السبت، 21 أغسطس 2010

دعينى أرحل


قرار صعب انك اول لما تفكر تاخد قرار فى تحديد علاقتك انه يكون ... الفراق


هو : انا وجودى زى عدمه فى حياتك .. لما اكون اد مسؤليه كلمه بحبك واقرر انى ارتبط بحد هتكونى انتى اول اختيارى
هى : وجاى بعد خمس سنين تقول كده

هو : حلم ومش عاوز افوق منه وحاسس انه هيتحقق بس لقيت انى بضحك على نفسى وبخدعك وكمان هعمل من نفسى انسان مش جدع وانا غير كده خالص فانشاء الله هنكمل مع بعض بس بعد فاصل اتمنى انه ما يبقاش طويل علشان كل يوم بوعدك والظروف بتخيب املى وانت مش كل مره هتقدرى الظروف دى تحت مسمى الحب .

هى : والمطلوب منى انى اقول اوك موافقه باى وكده يعنى ولا اندهش ولا اتجرح ولا ايه بالظبط
هو : انا عارف انى غلطان فى القرار ده بس نسبه الصحه فيه اكبر من الغلط .. ثم انا مش بنسحب .. انه بحاول تقييم العلاقه من جديد علشان تيار الوهم ما يضيعش سنين كتيره

هى : وهم ...؟ انت عارف انت بتقول ايه ..؟! انت كنت ممكن تفضل معايا لحد ما الوقت المناسب اللى انت بتقول عليه يحضر ..ولا اقولك لو انت ليا مش هكون لحد تانى .. بس انت عارف .. انا دلوقت مليتك خلاص

هو : من حقك تقولى كده واكتر من كده

هى : لا الكلام كده بقه كتير اوى .. كفايه .. وشكرا اوى لحد كده .. بعد اذنك


.

.. قد أكون يا سيدتى.. ضعيف هائم في مشهد حضورك وأرى مفرداتي قد فقدت سبيلها من أعماق قلبي إلى مسامعك .. ضاع منها الطريق في زحام الحياه .. قد يكون صمتي أثار حنقك وتلعثم الحروف على طرف لساني أفقدك الشعور بالحب قد تكون نظراتي بريئة إلي حد السذاجة ما استطاعت يوما أن تحرّك سكونك لم تحرّك شجونك لم تغتالك لم تصل لقمم جبالك لم تذيب جليدك.. قد أكون أيها الحب فشلت فى الوقت المناسب
.. ولكن لن افشل في أن أشعركَ بأنني رجل ..يكسّر الحدود.. ويلغي الحواجز!!.. كي يعود
وسأعود .. أعدك .. سأعود فدع قلبى ينال عقابه فتره ذهابه وحتى إيابه

هناك 38 تعليقًا:

أتنين حبيبين يقول...

ياااااااااااااااااه

احساس صعب
اوى يا احمد

بجد حسيت بكل كلمة كتبتها

مين بيهون عليه عشره كده بسرعه
على ايه هنلوم
احنا فى زمن العجب وكله بيبيع الغالى بالرخيص
ربنا اكيد هيعوضك خير يا باشا
بس قول يارب

أتنين حبيبين يقول...

خلى بالك من نفسك
وياريت تطمنى عليك يا غالى

ربنا يوفقك ويكتب ليك كل الخير يارب

Ramy يقول...

اكتر حاجة مستنى

الكلام اللى قلته فى الأخر

بجد كلام كتير من الشباب عاوز يقوله بس بصدق زى كده

تحياتى


رمضااان كريييييم

جايدا العزيزي يقول...

من الواضح انك حساس وصادق


وبتفكر فى كل خطوة ونتايجها


وده شئ نادر


بس هو ده طبع الحياة يوم حلو ويوم مر


ربنا معاك


وكل عام وانت بخير


رمضان كريم


تحياتى

Mona يقول...

أنا لسة لم أقرأ البوست ده لكن حبيت أشكرك على تشريفك مدونتى وكمان عجبنى جدا المكتوب فى البروفايل وخصوصا الأفلام الى بتمثلها على ماما فكرتنى بأولادى - ربنا يحفظك وحأكرر مرورى للقراءة فى القريب - تحياتى مرة أخرى

Unknown يقول...

بجد البوست بتاعك يستاهل الواحد ينحنيلو يقولو انت فوق الرائع بمراحل تقبل مرورى بالتوفيق ديما انشالله .ياريت تشرفنى بزيارة مدونتى .انامنه

راء يقول...

ممممممممم
مش عارفة
فيه حجات كتير بتدفع للبعد بس الحاجة الوحيدة اللي طمنتني ف البوست

ان القرار ده نسبة الصحة فيه اكبر من الخطأ.
ده معناه ان فيه تحكيم للعقل وانه قدر يميز الصح م الغلط..

وحشني كتاباتك جدا
كل سنة وانت بخير

اقدم عاصمه فى الحب يقول...

