الخميس، 2 ديسمبر 2010

إنتهت


رن هاتفى الفضى فى هدوء
إنها رساله مسمومه استقبلها رغماً عنه
أرسلتها هى وأيقنت معناها بشده
فلكِ ان تعرفى أنى فهمت ولا ادرى كيف أتصرف
.
.

نص الرساله

من خرج من الباب مختاراً خروجه ليس من حقه العوده وقتما شاء

والان

انا بابى مغلق ولا ينصح بالطرق عليه
.

طيب هو انا عملت حاجه ..؟!
طيب ليه ...؟!
طيب انا استاهل كده ....؟!
طيب افهم ان كده خلاص يعنى ....؟
لا .. ما هو انا لازم أعرف .. ليه كده ..!
انا موهوم .. مُذبهل .. بشكل مضحك :(
بس انتى عارفه ...؟!
صدقته عندما قال ذاك الحكيم يوما .. الباحث عن السعاده .. كالباحث عن نظارته وهى معلقه فوق انفه
وانا بعد إنتهاء أكثر من خمس عقود فى البحث عن نظارتى .. فوق انفى .. وانوف كل من اعرف من ناس ..
ربما اكتشفت انى لم اكن يوماً صاحب نظاره لابحث عنها

.
.
.


إنتهت الحكايه



هناك 24 تعليقًا:

عباس ابن فرناس يقول...

ايه التدفق والاسترسال ده كله ياعم احمد

وعلى فكرة الحكمة اللى قالها صاحبنا الفيلسوف صح مية المية

ومينفعش يكون معندكش ندارة

لان السعادة لوخدنا لبالنا هى مقسمه بالتساوى بين البشر

بس الفرق ان فيه حد بيكون راضى بالنسبة بتعته
وحد مابيكونش راضى
تحية مستعطرة

ツSmiLeY AnGeLツ يقول...

السلام عليكم
لو كان الكلام ده حصل معاك بصدق
وانت بعد فراق رجعت لها لها الحق تقول لك هذا الكلام
انا عن نفسي اشوف ان الشخص نفسه هو الي يقدر يخلي ايامه كلها سعيده وفرحة
وهو الي يخلي كل ايامه حزن وضيق وكئابة
ربنا يوفقك وتلاقي السعاده وتعيشها طول عمرك
تقبل روري
سلامي ليك اخي.

مدونه ما كفايه بقى يقول...

لربما هذا اختبار فلترى بنفسك كيف ستتصرف

حبيبتك تضيع من يديك فهل ستقف ساكنا؟

ahad يقول...

من لم يعد بعد يوم لن يعود أبداً
وأن عاد ستكتشف أنه لايستحق أنتظارك
لاتنتظر أحداً
اذكر انني منذ دهر أعتزلت الأنتظار وعشت في راحه
دوماً أصدقاء :)

مدونه ما كفايه بقى يقول...

https://www.blogger.com/comment.g?blogID=7786784614815628835&postID=960143312833976743

ها ايه رأيك ؟

المدفعجي يقول...

كلامك حلو بجد واا اول مره ازورك وان شاء الله حزورك علي طول لان المدونه عجبتني

عمرو وجيه يقول...

حميل تشخيصك

أسلوب راقي فالتعبير

سلم قلمك

المجاهد الصغير يقول...

السلام عليكم
لا تعرف اين الخير والسعاده اجعل الله دليلك وموجهك فتقرب منه بالدعاء
وفقكم الله
اسلوب جميل

دعاء العطار يقول...

"من خرج من الباب مختاراً خروجه ليس من حقه العوده وقتما شاء

والان
انا بابى مغلق ولا ينصح بالطرق عليه"

رساله مؤلمه ومصدمه وحاسمه بس انا مش معاها

لان دايماً قلب المحبين كبييييير وفى معظم الاوقات بيسامحوا

دائماً باب المحبين مفتوووح حتى يأتى المحب ليطرق عليه

::::

اما موضوع النظاره فازاى انت معندكش نضاره ؟

حتى لو معندكش ممكن تصنعها بايدك

بوست جميل اووووى

دمت بكل ود

اقدم عاصمه فى الحب يقول...

عباس ابن فرناس
-************-

تدفق وإسترسال لكلام طالع من القلب يبقى طبيعى وحكمه الفليسوف فإنه عاوز يوصلك وجود السعادع وغيبها
مش وجودها وعدمها ... ممكن يكون تايهه عن اللى بيدور عليه بس بيلاقيه
فقط اشار على الحفاظ
ربنا يرزقك ويرزقنى بالرضا والستر
.
مرورك مهم أدعو ان يستمر :)

اقدم عاصمه فى الحب يقول...

