السبت، 10 أبريل 2010

علمتنى الحياه .. دعوه للمشاركه


كم هى كثيره دروس الاستاذه الفاضله

حياه

من دروسها تعلمت الكثير

وقد منحتنى القدره على تمييز بعض الاشياء

وتقدير مواقف كثيره على حقيقتها



فقد تعلمت:



أننا سنتذوق حلاوة كل مرارة لأن كل محنة لاتخلو من منحة ..

علمتنى ان ارحل بعد ان اضع بصمه جميله فى مكان رحيلى ..

علمتنى ان لا اتخذ قرار وقت الغضب ..

علمتنى ان الخساره الحقيقيه هى خساره الوالدين .. ربنا يحفظهم

علمتنى ان الاوفياء لا يتغيروا .. وان الخائنين ايضا لا يتغيروا..

علمتنى ان ساعه من الفرح تعادل دقيقه من الحزن ..

علمتنى ان ساعه فى حساب نفسى تكفى لتنظيم مسار حياتى كلها ..

علمتنى ان ادير ظهرى مبتسما لمن ضحك بوجهى زيفاً..

علمتنى ان اتأهـب لإستقبال صفعات الخذلان ... من الكــــل ! حتى نفســي ..

علمتنى ان جزاء المعروف ليس بشىء محددا ..

علمتنى انه لن يضيع حقاُ لى مهما طال الزمان ..

علمتنى ان الصراحه لا يرغبها الكل ..

علمتنى انه لا يحك جلدى الا ظفرى..

علمتني الحياة بأن عمر المحب ماكان ذكي فهو غبي بدرجة امتياز لانه لايرى السيئ في محبوبته فهو عندما يراها
يراها الكمال بذاته
وفي هذه الحاله لو كان ذكيا لراى مساؤها فتركها ولكنه تغاضى عن السيئ الذي يسكنها
ورمى بنفسه لاحضان الجمال الذي يكتسيهال
ذلك فالمحب دائما غبي بشهادة الامتياز


علمتنى انى ما جادلت عالماً إلا وغلبته ، وما جادلني جاهلٍ إلا وغلبني !

علمتنى ان اكون انسان عادى .. وفى احيان اكون غيرى تماماُ..

وعلمتنى ايضا ان اتخذ الصبر سلاحاُ فـــ ( إن الله مع الصابرين )
علمتني ان هناك دومآ من يخاف علينا حتى وإن لم نعرفه عن قرب ..


علمتنى الكثير والكثير

والمهم والاهم

ان كل واحدٍ منا يستطيع أن يتعامل مع حياته الشخصية كلوحة فنية رائعة . وإن كل لحظة فيها عبارة عن لمسة فرشاة يضيف من خلالها تفصيلاً بديعاً . حتى إذا انتهت حياته احتفل باكتمالها وينتظر الجائزة عليها يوم العرض الأكبر .


فلو حد الحياه علمته حاجه يقولى عليها علشان اتعلمها



وتحياتى للاستاذه حياه

هناك 22 تعليقًا:

ليله شتاء يقول...

السلام عليكم
علمتنا الحياه؟!!!
فهكذا الحياةرسائل بين الغدر والغفران
تحمل أوجاع قلب ارتجف فوق الشُطأن
كطفل يبكي داخل الوجدان
وتستمر مُقيده بقيود الأحزان
...حياة وبعدها حياة...
قد تصنع أملآ في النسيان
.....وحياة وبعدها حياه.....



*******
شكراا من دروسا تعلمتها وعلمتها

دام قلمك

ليله شتاء يقول...

مبسوطه جداا أنى أول تعليق

لاسع افندى يقول...

تعيش وتتعلم ....يا معلم


تحياتى

♥نبع الغرام♥♪≈ يقول...

ازيك ياقمر

كلنا بنتعلم وياما هنشوف

وتحياتى للاستاذه حياه

اخبارك ايه ياقمر التدوين

إمرأه من ثلج يقول...

هى دى الحياة بتعلمنا كتير

ولو عشنا فى الدنيا دى من غير ما نتعلم منها حاجة يبقى الاحسن نموت لان الحياة كدة ملهاش معنى

تحياتى واحترامى

رشيد أمديون يقول...

يا أخي لقد علمتني الحياة أني لا أعرف شيئا، وأني مهما بلغت من العمر فما أنا إلا تلميذ في الصف الأول يتكرر جهله كل حين.
جميل ما كتبت ومدونتك ممتازة، مواضيع في المستوى.
تحية ود، وأدعوك للتواصل... وشكرا

اقدم عاصمه فى الحب يقول...

ليله شتاء
-*******-
وعليكم السلام ورحمه الله وبركاته
.
تعلمنا وسنتعلم ولن تنتهى الدروس حتى ننتتقل الى المرحله الثانيه منها
ودى واحترامى :)

اقدم عاصمه فى الحب يقول...

ليله شتاء
-*******-

ربنا يجعلك الاولى فى كل شىء :)

اقدم عاصمه فى الحب يقول...

لاسع افندى
-*******-

ماشى يا معلم المعلمين
.
تحياتى انا كمان :)

اقدم عاصمه فى الحب يقول...