اتنين حبيبين

هلت الانوار
يا مرحبا يا مرحبا بـ الناس اللى انا مقصر فى حقهم

شكرا كتير على الكلام الحلو ده ومافيش قلق من حاجه انا عندى فرامل شغاله على طول
ربنا ما يحرمنى من الزياره الجميله دى
وكل سنه وحضرتك بخير :)

اقدم عاصمه فى الحب يقول...

ramy
-**-
شفت بقه

اصل طالع من القلب وربنا يعلم

رمضان كريم يا باشا
نورتنى :)

اقدم عاصمه فى الحب يقول...

جايدا العزيزى
-***********-

شكرا على زوقك .. حساس مره واحده هههههه

اكيد لازم نشوف الحلو والمر بس الشطاره فى اختيار النهايات علشان احنا مخيرين مش مسيرين
وكل سنه وحضرتك بخير وسلامه
نورتينى كتييييييييير
ودى وإحترامى :)

اقدم عاصمه فى الحب يقول...

mona
-**-
فقط تشريفك يسعدنى ليس التعليق فقط
البروفايل ده اللى كله بيعلق عليه مش عارف ليه
وان كان ليكى اولاد بيعملوا معاكِ كده ربنا يهديهم ويهدينى معاها :)

كل سنه وحضرتك طيبه ويا رب يعود علينا الايام بخير :)
فى انتظار الزياره القادمه :)

اقدم عاصمه فى الحب يقول...

عاشقه وبدوب ف حبيبى
-****************-
يا عاشقه
دارى على شمعتك تأيد :)
كل سنه وانتى طيبه ويا رب يعود عليكِ وعلينا الايام بخير
شكرا على زوقك فى وصف البوست
وشكرا على دعوتك للزياره فهذه منحه اشكرك عليها
فودى وإحترامى :)

.

اقدم عاصمه فى الحب يقول...

طالبه مقهوره درجه اولى
-*******************-

كل سنه وانتى طيبه يا طالبه
فينك من زمان
هلت الانوار يا صاحبه السعاده

والله من ناحيه القرار فهو مش كل صح بيسعد بس العسل المر بقه
.
وانا كمان وحشتنى تعليقاتك :)
ودى وإحترامى :)

حلمى البعيد يقول...

أنا جيييييت
معلش على التأخير لظروف النت الغريبه
أنا بجد إتأثرت أوى بكلامك
وحطيت نفسي مكانها لقيت الموقف صعب أوى
بس مدام انت بتحبها صادق
ربنا هيقف بجانبكم انتوا الاتنين ان شاء الله
والفاصل هيكون قصير اوى
واللقاء هيكون قريب بإذن الله
تسلم على مرورك والسؤال
بارك الله فيك

اقدم عاصمه فى الحب يقول...

حلمى البعيد
-*********-

نورتى يا قمر ارض بلوجر كلها
النت عند الجميع والله او يمكن عندى انا وانتى وبس
المهم بس اللى فى القلب قى القلب
سيبك انتى
كل سنه وانتى طيبه :)

ahad يقول...

أحمد ..
ياأقدم عاصمه في الحب وجرحك نقش فرعوني
شخصياً حسيت اني اقرأ لشخص مش قادره افهمه على قد ماأنا حاسه انه محتار
أنا مش عارفه أقولك ايه
انا ألتمس لـ"هي" العذر على فكره وبلتمس لـ "هو" العذر لو كان السبب مقنع
في عباره كتبتها من زمان وأحبها
"أشفق على اللذين تتاح لهم فرصة البوح بمشاعرهم ويصمتون..
لاتصمت,,
قد تصيب يومآ بسهام كلماتك القلب الهدف"
لاتدخل الكهف الرجالي الغامض انا خايفه تخرج منه وماتلاقيها مستنياك عند باب الكهف
أنتبه لنفسك ياأحمد
دوماً أصدقاء :)

اقدم عاصمه فى الحب يقول...

ahad
-**-

الاستاذه الفاضله والاخت العزيزه عهد
نورتينى يا قمر
.
جميل اوى تشبيهك بدخولى الكهف..
بس انتى عارفه انا لما اتيحت لى الفرصه انى ابوح بمشاعرى ما خبتهاش وقولت كل اللى فى نفسى حتى لو كان جارح
بس كل ده علشان بحب ...
شوفتى بقه :)
ومن الحب ما قتل
وانتى كمان خلى بالك من نفسك
ودوماً اصدقاء :)

طوبه فضه وطوبه دهب يقول...

ربنا يكرمك وييسر لك امرك وتعود اقوى مما بدءت بما يرضى الله ضع الله نصب عينيك وسيهون عليك كل صعب فقط قل يارب

علاء المصرى يقول...

أسجل مرورى كل عام وأنتم بخير

اقدم عاصمه فى الحب يقول...

