الأحد، 15 نوفمبر، 2009

أغرب شىء على الأطلاق



اغرب حاجه فى الدنيا الحب


ولا اجمل حاجه فى الدنيا الحب

.

تقريبا هو اجمل حاجه فى الدنيا لان اى شىء بنحتاجله وبنحتاج اننا نحسه اوى اكيد بيبقى شىء جميل اوى


ومع ذلك هو اغرب شىء فى الدنيا لان اى شىء جميل العيون بتتعود عليه مش بيبقى له لذه الانبهار قد الشىء الغريب ووقتها الشىء الغريب بيبقى أجمل
.
.

هو : بحبك اوى
هى : وانا كمان يا اكتر اخ حنين فى الدنيا

هو : بحبك يا اختى ويا حبيبتى ويا أمى ويا كل حاجه حلوه فى حياتى

هى : بإستغراب شديد ... ربنا يخليك

هو : معقوله مش فاهمه

طبعا هى بتحاول تستغبى عليه علشان ماينفعش تدخل فى علاقتين مع بعض وكمان هى مش متأكده انها بتحبه بدرجه اكتر من اللى هى بتحبها لحبيبها اللى اختارته

هى : لا مش فاهمه ... ممكن توضع اكتر...؟

هو : مش لاقى حاجه اقولها اكتر من انى مش عاوز ابعد عنك ابدا وأفضل دايما اسعدك وانتى جمبى وعاوزك ليا يا احلى شىء فيا ... بقلك بحبك ... بحبك اكتر من نفسى

هى : انت فاجئتنى بالكلام ده .. انا مش مستوعبه الكلام .. معقوله انت بتحبنى الحب ده

هو : واكتر من اللى انتى متخيلاه كمان .. انتى ما تتصوريش انا قد ايه بثور لما بتكلمينى عن خطيبك .. ببقى عاوز ادخل جواه ونبقى انا وهو واحد علشان احسك وأحضنك اوى وأعرفك اد ايه انا بحبك

هى : اللى انت بتقوله ده ما ينفعش خالص انا عمرى ما حسيت بأى حاجه نحيتك اكتر من انك صديق مميز .. وعمرى ما تخيلت ابدا انك تقولى حاجه زى كده .. انت ايه اللى خلاك تقول كده

هو : اللى خلانى اقول كده انى خلاص مسافر بلدى ومش هينفع اسافر من غير ما تعرفى اللى جوايا .. انا فكرت مليون مره قبل ما اصارحك ولقيت انى لازم اصارحك باللى جوايا لانى خلاص مش قادر اخبى اكتر من كده .. وانتى لازم تفهمى انى خلاص مش قادر اسكت ولا ابطل حبك

هى : سكووووووووت تام

هو : انتى ساكته ليه.. مستغربه انى بحبك وعاوزك ليا

هى : انا مش عارفه اقولك ايه ولا عارفه اعمل ايه .. بص طيب انا هكلمك وقت تانى

هو : ألو ألو

..
... انتهت المكالمه وبسرعه فتحت تليفونها وخرجت الشريحه منه وكسرتها .. وقررت انها تهجره للأبد بالطريقه الوحيده اللى كان بيوصل بيها ليها وبكده هى هجرته احسن ما تستمر معاه فى سبيل رضاه وفى الاخر بارضه هتهجره ووقتها الجرح هيكون جرح صعب اوى ..
.
مين اللى له ذنب فى اللى حصل ...؟
هى مالهاش ذنب فى حاجه علشان هى مش قالتله حبنى للدرجه دى او حبنى من أصله لانها فعلا بتحب وكمان هى شايفه مع ان اللى عملته جارح بس هيكون احسن الوحش وعلشان كده نفذت القرار بسرعه
وهو مالهوش ذنب علشان قلبه مش مستنى يقوله حب مين وما تحبش مين
طيب مين اللى له ذنب فى اللى حصل ..؟
.
.

فعلا اغرب شىء فى الدنيا الحب
.

طلعتلى فجأه
قلبى الخلي فجأه
صوته علي فجأه
والكون حلي فجأه
وانا نفسى متفاجأه
يا نجوم السما اللولى
ردى بقه وقولى
عيونه حنولى
وبالكلام وصفولى
أنـُه خلاص رق
وقلبه ليا دق
وقلبى كان هيصدق
لولا المفاجأه
اللحظه كانت سارقه
وكان فاضل خلاص دقه
ولحقت وقولتله لأ
انا قلبى مش ملكى
ولا كلامى ده ملكى
ولا انت تنفع ملكى
لازم ما أجرحكش
ولازم ما اعرفكش
وانت ما تزعلش
انا ما استحملتش المفاجأه
وقررت انى أجرح
قبل ما اخليه يفرح
وأرجع اقوله أسرح
وتبقى له اكبر مفاجأه

هناك 22 تعليقًا:

ريمان يقول...

مش عارفه مين ليه ذنب فى اللى حصل ده


بس هو مكنش المفروض يقرب منها او يفكر فيها ويحبها لانها ملك حد تانى

هى مش ملكه


بس المشكله ان الحب بييجى فجاه كده

لاسع افندى يقول...

مافيش احلى من الحب
حاجه تقطع القلب


امضاء/ تيمون ومومبا


تحيه لاسعه

جارة القمر يقول...

انا جيييييييييييييييت

خليهم يوسعولي

جارة القمر يقول...

الحب عالم جميل

لوحة بيضاء ننسج بها خيوط الألم لولا لالم ماكان الحب ولا كنا

هو لم يعرف ان حبها تعاسة له هي لم تدرك ابدا ان باقترابها منه ستضع الجحيم بين عينيه

ولكل منهما وجع يحيط بعالمهم

رائعة كلماتك

كن دوما بخير

سلمى يقول...

