الجمعة، 24 يوليو 2009

قال بتحبنى قال ...!!


هو الحب ده طالع حاجه جديده ولا ايه بالظبط
كله بيحب فى بعضه بمناسبه ومن غير
كل يوم الناس تحبنى كده
(( طبعا ما أقصدش انى تامر حسنى ولا حاجه ))



.




اليومين دول الناس بتحب بعض بطريقه غريبه اوى
.
.



ومصطلحات بقه زى ما انت عايز تدل على ان الناطق بيها عاصمه كبيره للحب
صباح الفل يا غالى - عامل ايه يا نور عيونى - وحشتنى يا روح قلبى - فينك يا عمرى - حبيبى وابن حبيبى - see u - take care ya baby

.
هو الحب جاى دلوقت فى الزمان اللى مات فيه الحب واتحول لحجات تانيه غريبه




هو فى ايه ...؟
ايه كميه الحب اللى من غير لازمه دى
هو فى كده ...!
نفسى بقه فى شويه كرهه
عاوز حد يعرف يكرهنى بجد

اه والله بجد
اصل بصراحه زهقت من الحب المزيف



بالزمه مش الكرهه سعتها يبقى احلى ....؟!









يا اللى انت بتحبنى وعارف انى مصدق

انا قلبى على قده صغير ولسه محندق

مافيش والله مكان حتى لكدبه صغيره

ارحمنى بقه انا فى الحب مش قدك



*-*-*-*-*-*-*-*-*-*-*-*-*



مش لاقى كلمه سر أخرج بيها اللى جوايا

مش بحبك كرهتك مش عاوزك معايا

كفايه بقه كدب عليا وتمثيل يا عم

نفسى تمشى تهاجر ترحل عن سمايا



*-*-*-*-*-*-*-*-*-*-*-*

.

.

انا شفت فكره جميله اوى فى مدونه مش فاكر اسمها دلوقت

بس الفكره كويسه وعجبتنى

وهى ان فى نهايه كل موضوع نسيب سؤال

علشان يبقى فى مجال اكبر وأوسع للتعليقات

والنقاش يبقى فى نطاق تفكير صاحب الموضوع

علشان كتير بكتب مواضيع وتتفهم حاجه تانيه

عموما انا هطبق الفكره دى عندى ويا رب تنفع


ايهم أرحم عندك ... ان يكرهك من تحبه ... أم ان يحبك حب مزيف ....؟!



هناك 44 تعليقًا:

جارة القمر يقول...

أولا البوست تحفة تسلم ايدك

ممممممممممممم

عفكرة الكلام دة كان على موبايلي شبهه وكنت كل ما اسمعه أضحك وأقول فعلا ليه حق

كلمة حبيبي ماتتقالش غير لشخص واحد هو اللي ببادله المشاعر

بالنسبة لسؤالك صعب جدا

وكلا الخيارين مر

مش حختار اي حاجة فيهم
لأن مش قادرة حتى أفكر اني ممكن يحصل معي كدة

انا متشكرة جدا لسؤالك عني ربنا يخليك يارب

احترامي

جارة القمر يقول...

انا فرحانة جدا

طلعت اول تعلييييييييييييييق هييييييييييييه

اقدم عاصمه فى الحب يقول...

جاره القمر
-********-
ايه الغيبه دى كلها
حمد لله على السلامه
نورتينى يا قمر والله
.
بالنسبه للسؤال عادى يعنى سعات بيبقى بلاء أخف من بلاء
فكان قصدى اى البلاء تفضلى هههههه
.
وسؤالى عليكى واجب يا صديقتى
.
نورتينى كمان مره

اقدم عاصمه فى الحب يقول...

جاره القمر
-********-
انا اللى فرحان ان انتى اول تعليق عندى دام اشراقك هنا سيدتى
.
.
مودتى
:)

طوبه فضه وطوبه دهب يقول...

ma asdk klmt 7b tkhrg mn el kalb wma akzb klmt 7ob tkhrg bla klb thanks 3la soalk akhy alsa3er snan kber mkamn

اقدم عاصمه فى الحب يقول...

طوبه دهب وطوبه فضه
-****************-
نورتينى كتير يا قمر
شكرك على كلامك الرقيق
:)

Darsh Basha يقول...

