...

ما كفايه بقى
-**********-

حاضل من حنيا يا قمل :)

ahad يقول...

صباح الخير

كيف حالك يااحمد
تدوينه جميله ورومانسيه كثير
ربي يكتب لك اللي فيه الخير يارب ويطمن قلبك
اغنية انغام هذي بحبها أوي <3

ودوماً أصدقاء ..