بسببك حزين..؟!
أيوه انا بسببك حزين
وعلشانك دموعى كتييير..؟!
أيوه عشانك دموعى كتير
فأسمعينى...
***
حبيتك بضمير
واختارتك مصير
وأخدت قلبى
ومن غير تفكير
قولتله يحبك
ويكون أسير
قلب عايشلى
علشان يخون
حب دبرلى
ازاى اكون
خايب حنون
مغفل مجنون
عايش فى وهم
انه فى يوم
هيفضل حبيبك
وازاى اكون
شايل حمول
من غير ما افكر
انك فى يوم
بيا هتغدر
ووائق كمان
انى راح اصبر
على اللى كان
فى يوم ما فكر
يوهبنى الحنان
وعليا يقدر
حبيبى يا خاين
يا قلب باين
جواه الخيانه
وشايل إهانه
لقلب فكر
انه فى يوم
بيك راح يوصل
لبر الامان
وكانت نهايتى
لقتنى وفجأه
بسببك حزين
ايوه بسببك بقيت حزين
.
.
انا
فى محاوله إفشاء حاله :(
هناك 9 تعليقات:
السلام عليكم
قد ايه كلامك رائع ومؤثر جدا
بس يارب مايكونش المعنى الي فيه حقيقي
تحياتى لك
وجعنى اوى كلامك ووجعتنى اكتر الصوره معلش مش كل واحد بيحب بجد بيلاقى اللى يقدر ومش كل قلب مخلص بيلاقى اللى يخلص له ربنا يكرمك ويعوضك باللى تقدر وتقدر تحب وتخلص
كلام مؤثر
ومحدش ممرش بيه في يوم
علشان كده تحس انه بيوجع
على اى حال ربنا يبعد عنك الوجع
وان شاء الله اللى جاي يفرح
اميره الاحزان
-*********-
وعليكم السلام ورحمه الله وبركاته
هو المعنى اى نعم حقيقى بس مر عليه وقت مش كتير بس الحمد لله خرجت بسرعه من الحاله
تحياتى ليكى ولزيارتك المشرفه
نورتينى كتييييير :)
طوبه فضه وطوبه دهب
-****************-
اسف على الوجع اللى اتسببت فيه بس هى كانت مجرد شخبطه لازم تطلع وزى ما قولت لإفشاء حاله
شكرا للامنيات اللى اتمنيتهالى
ويا رب انتى كمان تكونى سعيده واكتر جمال ورقه السنه دى بإذن الله
ودى واحترامى :)
MaNoOoSh
-******-
فعلا هو الكلام مؤثر مع انه منحكش ولكن علشان طالع من القلب اتحس كويس
.
شكرك على دعواتك ويارب الخير لينا السنه الجاى يكون اكتر واحنا فى سعاده وسلام دائم كلنا على ارض بلوجر
تحياتى :)
عام جديد يارب يكون كله سعادة
وربنا يكرمك ويسعدك دايما وبجد مش عارف اقولك ايه على كلماتك الى قولتها فى المدونة ربنا يكرمك ويسعدك دايماااااااااا
mohamed ghalia
-************-
انشاء الله سنه جميله وسعيده على الناس كلها
.
واللى انا قولته عندك ما هو الا رأى أحاول به ان اظهر مدى إعجابى بما نشرته
نورت يا كبير :)
إرسال تعليق