ابتسامه ملاك
-*********-

ازيك انتى يا اجمل من القمر
وحشانى طلتك البهيه
.
بالنسبه للحياه
فانتى قولتى ابسط ما يقال عنها
ولكنه المختصر المفيد :)
يا رب دايما منوانى كده دايما
.
وانا انشاء الله بخير طول ما انتى بخير يا قمرايه التدوين :)

اقدم عاصمه فى الحب يقول...

إمرأه من ثلج
-**********-
نموت ليه بس لو ما تعلمناش
الدنيا كتير فيها
الحلو والوحش واللى بيتعلم واللى مش بيتعلم وكلنا لازم نعيش
عموما
بسعد بزيارتك دايما
ودى واحترامى :)

اقدم عاصمه فى الحب يقول...

رشيد
-**-
اخى رشيد....
رشيد هو ما افصحت به عن ما علمتك اياه الحياه فحقا نحن سنظل تلاميذ فى الصف الاول
...
شكرا على وصفك لمدونتى المتواضعه بهذا الوصف
سعيد بزيارتك
وسعيد اكتر بطلبك للتواصل
نورتنى :)

♥نبع الغرام♥♪≈ يقول...

ربنا يسعدك يارب
قد ايه بكون سعيده بكلامك الجميل عندى

طبعآ هتستغرب مين؟؟
ايناس

ابتسامة ملاك

معلهش الحمد لله

انت اخ عزيز على قلبى اووى
ربنا يديم الود بينا يارب
بتمنالك السعاده من اعماق القلب
متشكره ليك مليون مره على احساسك اتجاهى

اقدم عاصمه فى الحب يقول...

الملاك الحزين
-********-
ويسعدك انتى كمان
وانا مش بجاملك دى حقيقه
وعلى فكره...
مافيش ملاك حزين

miroooo يقول...

السلام عليكم
كلماتك رائعه حقا الحياه استاذه عظيمه جدا فقد علمتنى الصبر على المحن كما علمتك ايضا بس انا علمتنى الصبر على مرارة المرض واتعاب من حولى بمرضى علمتنى ان اتمسك بالامل وعدم الياس ابدا علمتنى انها لاتستحق ان ابكى عليها ولا لحظه ولا اتمسك بها لانها غير باقيه وعلمتنى ايضا ان الحب اجمل شىء فيها والحبيب هو من ينسينى الام الحياه
اتمنى انى اكون ضيفه خفيفه
تحياتى لابداعك

اقدم عاصمه فى الحب يقول...

mirooo
-****-

وعليكم السلام ورحمه الله وبركاته

علمتنا جميعا الحياه الصبر
شكرا على زوق كلماتك
سعيد بزيارتك
ودى واحترامى :)

زى الهوا يقول...

هيه الحياه وراها ايه غير تعلمنا وبس ؟

انا ساعات لما باقعد افكر فى اللى علمتهولى باحس انى ولا اللى عندى 100 سنه من كتر العلام اللى اتعلمته

كلماتك جميله وافادتنى كتير

باستثناء ان المحب غبى بدرجة امتياز

لان فى اعتقادى انه مش بايده الحب وان الحب الحاجه الوحيدة اللى ما ينفعش نتعلم منه ابدا لانه مالوش قاعده ثابته ,يعنى م الاخر انت وحظك ف الحب بالذات

:)

اقدم عاصمه فى الحب يقول...

زى الهوا
-*****-

فعلا مش وراها غير تعلمنا وكمان صح ان الانسان عمره مش بيتقاس بالسنين وبس ده كمان بعدد المعارف والتجارب اللى مر بيها
وبالنسبه للحب اكيد للحب قواعد منها الاخلاص والصراحه والحنين والحجات اللى كلنا عارفينها وكمان من فروضه التغاضى عن كل ما هو يسيء لمحبوبه
ولكن فى نفس الوقت الحظ .... او النصيب والمكتوب .. بيلعبوا لعبتهم
.
اضافتك احسن اضافه مقتنع بيها لحد دلوقت
تسلمى ويا رب تفضلى منورانى دايما
يا مس :)

أنثى من حرير يقول...

تعلمت من الحياة
هناك حقيقتان فقط
[الولادة ] و [ الموت ]


..

شكرا لك

اقدم عاصمه فى الحب يقول...

انثى من حرير
-**********-

جميل وصعب ما علمتك الحياه إياه
لا شكر على واجب
نورتينى :)

ahad يقول...

صباح الخير
رائع جدا جدا جدا
استغربت كمية الحكمه والعقلانيه فيما كتبت وانت في هذا العمر
تحياتي لستنا حياه ولعقلك الكبير

اقدم عاصمه فى الحب يقول...

ahad
-**-

صباح النور

شكرا على وصفك الجميل للبوست
وعلى فكره العمر غالبا .. لا يقاس بالسنين .. وإنما بالتجارب والشخصيات التى قابلتها وتعاملت مع عقلهم وإنتفعت بما يجعلنى اكتب مثل هذا البوست
.
.
اسعدتنى هذه المشاركه
فتمنياتى بالتواصل أختى عهد :)