طوبه فضه وطوبه دهب
-****************-

كل سنه وحضرتك طيبه
والله زيارتك وحشتنى كتير
لعل الغياب كان خير
دائما ذكر الله مفتاح للخروج من اى حاله سيئه ... الله المستعان دائما
مرورك اسعدنى بجد
يا رب ما ينقطع ابدا
ودى وإحترامى :)

اقدم عاصمه فى الحب يقول...

علاء المصرى
-*******-
نورت يا باشا
كل سنه وحضرتك طيب :)

miroooo يقول...

فظيع البوست ده بجد
الكلمات صعبه جدا بجد اثر فيا لانى باعيش نفس الحاله احساس صعب جدا جدا
اللى بيحب بجد بيخاف على حبيبه وممكن يسيبه لانه خايف عليه
هو القرار جه متاخر بس كان لازم يجى
دع الجراح للزمن يداويها
ربنا يوفقك ويجعل لك الخير
كل عام وانت بخير

اقدم عاصمه فى الحب يقول...

Miroooo
-*****-

يا هلا يا هلا بالحبايب
كل سنه وانتى طيبه يا قمر
.
شكرا على زوقك فى وصف البوست
وليه انتى عايشه نفس الحاله
ده حتى البخت ليه ناسه يعنى
على العموم
ربنا يفك كرب الجميع
نورتينى كتييييييييييير :)

همسات وبحــ الحياه ــر يقول...

مش عارفه اقول ايه

لكن بجد سلمت يداك على البوست الجميل دا

سعيدة جدا انك لسه فاكر دموع القمر هههه

ان شاء الله مش هتكون اخر زيارة
هكون سعيده اكتر لما تنورنى فى قلوب بلامرسى

ساسو يقول...

بحجز مكان
وراجعه تاني
يا شاعرنا العبقري

اقدم عاصمه فى الحب يقول...

ساسو
-**-

وانا مستنى الزياره
على العموم نورتينى :)

ساسو يقول...

الوداع حتي لو بعد لقا بيبقي صعب جدا
احساس صعب أوي
بعد ما تبقي مالك الحب والحنان في ايديك
في لحظه كله يضيع منك
تلقا نفسك وحيد
في دنيا مش عارفين مخبيه لينا ايه
بجد مهما كانت الظروف
ومهما كان الوضع
الواجب علينا اننا منتخلاش عن حبيبنا
منبعوش بأرخص تمن
ومش عارفين ايه هيبقي مصيره

ربنا يبعد عنك الفراق
ويكتبلك اللقا والفرح والسعاده والحب
أمين يارب

Rosie يقول...

انا هاعتبر المفروض إننا فى الموضوع ده نحكم مين الغلط و مين الصح..بصراحة الاتنين غلط..ما ينفعش خمس سنين نبهدل فى مشاعرنا و نسيب بعض فى الآخر..بجد منتهى العذاب للقلب...

اقدم عاصمه فى الحب يقول...

ساسو
-**-

الوداع الوداع ...!
وإيه يعنى ..؟!
مش كل حاجه بنتمناها بتتحقق
انا مش المفروض انى ادخل تجربه وضامن فيها النجاح
عقلى حكم بكده ممكن صح ممكن غلط مش دى القضيه

المهم انى اكون مرتاح ومريح اللى حوليا
وفى الاخر ده قدر ومكتوب
.
بس انتى عارفه
انتى نورتينى جدا
كل سنه وانتى طيبه :)
ودى وإحترامى :)

راء يقول...

كنت معدية اشوف جديدة واما ملقتش قولت اسأل :)

ازيك يافندم وايه احوال الدنيا معاك

كمان بتغيب كتير كده ليه؟؟؟

اقصوصه يقول...

رمضان كريم :)

همسات وبحــ الحياه ــر يقول...

كل سنة وانت طيب

طوبه فضه وطوبه دهب يقول...

كل سنه وانت بالف خير وصحه وسعاده يارب وديما فى احسن حال اخى الصغير

جايدا العزيزي يقول...

http://httpjaedacom.blogspot.com/2010/09/blog-post_493.html

يهمنى رائيك

Admin يقول...

ايه يا بنى انا مش سايبك اوف بقولك فيه إخلص وإدخل على ام المدونة بتاعتى أبقى شوف وقولى ايه رأيك عشان انا هاكتب هنا خلاص قرار يعنى وانت عامل ايه وحشنى والله

ساسو يقول...

فين جديدك يا نجم

يمين فى يمين يقول...

انت اجمل حد شفتو فى الوجود

ومعاك حقيقى بنسى كل الكلام وكل الردود

وبوعدك وعد غير كل الوعود

ان حبى ليك يفضل معاك ومن غير حدود

بجد احساسك جامد يا صحبى

miroooo يقول...

رحت فين؟ وليه غايب عن التدوين طول الفترة دى؟
وحشتنا بوستاتك
يارب تكون بخير وبصحه جيده
ياريت تطمنا عليك فى اقرب فرصه