السبت، 11 ديسمبر 2010

سيده الحزن والجمال




قالوا لى انكِ تكرهينى .. وأن ندمك على أيامنا يدفعك لقتل كل ذكرى تسكن فى قلبك تجاهى .. وقالوا أيضاً أنك تخططى لرسم طريق آخر مع أحداً غيرى .. طريق غير الذى رسمناه .. قصه غير التى نحكيها دوماً سويا .. وأنك فاقده الامل فى سعادتى لانك تشكى لله منى انى ظلمتك .. ولكنى كذبتهم .. وانا متأكد انى على حق وهم .. ما هم الا حاقدين


حين يسدل الليل ستائره على الارض الغريبة .. ويمارس الكون طقوسه اليومية فى ستر عورات البشر .. ويلملم المساء من خلفنا أوراق عمرنا التى سقطت للتو ..ونردد جميعاً أنشودة الصمت .. أهيم انا وقتها بعقلى .. فأجئ اليكِ كى أغسل روحى.. فى محراب حزنك .. كى أتوضأ من ماء دموعك .. كى اتلو وردى بين يديكِ .. واضمُ جناحَيا على بابك .. و .. استريح ... محاولاً فى كل مرة أن أغزل من ألمك ثوباً يدارى سوءاتى أن اصنع من حروفك .. صورة عمرى الذى كان مبتدءاً حزنى بكِ .. منتهياً فرحى لديكِ .. أجئ اليك كى أتأكد انكِ أنتى ... انتى


وليس كما يظن الآخرين أنك أصبحتى


سيده الحزن والجمال

هناك 15 تعليقًا:

ツSmiLeY AnGeLツ يقول...

السلام عليكم
كلمات فاقت اوصف
والله قرئتها مرتين من جمال التعبير
معنديش كلام غي اني اقول
ربنا يوفقك
لساني عجز عن قول شي.
تقبل مروري
سلامي ليك اخي.

مدونه ما كفايه بقى يقول...

محتاجه ميون ايد مع ايدى اسقف بيها على جمال كلماتك يا احمد

بتجيب الحلاوه دى كلها منين؟

دلنى على العنوان علشان عايزه انا كمان

ربنا يوفقك ويحققلك كل اللى تتمناه

تحياتى بنت بلدك

ahad يقول...

السلام عليكم
ازيك يااحمد
النص ناضج جدا جدا
أعجبني الموضوع كثيراً بأستبدالك كلمة الحسن بالحزن
وكأنك تهتم لما في قلبها أكثر من جمالها
كنت رائع كثيرا هنا
تحياتي ياصديقي

راء يقول...

تفتكر هيا لسه زي ما هيا؟؟
الناس بتتغير يا احمد

والثقة بتتغير
ممكن تكون مش زي ما هيا وهوا كمان حقه ميبقاش زي ما هوا

ديه الحياة بتقلباتها وصدماتها ..عادي يعني

الجزء التاني رهيب اوي وتعبيراته قوية

راء يقول...

معلش نسيت عامل ايه واحوالك؟؟

اقدم عاصمه فى الحب يقول...

خواطرى مع الحياه
-*************-

وعليكم السلام ورحمه الله وبركاته

اقرئى زى ما انتى عاوزاه يا قمر ده شرف ليا تواجدك هنا عندى
ربنا يكرمك يا رب ويسعدك دايما
سلامى ليكِ اختى :)

اقدم عاصمه فى الحب يقول...

ما كفايه بقى
-**********-

ليه مليون .. انتى كفايه
انتى عندى بمليون وواحد ايد
الحلاوه اللى بجيبها من مكان مش هعرف اوصفهولك تعالى معايا وانا اخدك من ايدك نروحله سوا اول مره بس وبعيدن انتى هتعرفى السكه لوحدك
ههههههههههههههه

منورانى يا بنت بلدى يا غاليه :)

اقدم عاصمه فى الحب يقول...

ahad
-**-

وعليكم السلام ورحمه الله وبركاته

انا بخير يا عهد الحمد لله
يا رب تكونى انتى كمان بخير وسلامه

وما لاهتماماتى فائده غير اهتمامى بقلبها وحزنها الدى هو بسببى
شكرا على استمرارك فى متابعتى
دوماً اصدقاء :)

اقدم عاصمه فى الحب يقول...

طالبه مقهوره درجه اولى
-*******************-

انا بخير الحمد لله
يا رب تكونى انتى كمان بخير وسعاده
.
هى الحكايه مش مين اللى اتغير ومين اللى لسه زى ما هو .. الحكايه فى اللى انتى قولتيه (( ديه الحياه بتقلبتها وصدمتها .. عادى يعنى ))

ربنا معانا جميعاً وربنا يقوى الحياه علينا كمان وكمان .. علشان يبقى للحياه طعم
احلى شيكولاتايه فى الدنيا كلها :)

اقدم عاصمه فى الحب يقول...

طالبه مقهوره درجه اولى
-*******************-

بالنسبه للجزء التانى .. فده والله ما بقى بإيدى اكتب .. بلقانى بكتب وخلاص والله .. بس انتى عارفه ..؟!
مبسوط انك متبعانى :)

جايدا العزيزي يقول...

احمد

قصه رائعه لواقع نحياه

واحيانا نخاف من ان تتغير نفوس احبائنا

كن على ثقه كما انت

فالحب الصادق لا يخرج ابدا من القلب

اشكرك يامبدع

تحياتى

اقدم عاصمه فى الحب يقول...

جايدا العزيزى
-***********-

يا هلا بالحبايب .. نورتينى يا قمر والله
شكرا على زوقك وعلى تواصلك اللى بيسعدنى كتير
.
ودى وإحترامى :)

يمين فى يمين يقول...

كلمــــــــــــــــاتك رائعة يا صحبى

انت دايما كدا بتمشيلى دماغى

حتى لما بنعد نتكلم سوا انا وانت على

محطة القطار مابين الاسوارويصاحبنا السكون

دايما بتخلينى فى مود تانى

ودايما مش بلاقى دماغى وبدور عليها

من كلامك الجميل

مقدرش اقولك غير

ان انت صاحب طريقنا وعمرنا

وصاحب شرعنا وجرحنا

يوم ماتجرحنا شلنا الجراح مع بعضنا

انت وانا عايشين هنا

بنحكى حكاية عمرنا


وساعات حكاية حبنا

انت وانا

بنكتب هنا

علاشان بنلاقى نفسنا


وانا من هنا


ببعت تحيةتخصنا

انت وانا

ببعت سلام من غير كلام هيفكرك بيا انا

وحشتنى اوى يا صحبى

مش هقول اكتر من كدا

مدونه ما كفايه بقى يقول...

طيب اتفق على مكان ومعاد عشان تخدنى تودينى

بس انا مش بحفظ السكه الا من عشر مرات وممكن 11 كمان هههههههههه

ادخل مدونتى فى واجب عليك معملتهوش انا محضره الفلكه

❤ soso ❤ يقول...

لا عدمنا ابداااااااااااع قلمك

سعد جدا واستمتعت بكل حرف في مدونتك

بنتظار تشريفك بمدونتي