. ليه دلوقتى لما بشوفك..؟!
بشعر انك عنى بعيد
ليه حسيت وانا بلمس ايدك..؟
انى بإيدى لمست جليد..
كانت الفرحه فى عينك لمعه..
بتنورلى مليون شمعه..
ليه دلوقتى حتى الدمعه..!
زى الفرحه رافضه عنيك...
ليه احساسك تايهه فيك..؟
ليه الغربه يوم ورا يوم..
جواك بتذيد...؟
ليه حسيت وانا بلمس ايدك..؟
انى بإيدى لمست جليد...!
ليه....؟!
.
.
.
عندما ينزف قلم خالو
هناك 14 تعليقًا:
الله على قلم خالك
تحياتى لخالك العزيز وقلمه المبدع
لاسع افندى
-********-
شكرا كتير استاذى على زوقك
وانا بالنيابه عنه ممتن كتير والله
دايما منورنى كده وانا مش بعرف ازورك
بس انا معاه عزر لما تفتح نت نتكلم فيه :)
قلم متميز فى مدونه متميزه
شابوه
جميل
السلام عليكم
كل عام وأنت الى الله أقرب
تدوينه رائعه
هو دا حال الحب لما بيتغير بنحس بشعور غريب اووى
وخاصة واذاكان الشخص اللى بعدنا عنا معتش لي مكان جوانا بنحس ببرود رهيب من ناحيته
تحياتى لخالك
ولكلماته الاروع دمت بكل خير
وأسفه على التأخير
إيناس
السلام عليكم
ياااااااااااه قد ايه كلام خالك ده رائع ومعبر فعلا
مليان احاسيس لان فعلا لما الحبيب بيتغير على حبيبه بيبقى واضح ده قوى حتى لو التانى بيحاول انه يخبى التغيير ده بس الي بيحب بيحس قوى بحبيبه
ربنا يارب يفرجها على الكل ونبعد عن مود الشجن ده
تحياتى ليك
ولكلامك الرائع دائما
الأشعار جميلة قوي
تسلم ايدين اللى كتبها واللى نشرهالنا
سلمى
-**-
شكرا لزوقك يا قمر
ربنا يخليكى :)
sharm
-****-
انت اللى اجمل
ايناس الاحزان
-**********-
عليكم السلام ورحمه الله وبركاته
.
.
تحليلك جميل اوى يا انوسه
وشكرا كتير على زوقك وكلامك الجميل فى حقى وحق خالو
.
بس انتى ليه تخليتى عن
اسم الاحــ إيناس ــزان
كنت اتعدت عليه كده
عموما
نورتينى كتيييييييييييير
ورده اد كــــــده :]
عمووووووووو
يوووووووووه قصدي صديقي
يارب تكون بخير
هما ليه ياصديقي فقدوا حتى الاحساس بالفرحة
ليه خلو النكد ملازم لخطاويهم
هو راح فين احساسنا ببعض
ثانكيو وميغسي على سؤالك عني ياقمر الدنيا كلها
وبس خلاص كفاية عليك كدة
:)
gaya bs asalem
جاره القمر
-********-
عمتى....
يووووووه اقصد صديقتى
انا بخير الحمد لله شكرا على سؤالك
يارب انتى اللى تكونى بخير
احسن اخر بوست ليكى مخلينى قلقان اوى
دايما منورانى يا علياء ودايما سعيده وجميله يا رب
.
.
فخور بكِ صديقتى :)
الحياة ماشية ..
إرسال تعليق