السلام عليكم
ندخل على الموضوع بقى
اولا مفيش حاجة اسمها حب مزيف لانة لا يعتبر حب من اصلة
الكلام دة كلة انتشر اليومين دول بهدف التسنيج ..يعى اتنين اصحاب يقولة حبيب قلبى
وكلام من دة..واول مايخلع من وشة يجقد يغتاب فية .

ولكن بالنسبة لسؤالك ,,فالكراهية غلق لكل مابين الشخصين.
اما الحب المزيف ازا عرفت انة مزيف بتمشى حالك..

اقدم عاصمه فى الحب يقول...

mosooz
-****-

عليكم السلام ورحمه الله وبركاته

انا مش بقصد انه فيه حاجه اسمها حب مزيف لكن انا بوصف شىء تقريبا او أقرب وصف ليه (( الحب المزيف ))
.
أمور التسنيج ده بند منه الموضوع وطبعا طبعا الكراهيه العلانيه احسن من التسنيج
.
..
أجبتك منطقيه نوعا ما
.
نورتى بزيارتك
ويا ريتت تتكرر على طول
.
.
مودتى
:)

noon kiko يقول...

ايه ياعم الاحباط ده فى مدونه اسمها مرارة روح ياريت تزورها..جو الاحباط واليأس فيها هيناسبك جدا..انا عندى كمية يأس فى مدوناتى بس كميه محدوده يادوبك على ادى..
بالنسبه للسؤال الاخير انا طبعا مش هقبل يكرهنى اللى بحبه
لذا فمفيش مانع يحبنى حب مزيف
وعلى راى يوسف السباعىان تحيا ساعة بحب افضل من ان تحيا دهرا بدون حب

لاسع افندى يقول...

على كل الاحوال لايمكن ان اتقبل الحب المذيف

اقدم عاصمه فى الحب يقول...

زهره ربيغيه
-*********-
والله ولا أحباط ولا حاجه انا بس اللى مليت من اللكدب والحجات دى
.
.
.
عموما انا انشاء الله هزور مدونتك وانشاء هكون متابع ليها
.
شكرا لمرورك.....
:)

اقدم عاصمه فى الحب يقول...

لاسع افندى
-*******-

ومن منا يقبل هذا ....؟َ!

أسعدنى مرورك
مودتى
:)

السيد الرئيس يقول...

مساء الخيرات الأول

يا سيدي خللي الناس تفك ,انا دايما مع زمايلي كدا ,حبيبي وبن حبيبي , يا مقطقط, صباحو ورد

الدنيا كئيبة بما فيه الكفاية , نحاول إننا نضحك شوية

بالنسبة للسؤال , الأرحم عندي إنه يحبني حب مزيف..دا بس لغايط ما أخد عليه وأزهق منه وساعتها هرميه أنا مني لنفسي ,بس إنه يكرهني من الاول كدا صعب شوية

اقدم عاصمه فى الحب يقول...

السيد الرئيس
-***********-
..
الاول عليكم السلام
.
وانا ما اقصدش عامه
انا قصدى خاص يعنى الكلام الحلو اللى طالع ده لما يبقى طالع من ناس مش عاوزيين نسمعه منهم يبقى حاجه وحشه
.
.
إجابتك على السؤال منطقيه
,
نورت
:)

غير معرف يقول...

ههههههههههههه

ياعم سيبنا نحب ونتبادل كلام الحب احسن من الالقاب المؤذية والمسميات الغريبة الي بينادوا فيها على بعض

يعنى انا مثلا لازم لما اكلم طفل او طفلة لازم اقول حبيبي وحبيبتي تلقائي لاني بحبهم

والصحبات بحب اقولهم ياقلبي ياحبيبتي

لكن ببقى بجد بحس ناحيته بحب او اعجاب او اي حاجة حلوة كدا مش مجرد مقولة والسلام

كاني برغي كتير ؟؟انسى

نكمل :]

بالنسبة لسؤالك ياخرررررابي الاتنين اصعب من بعض

لكن بافضل الحب المزيف واكييد هكتشفه لاني مش من النوع العبيط الي يصدق اي حاجة ^ـ*

لكن كلمة كره مش موجودة بحياتي يالهوي حد يكرهني :(

الي يحبني يرفع ايديه او يرفع اي حاجة :]

والي يكرهني هخرب بيته بقولكم اهو :]

يلا بقى كفاية رغي

بووووست مميز كالعادة والفكرة عجبتني

تحياتي ^ـ^

اقدم عاصمه فى الحب يقول...

