الأربعاء، 15 ديسمبر 2010

ليه انا مدون



مش عارف ابدأ الموضوع منين بس الفكره عجبتنى اوى

.



عزمتى على المشاركه فى الحامله اللى أطلقتها الاخت صاحبه مدونه المدينه الفاضله وهى انها عاوزه تعرف هويه كل مدون من أجل مذيد من التعارف والتواصل
.

اولا انا بدأت التدوين فى ابريل 2006 وبعدين حاولت انى اجدد المدونه فحصل انى فقدت محتوى المدونه كلها وده كان فى اول شهر فبراير وبعد محاولات فاشله فى إرجاع الماده اللى ضاعت .. بدأت ادون تانى فى اول مارس 2009 وكانت فكرتى عن التدوين انه عامل زى الاجنده اللى عندى فى البيت اللى اصحابى بيكتبوا لى فيها ذكرى كتابيه وصوره ليهم وكده يعنى واتعرفت على مدونات بلوجر عن طريق مدونه قديمه اوى هى دلوقت قفلت بس كانت مدونه بمعنى كلمه مدونه صاحبها كان شخص بسيط جدا المهم عجبتنى الفكره وحاولت انى اعمل مدونه وأبدأ التدوين وده كان صعب بالنسبه لى فى الوقت ده اللى هو 2006 المهم نجحت فى انى اعمل مدونه ونجحت فى انى اكسب صداقات ناس كتير معظهم بطلوا التدوين منهم اللى اتجوز ووقف تدوين علشان الوقت وكده ... ومنهم ناس زهقت اساسا ومنهم ناس تركت التدوين بسبب ان فيه ناس كانت بتزم فيهم وبتذكرهم عند مدونات كتير بسيره مش كويسه واسرار ماينفعش تتقال المهم انا ما حاولتش انى اذكر شىء عن نفسى مهم لحد .. علشان مايحصلش اى حاجه تخلينى اسيب التدوين حتى انتوا لو تاخدوا بالكم انى مش ناشر ولا صوره ليا ولا اى حاجه توصف بإنها حاجه شخصيه .. حبيت التدوين اوى
لدرجه انى ماينفعش ما ازورش مدونتى كل يوم واشوف ايه الاخبار
..
استفدت من التدوين حاجات كتير اوى منها انى بكتسب صداقات كتير يشرفنى انى اتواصل مع ناس زيكم وكمان التدوين ولد فيا موهبه التعبير عن نفسى بالكلام

..

نفسى ما ابطلش تدوين حتى لما اتزوج ببنت الحلال نفسى كمان اتعرف على ناس اكتر واكتر ونفسى الاقى وقت اكتر انى اتواصل معاكم
وكمان نفسى فى اربع حاجات مهمين جداً ادعولى انهم يتحققوا
نفسى فى شقه ومائه الف جنيه وعربيه موديل السنه وعروسه حلوه علشان انجب اطفال حلوين .. اصل انا مش بحب الاطفال الوحشين فلازم اتزوج من عروسه حلوه علشان يطلعوا زى امهم مش زى ابوهم الوحش

بس خلاص

نفسى بقه كل اللى يشوف الموضوع يشارك معانا

وشكرا لأمل انها خلتنى ارغى شويه الرغى دول

ما صدعتش حد من زمان

.

.

هناك 9 تعليقات:

مدونه ما كفايه بقى يقول...

اولا الشكر لله

ثانيا (بتزم) بالذال مش بالزين هههههههه

شكرا علشان استجبت للدعوه بسرعه كده ببس بصراحه كده انت لبيت الدعوه علشان الفكره عجبتك ولا علشان الفلكه مستنياك؟


مدونتك رائعه وسعيده انى وصلتلها ويا ريتنى عرفتها من ابريل 2006

(وكمان نفسى فى اربع حاجات مهمين جداً ادعولى انهم يتحققوا
نفسى فى شقه ومائه الف جنيه وعربيه موديل السنه وعروسه حلوه علشان انجب اطفال حلوين .. )

مفيش حاجه بعيده على ربنا انت ادعى بس

ربنا يوفقك وياريت يا ريت متوقفش التدوين ابدا

سعيده بالتعرف على شخص مثلك


اطيب التحيات بنت بلدك

جايدا العزيزي يقول...

