السبت، 4 يوليو 2009

جرب كده...!









مره جربت حاجه جميله اوى ونجحت معايا




كنت فى يوم حاسس بحاجه احنا بنسميها ( مخنوق اوى )


مخنوق دى يعنى فى الوقت اللى انا فيه بكون مش بعمل حاجه خالص ومش بكلم حد ومش شايف ناس قدامى وانا بس اللى موجود ومش فى اى حاجه اتسلى بيها ولا فى اصلا حاجه فى عقلى بفكر فيها انى انوى اعملها او بفتكر حاجه لالالا بكون متوقف عن التفكير وعن كل حاجه


قاعد بس فى البيت انام هنا واقوم من هنا اقعد هنا وامشى شويه وانام شويه كده يعنى.




فى يوم بقه الحاله دى كنت عايشها وفكرت اعمل حاجه جميله اوى


اولا بمجرد ان الفكره دخلت دماغى انا حسيت براحه كبيره اوى


وبدأت انفذها






((اللهم اغفر لى ذنبى - ووسع لى فى دارى - وبارك لى فى رزقى))


(( بسم الله - اللهم اجعلنا من التوابيين المتطهريين ))






وبدأت فى الوضوء وبعد ان فرغت منه


فرشت المصليه


وصليت لله


واثناء سجودى


دعيت ربنا باللى انا كنت عاوزه


دعيت ربنا وقلت (( دبرنى يا رب انا مش عارف اعمل لنفسى اى حاجه مش عارف ارتب نفسى يا رب نظملى حياتى وابعد عنى الشيطان - اللهم لا يأتى بالحسنات الا انت ولا يذهب بالسيئات الا انت , ولا حول ولا قوله الا بالله العلى العظيم , اللهم ألطف بنا فيما جرت به المقادير , اللهم ادفع عنا إنك على كل شىء قدير )) .




وتخيلوا بقه معايا اللى انا كنت فيه:-* الدنيا فعلا والله كانت ضيقه اوى عليا مش عارف مالى او ليه انا مخنوق على الاخر


وفجأه


كوووووووووول شىء انتهى


بمجرد ما خلصت التجربه دى حاسس انى غيرت جلد وغيرت رئتين وغيرت قلب وغيرت كل حاجه جسمى بقه فى حاله راحه طبيعيه تامه


الدنيا نورت والله او انا شفتها منوره اوى وجرس الباب رن وفتحت الباب لقيت اعز انسان صاحبته فى حياتى وحاكيتله الموضوع وفرحلى جدا ودعالى ان ربنا يدمها عليا نعمه ويا رب يدمها عليا نعمه




بجد الصلاه اهم شىء واحلى شىء واكتر شىء له لغز كبير فى حياتنا ( سبحان الله )




اول لما تصحى من النوم بمجرد انك تفتح عينك اتوضى وصلى لله ساعتها ربنا هيوضع غناك فى قلبك اما لو ما عملتش كده وفكرت فى الشؤن الدنياويه والشغل والاولاد والمدام والحجات دى ربنا بيوضع لك فقرك امام عينيك


الصلاه اولا فى كل شىء


يا رب المسلمين اللى عايشين فى الدنيا كلهم يصلوا قولوا امين


نفسى كده ماحدش يسألنى ويقولى


انت اسمك ايه اقوله احمد يقولى انت بتصلى ...؟!


عاوزين لما نعرف ان ده اسمه احمد يبقى ده مسلم يبقى ده بيصلى يبقى ده حبيب النبى يبقى ده الرسول هيشفعله يبقى ده هيدخل الجنه يبقى ده فعلا انسان موجود بشرف وفخر


يبقى مش هيبقى فى حد مسلم يتقال عليه انسان فاسد


هتبقى بتخاف اوى من ربنا


فبالتالى مش هتخاف من حد تانى فى الدنيا خلقه ربنا


هتصلى يعنى هتقرأ قران كتير يعنى بتتكلم كلام ربنا اللى بلغه لسيدنا محمد يعنى كلام صحيح وكلام جميل جدا


فبالتالى مش هتقدر تلفظ لفظ او تتكلم فى حوار مش جميل او حوار مش جدى


يعنى هتبقى راجل اوى مش بتقول حاجه غلط مش بتخاف من اى حد الا ربك


بتعامل الناس كويس جدا لانك مرتاح نفسيا فبالتالى هتلاقيهم بيعاملوك كويس جدا


ولو كان اول همك فى الدنيا انه ربنا يبقى راضى عنك عمر ما هتلاقى حاجه فى الدنيا بتشغل دماغك او بتجعلك مهموم لانه انت جعلت اكبر همومك عند رب العالمين فاكيد مش هتبقى فى هموم اكبر من كده


ياااا انا لو فضلت اتكلم لحد لما اخلص مساحه المدونه كلها مش هخلص (( هو المدونه ليها مساحه ماشى ماشى ))






وعلى فكره يا جماعه ربنا غفور رحيم


((ده اللى خلق النار الرحمن الرحيم ))


هناك 4 تعليقات:

فكرة من الزمن ده يقول...

اول تعليق؟؟؟
اول زيارة ليا اسفة على التاخير في رد الزيارة بسبب ظروف
جميلة المدونة والبوست اجمل ويارب يحقق للجميع ما يتمنى
تحياتي واسعدني التواصل واتمنى دوامه

اقدم عاصمه فى الحب يقول...

شرف ليا انك تكونى اول تعليق
شكرا على الزياره الجميله دى
ومش متأخره ولا حاجه عادى وربنا يعينك على ظروفك

المدونه جمالها بيكمل بالناس المتواصليين فقد ذادت جمال بك يا صديقتى

نورت يا جميل

أنــا يقول...

عارف..
انا لما عشت احساس انك خاشع اوي في الصلاة .. بجد احلى وامتع لحظات عشتها في حياتي..
مش قادره اقولك احساس الرضا دا بيبقى ازاي.. والسعاده دي طعمها ايه ..
بجد مفيش كلام يوصف الوقت دا.. كل اللي بتمناه اني زي ما عشتها مرة واتنين قبل كدا اعيشها تاني.. وان اليوم اللي ربنا يختارني فيه يختارني وانا في لحظة خشوع من دي..

شكرا اوي ع الموضوع الجميل دا

تحياتي ليك بجد

اقدم عاصمه فى الحب يقول...

أجمل الاحساس يا ( انا )
علشان ده منتهى الاحساس
انتى عارفه يعنى ايه انتى واقفه بين ايد ربنا سبحانه وتعاله
يعنى ايه انتى بتشكى لربنا همومك وعاوزاه يدبرك علشان انتى عبد ضعيف مش بإيده اى شىء غير انه يبكى ويشكى لربنا
سعتها بقه مش هيبقى فى احاسيس اصلا بأى شىء ولا مخنوق ولا مضايق ولا مجروح ولا قلقان ولا اى شىء لانه هيبقى احساسك وقتها اكبر همك هيبقى احساسك يا ترى ربنا فعلا راضى عنك ولا انا مقصر فى حق ربنا
لو اتفتحت مش هخلص
نورتينى بجد يا (( انا ))
المدونه بتاعتى نورت اكتر بجودك

يا رب تكونى بخير يا جميل