نواره
-***-
لالالا انتى بالزات قولى اللى انتى عاوزه تقوليه
انا متأكد انه مش فى حد مش بيحبك
ربنا يديم المحبه عليكى ويحببك اكتر واكتر فى الناس اللى بتحبيهم

مش عارف ليه كله بيختار الحب المزيف
مع انه الحقيقه المؤلمه احسن من الحقيقه اللى مضحوك علينا فيها
عموما اجابتك ليها وجهه نظر مختلفه
.
.
نورتينى كتير
:)

MaNoOoSh يقول...

دة ايه السؤال الصعب ده

طب انا مش هختار حاجة فيهم
لا عايزاه يكرهني ولا يمثل عليا

لو محبنيش يبعد ولو كرهني يبعد وكمان مش عاوزاه يمثل عليا

وكلام الحب التعبان ده انا مبقبلش اسمعه اصلا لانه فعلا فقد معناه

اللي بيحب بيحسن حياته وحياة اللي بيحبه.. لان الحب عمل مش كلام بس
(لكن منكرش يعني ان الست بتستني من زوجها طبعا يعبر عن مشاعره بالكلام بردو ويغازلها)

اقدم عاصمه فى الحب يقول...

MaNoOoSh
-********
شطوره يا منوشه رئيك جميل وإجابتك اجمل

بس فيه حاجه صغنطوته
انتى قولتى
(((( وكلام الحب التعبان ده انا مبقبلش اسمعه اصلا لانه فعلا فقد معناه ))))
وبعدين قولتى
(((( الست بتستني من زوجها طبعا يعبر عن مشاعره بالكلام))))
-------------------------------------------------------------------------------------------------------------------------------------------------------------------------------
هو تناقض مش واضح او انا مش واخد بالى بس على كلا

ممكن حماسه الكلام اللى تكون عملت كده
انا شديد السعاده من زيارتك الجميله دى
يا رب تتكر على طول
مودتى
:)نورتينى

عالم حبيب يقول...

الحب أصبح كلمة مزيفة بين الكثير .. من أنه من أرقى العلاقات الانسانية .. وهو كلمة من حرفين .. ولا تلتقي إلا بضم الشفتين ( حب ) لكن بكل أسف تحول في نظر الكثير إلى أنه العلاقة بين شاب وفتاة لا تربطهما أي علاقة

الحب الصادق هو عندما يكون وفق شرع الله .. الزوج يحب زوجته .. الأخ يحب أخوه .. الخ العلاقات الحلال

لكن الحب بعيد عن الشرع وبعيد عن رقابة الله سرعان ما ينقلب عداوة .. وراقبوا أي علاقة بين شاب وفتاة قد يبدوا ظاهرها الحب وستعرفوا النتيجة .. ستنقلب هذه العلاقة عداوة في القريب العاجل

تحياتي وأسعدك الباري

عالم حبيب يقول...

أخي الكريم يمكن ازالة الجملة التي لابد من ادخالها عن ترك تعليق للتسهيل على من يكتب تعليق

وهي طبعا لا تظهر لك لأنك صاحب المدونة .. جرب ادخل بحساب تاني واترك تعليق :)

اذا كانت مدونتك باللغة العربية اذهب الى

اعدادات >>تعليقات

ثم >>> إظهار التحقق من الكلمات للتعليقات؟ اختر لا

او انجليزي

settings

comments

Show word verification for comments?

واختر no

بالتوفيق

اقدم عاصمه فى الحب يقول...

عالم حبيب
-*******-

اخى العزيز اهلا بك فى مدونتى المتواضعه
أحترم رئيك بشده
لقد لخصت ما اقصده فى سطور
.
.
أشرقت الانوار يا غالى
.
.
نورتنى
:)

اقدم عاصمه فى الحب يقول...

عالم حبيب
-*******-
شكرا على العنوان ده
مايتوهش انا وصلتله بسهوله
انا ممكن استعير منك شويه افكار لو سمحت وسمح وقت حضرتك .... صح ...؟!
(:d

سيف يقول...

t2slm e2dk eabasha 3aezen algded

اقدم عاصمه فى الحب يقول...