السلام عليكم
هى اخدت قرار صح رغم انه حيجرحه بس هو مكنش فى حل غير كده
كمان خاطرتك جميله اوى
تحياتى

اقدم عاصمه فى الحب يقول...

ريمان
-**-
نورتينى كتير
وفعلا زى ما انتى بتقولى كده
الحب مش بيجى فجأه كده
لازم تناسق وتفاهم وشروط كمان
يا رب تفضلى منورانى دايما كده
تشرفت بالزياره كتير :)

اقدم عاصمه فى الحب يقول...

لاسع افندى
-*******-
ابسط تعليق اول لما شفت تعليقك هو :-
هههههههههههههههههههههههههههههههههه
فعلا حاجه تقطع القلب والكبد كمان

اقدم عاصمه فى الحب يقول...

لاسع افندى
-*******-
تحيه ألسع من تحيتك :)

اقدم عاصمه فى الحب يقول...

وتحياتى لتيمون وبمومبه

اقدم عاصمه فى الحب يقول...

جاره القمر
-********-
وسع للقمر يا رايق
وصلتى اهلا وحضرتى سهلا
يا مرحب يا مرحب بجاره القمر ذات نفسها
.
.
تلخيص جميل اوى وسلس ورائع الاحساس بيه
تعليقك مفيد اوى
شكرا لمرورك يا علياء يا رب تفضلى منورانى دايما كده :)

اقدم عاصمه فى الحب يقول...

سلمى
-**-
وعليكم السلام ورحمه الله وبركاته
اهلا بيكى فى مدونتى المتواضعه
فعلا انتى كده معايا فى انها اخدت القرار الصح وفى الوقت الصح كمان
نورتينى يا قمر
تشرفت كتير بزيارتك :)

ذات ... يقول...

الله ...اش القصه القصه الحزينه ..):

نهايه متوقعه لاي علاقة حب ما تكون من طرفين متبادله ..
يعني حب من طرف واحد مؤلم ...
كان الله بلعون ...

لقلبك ورده ...(:

اقدم عاصمه فى الحب يقول...

ذات
-*-
صدقتى اختى فإن الحب الذى ينشىء فى ظروف كهذه ويكون من طرف واحد لابد ان يكون فاشل
نورتينى كتير بزيارتك
تقبلى ودى :)

ঔღঔ نـــوارة ঔღঔ يقول...

الصداقة لما تتحول لحب بيكون حب ناحج لانهم ماخدين على بعض وبيعرفوا بعض كويس

لكن الي بيحصل انه احد الطرفين بيكون بيحب الطرف الاخر وخايف يصارحه ليخسر صداقته للابد فبيوهم نفسه انه كفاية عليه يكون بقربه ويكنم حبه (ودا غلط طبعا ) لكن لما يشوفه ارتبط بغيره بيجن جنونه وبيروح يصارحه فالطبيعي انه يخسره حتى لو كان الحب متبادل

برايي الحب جميل وسهل بس احنا الي مش بنعرف نتصرف ولما يضيع الحب نقعد نبكي عليه

لو كان لمحلها بحبه قبل ما ترتبط كان يمكن حبته لانه صديق مميز ومقرب

الذنب مش ذنب حد دا قدرهم وهي عملت الصح

سوري عالاطالة بس البوست خطيررررررر

بجد هايل

وتسلم ايدك عالخاطرة الجميلة :)

ريتاج يقول...

فعلآ شىء غريب

الحب مش بالطريقه دى

بس عجبتنى كتير مدونتك
واحساسك الراقى اخى

تسلم ايديك

الاميرة
ريتاج

اقدم عاصمه فى الحب يقول...

نواره
-***-

فعلا صدقتى فى كل كلمه انتى قولتيها ولكن اللى حصل ما كنش المفروض انه يحصل
ولكن فعلا فعلا هو اغرب شىء فى الدنيا
والخاطره على فكره لسه من هوياتى الناميه وانشاء الله تطور
لكى تحياتى وودى واحترامى :)

اقدم عاصمه فى الحب يقول...

ريتاج
-***-
اهلا بيكى فى مدونتى المتواضعه
وشكرا على الكلام الجميل اللى قولتيه فى وصف المدونه
تشرفت كتير بزيارتك ويا رب تتكرر فى الخير دايما :)

أميرة علي كوكب مهجور يقول...

ححايه ان الحب مش بأيدينا بحسها مش اكيده اوي يعني مثلا كل واحد فينا عنده حالات مينفعش يحب فيها
يعني انا مثلا مينفعش احب واحد اصغر مني او واحد اد بابا او واحد متجوز او خاطب
يعني هو الغلطان دخل نفسه تجربه فاشله من الاول :(


نورت مدونتي وميرسي ع زيارتك ليا

اقدم عاصمه فى الحب يقول...

أميره على كوكب مهجور
-*****************-
معاكى فعلا فكل الكلام ده
الاختيار له نسبه كبيره اى من نجاح اى علاقه
.
.
نورتينى كتير شكرا على زيارتك ليا المشرفه
تقبلى ودى :)

طوبه فضه وطوبه دهب يقول...

الاتنين عندهم غلط هى لانها ادت لنفسها فرصه تفتح قلبها لحد غير حبيبها وخطيبها وهو لانه سمح لنفسه يفكر فيها ويحبها وهو عارف كويس انها مش ليه وانها تخص حد تانى وفى الاخر الاتنين لازم يتوجعوا لانهم غلطوا دا راى والله اعلم

الأحــــــ إيناس ــــــزان يقول...

قصة حزينه قوووووووووووى

يارب يبعد الاحزان عنك صديقى

كون بخير
طمنى عليك

محطة مصر يقول...

www.3bda.blogspot.com