ههههههههههههه

ادبست يا معلم

سبقتك بساعات

بس عارف الفكرة المرادى عجبتنى اوووووووى لانها بتقربنا من بعض

شخصيتك جميله جدا وبسيطه جدا

ربنا يوفقك يارب

وتحقق كل احلامك

تحياتى

دعاء العطار يقول...

حلوه اوووى الفكره وعجبتنى

ربنا يحققلك كل احلامك ياااارب

وتجيب عيال عثثثثلات

(:

miroooo يقول...

حلوة الفكرة يا ابو حميد
احنا سعداء جدا بوجودك معانا
يارب تفضل موجود وسطنا على طووووووول
ربنا يحققلك احلامك ان شاء الله
بس لازم تجتهد علشان توصل لاحلامك وتلاقى العروسه الحلوة دى هههههه
متقلقش الحلوين كتير بس اهم حاجه الروح والبنات كتييييير جدا اختار انت بس هههههه
تحياتى

miroooo يقول...

اه نسيت اقولك كل عام وانت بخير

يمين فى يمين يقول...

لية انا مدون

انا مدون علاشان حبيت التدوين

لكن حسب فكرى وعقلى فى التدوين

ممكن اكون مدون سياسى او رياضى

او قصة قصيرة او طويلة

او شعر عامى او نثرى

المهم ان كل واحد بيعبر عن رأيو

صديقى الحبيب احمد طلعت

تحياتى ليك

باشكرك على مواضيعك الجميلة

لكن عندى سؤال لازم اسألهولك

تعمل اية لما تكون بتحب واحد ومتابع لية

وهوا فى نفس الوقت بيحبك لكن مش بيتابعك ولا بيتابع اخبارك

بتسأل عالية

وهوا مش بيسأل عليك

وبيتابع ناس تانية ؟؟؟؟

عموما انا لو اعرف رقم ليك كنت كلمتك

اخر مرة هبعتلك فيها رقمى

0193231902 صحبك احمد

انا كدايابو طلعت يبقى عملت الى عليا

وزيادة

ودى واحترامى الى اقدم عاصمة فى الحب

ツSmiLeY AnGeLツ يقول...

السلام عليكم
وتعرفنا على شخصية مدون اخر
ربنا يوفقك و يحقق لك كل امانيك
امين يارب
تقبل مروري
سلامي ليك اخي.

Admin يقول...

سلامى ليك يا واد
وطبعاً شخصيتك مش محتاج كلامك يعرفنى أيه فيها انا حافظك أكتر من نفسك وأكتر بكتيييييييييييييير من الكلام اللى انت قولته
المهم ان انت واد جدع وكويس وانا بحبك وانت وحشتنى يا رخم تعالى زورنى عشان انا تعبان والله يا أبو طلعت عاوز أشوفك وحياة شمس بنتى

ahad يقول...

صباح الخير
صباح الورد
صباح الفل
صباح اللي بتغني
اي الصداع الي عاملتوهولي من الصبح >>المصري صعب اوي يااحمد
والله العظيم يااحمد لو صحيت بكره الصبح وقالولي اني ربحت شقة في المهندسين ولو اني مش مشاركه في اي مسابقه راح اعطيك اياها كم احمد عندي
بس بجد احنا الربحانين ان انت بتدون يااحمد تخيل لو البلوجر مافيهاش اقدم عاصمه في الحب
وتخيل لو انت ماتدون وماعرفتني دي تبقى حياتك وحشه اوي
احمد انت لو بطلت تدوين انا ببطل على طول
بجد انا مبسوطه اني عرفتك ومدونتك منوعه وفيها حاجات حلوه وفي كل مره بتاخذنا في موضوع اخر
وكل مره بتدخل بنتضيف شوكلاتات
ياااااارب انا بدعيلك وانا صايمه يااحمد ربي يكتبلك اللي فيه الخير وينولك مرادك عشان انت بتستاهل
شكراً جدا يااحمد
دوما يارب المدونه مستمره فيك
ودوماً أصدقاء :)