سيف
-*-
تسلم يا غالى ربنا يخليك
.
.
نورت
:)

جارة القمر يقول...

انا جيت اطمن عليك واشوف جديدك لقيت اني مش معفاة من الاجابة

وانا اكرر اجابتي بأنني لوخيرت لن اختار


ولكني سأتركه وامشي


سلااااااااااااااااااااااااامووووووووووووووز باللووووووووووووووووووووووز


وحشنا جديدك

اقدم عاصمه فى الحب يقول...

جاره القمر
-********-
شكرا كتير على سؤالك
وربنا يديم الصداقه
.
.
زيارتك ليا وسام أتقل بكتير من أنى اضعه على صدرى .
أسعدنى تواجدك يا جاره
.
.
تمنياتى لك بالسلام والحب
:)

احساس طفلة محبة للرومانسية بس واقعية يقول...

حب مزيف
المعنى بتاعها كبير اوى
يعنى مش لازم حد يقول الجمل دى عن قصد وهو بيتصنع الحب
ممكن تكون بتلقائية وبيعتبرها كلمة طيبة مش هدفه يزيف او يعبر غلط عن مشاعرة

دى تعليقى على البوست
اما السؤال بقى فهو واضح
وبتهيألى ولا استنى لما يكون فى كره ولا اقبل الحب المزيف والبعد افضل الحلول او التعامل الوسط العادى
لان مش دائما اللى مش بيحب بيكره

شكرا ليك
تقبل مرورى

اقدم عاصمه فى الحب يقول...

أحساس طفله محبه للرومانسيه
-***********************-
.
نورتينى كتير يا طفله
ورئيك صائب بنسبه كبيره اوى
فعلا اللى بيحب ماينفعش يكره
لكن لما تحسى انه فعلا اللى قدامك بيصتنع الحب بتبقى حاجه بايخه اوى تبقى تتمنى انه يكرهك ولا انه يضحك عليكى بالكدب ويقولك كلام معسول
.
.
شكرا لزيارتك ويا رب تدوم على طول
مودتى :)

dina يقول...

لااااا كله الا الحب المزيف و انا معاك جدا فى كل كلمة و الله....انا كمان اتخنقت من الكلام اللى مش بيعدى على قلب اللى بيسمعه لانه مش طالع من قلب اللى قاله..كأن الكلام الحلو دا حاجة كدا تقضية واجب يعنى...طب و ايه اللى يجبرك يعنى تقول حاجة مش حاسسها
عجبىىىى
حلو البوست اوى و حلوة اوى فكرة السؤال اللى فى الاخر دا...بيعمل تفاعل فعلا

اقدم عاصمه فى الحب يقول...

dina
-**-
نورتينى يا قمر والله
انتى من حزب الأقليه اللى فهمنى
وفعلا مش اى كلام بيعدى على قلب اللى بيسمع
.
.
يا ريت على طول تنورينى كده يا dina
.
.
مودتى :)

ديالا يقول...

هو مش كان في بوست من شويه ولا انا بيتهيئلي

اقدم عاصمه فى الحب يقول...

ديالا
-***-
لا كان فيه فعلا
بس انا كنت بشرح لحد حاجه على اى موضوع كده
اسف خطأ من عندى يا ديالا
شكرا كتير على اهتمامك
.
ليا نصيب تنورينى فى الموضوع ده عادى بقه
اسف على الخطأ يا ديالا
:)

mira يقول...

اولا الموضوع حلو وكويس فكرته
وثانيا انا ماعنديش اجابه على السؤال لانى لا اقبل ان يكرهنى من احبه ولا يحبنى حب مزيف
بس احب اقولك حاجه يمكن الواحد يحب ناس كتير بجد بس كل واحد بشكل معين
يعنى ممكن تحب اتنين من اصحابك او اكتر وممكن تحب اتنين من جيرانك او اكتر ويمكن تحب اتنين من اقاربك او اكتر واكيد بتحب كل اسرتك شوف بقى لاقيت نفسك بتحب كام كتير طبعا الحب الحقيقى موجود فى قلب كل الناس
طبعا انا معاك ان فى حب مزيف وراه اهداف ومصالح ودة موجود كتير ويمكن يكون موجود فى قلوب الناس بجميع الفئات يعنى الاصحاب والجيران والاقارب
بس فى بقى حاجه مهمه بجد فى حاجه اسمها الاحساس
بمعنى الكلمه المزيفه لما حد يقولها اكيد هانحس بيها ان والكلمه الحقيقيه اللى من القلب بردو هانحس بيها
وتقدر تفرق بين اللى بيحب واللى بيزيف فى حبه من خلال مواقف وطريقه معاملته معاك
معلش
طولت عليك يارت تعذرنى
دمت بكل الخير
ميرا