خواطرى مع الحياه
-*************-

وعليكم السلام ورحمه الله وبركاته

هو فعلا حصل وانا متفق معاكِ فى كل اللى بتقوليه
ولكن تعملى ايه للمتقلب الكائن بين اضلع البشر ( القلب )
هبقى مش طبيعى وغريب لو ما فقدتش جزء من السعاده
الكمال لله وحده
مداخلتك صائبه دائماً ولها تأثير على البوست

أسعدنى المرور جداً :)

اقدم عاصمه فى الحب يقول...

مدونه ما كفايه بقى
-****************-
فلنرى افعال الدنيا وتقلبات الاحوال كالعاده مع اى بشرى
ربنا يستر
وعلى فكره
ما حدش بياخد مرات حد
كل واحد مكتوب قدره المحتوم
.
.
ورده حمرا كبيييييره اد كـــــده لقلبك الطيب :)

اقدم عاصمه فى الحب يقول...

ahad
-**-

ربما كلامك صائب وعلى حق
ولكن إن لم ننتظر الامل فماذا ننتظر.. فما بال الحياه دون الامل ..
.
وحشنى المرور اوى
دوماً أصدقاء :)

اقدم عاصمه فى الحب يقول...

ما كفايه بقه
-**********-

شفت الكومينت
وعلقت كمان ..
.
.
إنتى عندك عقل شقى :)

اقدم عاصمه فى الحب يقول...

المدفعجى
-*****-

شكرا على مرورك وعلى زوقك فى وصف مدونتى
جمال مدونتى بيكمل بحضرتك واللى زيك من أصدقائى
يسعدنى التواصل :)

اقدم عاصمه فى الحب يقول...

عمرو وجيه
-*******-

شكرا على مرورك وزوق الراقى
اسعدنى التعليق
فليته يدوم :)

راء يقول...

انا مش مرتاحة للبوست
حاسة انه صدمني

متعودة عندك على جو مليان فا وهدوء وشوكولاته

بس بغض النظر انا مؤمنة بالجملةى اللي بتقول
"من خرج من الباب مختاراً خروجه ليس من حقه العوده وقتما شاء"

ده حقيقي مش بعد ما خرج ومشي واحنا عالجنا نفسنا يرجع تاني يصحي حتجات ماتت ده الدرس الأول اللي لازم نتعلمه قبل ما نفكر نحب ونبعد.

مش عارفة بجد..ربنا يسعدك ويصلح الاحوال

اقدم عاصمه فى الحب يقول...

المجاهد الصغير
-*********-

وعليكم السلام ورحمه الله وبركاته
.
الانسان نخير غير مسير
فكلا منا يعرف الخير ويعرف الشر
ولكن أتعلم انه لا يوجد شىء يدعى حزن
فإن تعريف الحزن ما هو الا نقص سعاده نتج عنه شىء يسميه البشر حزن او تعاسه
.
.
مداخله فعاله أثارت فى عقلى الافكار
اسعدنى المرور حقا
ودى وإحترامى :)

اقدم عاصمه فى الحب يقول...

دعاء العطار
-*********-

طيب بالله عليكِ تروحى تكلميهالى وتعقليها شويه
يا سلام على التفكير الجميل
.
.
يا دعاء انتى عندك جميه تفاؤل وأمل جميله اوى
ليتنى املك نصفها
.
كونى كما تحبى فأنتى احلى فى كل مره تكونى :)

اقدم عاصمه فى الحب يقول...

طالبه مقهوره .. درجه اولى
-**********************-

دوام الحال من المحال
وانا كمان مؤمن بالجمله دى جداً
اسالى مجرب :)

فينك بقه من زمان :)
يا رب تكونى بخير
وطالما علقتى النهارده يبقى فيه جديد
لما اروح اشوف :)

نورتينى كتيييير
وشوكلاتيه اد كــــــــده يا ستى لأجل ما تكونى مبسوطه :)

راء يقول...

ايون كده

زعلت لما لاقيت وردة بس وانا كان نفسي ف شوكولاته

جيت هنا لاقيت الشوكولاته :)

ميرسي يا أحمد

Admin يقول...

حقاً إنك لم تكن صاحب نظارة
ولكنك من أصحاب السعادة
فمن تخلى هو من يتألم
ولعلك تعرف كم تألمنا
فليس من بين القتلى مصابين
فإن كان قلبك قد قٌتل فمن ذا الذى يحيه غير الله
عليك بذكر الله
عسى أن تكرهوا شيئاً وهو خير لكم
وكن بخير

جايدا العزيزي يقول...

والله انامع كل كلمه فى الرساله

بس لازم الانسان يفكر

رائعه

كل عام وانت بخير

تحياتى

مدونه ما كفايه بقى يقول...

ما هو يا اما مشغول فى شغلك يا ماا ملكش نفس تكتب موضوع جديد عشان مضايق

فى الحالتين

ربنا معاك ويريح بالك يا رب

تحياتى : بنت بلدك