اقدم عاصمه فى الحب يقول...

mira
-**-
نورتينى يا جميل
وإجابتك اولا انتى حره فيها بس لو كنتى فى موقف يتوجب عليكى الاختيار ايهما ارحم انا عارف ان الاتنين قاسيين اوى بس اكيد فى موقف اقسى من التنى
ومع ذلك اجابتك النافيه اجابه صحيحه
واحترمها
.
.
انتى مش طولتى عليا ولا حاجه المدونه مدونتك وتنورينى فى اى وقت وفى كل وقت
.
تقبلت زيارتك فهى شرف لى ان اتقبلها
نورتينى كتير يا جميل
::
:
.
:)

زى الهوا يقول...

سؤال صعب اوى والخيارين اصعب من بعض , بس بالنسبالى انا , فبعون الله مش هحب اللى اودامى بجد غير لما احس انه بيحبنى بجد , لو بيحبنى حب مزيف يبقى مع السلامة , ولو بيكرهنى برده يبقى ما يلزمنيش



طب اقولك على حاجة اصعب ؟

انه يكون بيحبنى جداااااااا ( هوه فاكر كدة ) بس الحقيقة انه بينسى بيا حد حبه قبلى :)

اقدم عاصمه فى الحب يقول...

زى الهوا
-*****-
اكيد الخيارين اصعب من بعض
وخيارك انتى من الخيارات الصعبه
.
.
الحب عامه ان تحب من يحبك
.
زيارتك نورتنى كتير
:::
::
:
.
:) مودتى

جــــوه القـــلـب يقول...

هو البوست تحفه بجد وعندك حق فيه بس مش كل الناس بيكونو مزيفين احنا بس البنصادف ناس بتخدع بس انا عن نفسى ولا احب حبيبى انه يكرهنى ولا انه يحبنى حب مزيف يكون الحب بينا طبيعى زى الحب البنسمع عنه ومش لاقينه وبالذات فى المسلسلات التركيه بجد حب مش طبيعى وبالاخلاص غريب ...
rock.... 

جارة القمر يقول...

جارة القمر كانت هنا

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

اقدم عاصمه فى الحب يقول...

جوه القلب
-*******-
زيارتك نورتنى كتير
اهلا بيكى
.
.
هو فعلا احساس قاسى
ولكن يبقى الحب كما هو عليه
.
.
مودتى

اقدم عاصمه فى الحب يقول...

جاره القمر
-********-


:)يا رب دايما منورانى انا مش عارف اودى وشى فيين منك اصل انا مش عارف ادخل بلوجر زى الاول
معلش بقه اصل انا فى المصيف
.
نورتينى يا قمر
.
:)

اقدم عاصمه فى الحب يقول...

ريمان ونوسه فى هكونا مطاطا
-**********************-
نورتونى يا قمامير
انا جاى اهو
ثم كفايه ان انتوا هناك يبقى اكيد هننسى الدنيا واللى فيها بيكوا
انا جاااااااااااااااااااااى
:)

Pink Dreams يقول...

طبعا البوست تحفه

وفعلا الكلام اللى قلت عليه دا انتشر قوى

اما بقى بخصوص السؤال


ايهم أرحم عندك ... ان يكرهك من تحبه ... أم ان يحبك حب مزيف ....؟!

بصراحه مش عارفه الاتنين اصعب من بعض

بس اكيد هختار الاول لانى على الاقل

هبقى عارفه ان دا مش بيحبنى لكن ان

واحد يمثل عليك الحب دى تبقى حاجه

صعبه قوى ومقدرش استحملها


تحياتى

اقدم عاصمه فى الحب يقول...

pink dreams
-*********-
الاول نروتينى وثانيا انا كنت متوقع اجابتك دى من كل المدونين حبايبى
ولكن اللى قدر يفهم كلامى اوى انتى
شكرا كتير اوى لزيارتك
بجد اسعدتنى
.
.
مودتى :)