الجمعة، 21 مايو 2010

عندما شاء القدر ...


كيوم أنتظرتك هناك ..
فى أول موعد لنا ..
انتظرتك .. وأنتظرت ..
حتى فاض الصبر بي ..
فلمحتك هناك ..
تحركي رأسك باحثة عنى ..
وتأتى بكِ أقدامك فى إتجاهى ..
وقتها فقدت كلمات العتاب على تأخيرك..
ونسيت انى أنتظر منذ وقت ليس بقليل ..
فنظره منكِ رسمت على وجهى السرور
ورحلت الدموع بعدما كانت لأهدابى تزور
وبعدها حاولتِ إقحامى فى مدينه الشك خاصتك
ولكن بعد أول كلمه لفظتها انا
توقفت كلماتك عن السرد والتعبير
ووقتها
أخبرتك بأشياء
أذا نجحتِ فى فهمها فسأهديكِ أياى
فـــ ..
الحب عندى صمت
والحنان عندى نظره
والامان عندى سكن
والحضن عندى جناح
والصبر عندى بحر
وعندما تتعلمين هذا
سأبشرك بإتمامك دراستى كامله
ففى كل مرور لكِ بمدينه بعاصمتى
ستتعلمين درس عني
وطلبت منكِ ..
حاولى ان تعشقي ..
رجلاً كتب لكِ شهاده نجاحك ..
فى محاوله إقتحام روحك بداخله ..
.......

فعندما شاء القدر
شعرت بأن عصفور جميل ..
جاء ليبنى عشاً على أغصانى الخضراء
فأصبحنا حبيبين ..
نضع في قلب كلا منا أسراره ..
ونضع في أعيننا أحلامنا سويا..
ونتشارك هموم الدنيا ..
و نتقاسم الابتسامات ..
نحب حنينا لبعضنا ..
و أعشق انا انوثتك ..
وتعشقين انتى رجولتى ..
و في جلسة الأصدقاء ..
اقترب منكِ..
وتميلى انتى علي ..
أهمس في أذنيكِ ..
أتقبلين بي زوجاً ؟؟
فتبتسمين ..
فأعيد صياغه سؤالى ..
ولكن فى صمت ..
فتترجمين صمتى ..
دون أن أسأل
وأفهمك دون أن تجاوبينى ..
فقط ..
أشعر ببريق القوه الضعيف ..
المتخفى بصوتك الحزين ..
الذى يتسللنى دون ان يستأذن ..
فأنتى أنثى جمعت فى مجالها..
من كل المتناقضات أزواج ..
خوفك يطمئن قلبى ..
وأشعر بأنى لست وحيداً
أراكِ بقوه الجبل ..
تشدى من أزرى ..
وبعدها تجلسين فى ركن بعيدا عنى
وتبكي من جرح صغير فى اصغر أصابعك
تحبينى ولا تنطقيها ..
تريدى رؤيتى ولا تطلبيها
وتحاوين فى وجودى إخفاء مشاعرك عنى
فأكتشفها انا دون قصد منى
فيظهر على وجهك البشوش الخجل
فتذهب أصابعى للمس أصابعك
فتسكن فى الفراغات الكائنه بينهم
وأطمئنك ..
واحاورك قائلا ..
سيشاء القدر ان لن نفترق أبدا
فأطمئنى ..
فأنا أحبك

هناك 45 تعليقًا:

♥♥ شذا ♥ الروح ♥♥ يقول...

احم احم

سلامو عليكو

ممكن ادخل بس بشرط من غير ضرب عارفه انى ندله حبيبى

عاااااااااااا

ارجوك سامحنى
ايون سامحنى
ربنا يخليك عارفه ان قلبك طيب وهتسامحنى
هههههههههههه

وحشتنى يا غالى اوووووووووووووووووووى

♥♥ شذا ♥ الروح ♥♥ يقول...

لولولولولولولولولولولولوى


وكمااااااااااااااااان اول تعليق

ايه الفرح والهنا ده كله اشهد يا زمن اشهد يا بلوجرنا الغالى قصة الصداقه
وكمان اول تحليق يا جودعااااااااااااااااان

♥♥ شذا ♥ الروح ♥♥ يقول...

حب مين يا واحمد مين خليك ذكى وافهم ده تمويه ياض ركز معايا
انا لو بحب حد اسمه احمد يبقا انت اخوايا حبيبى الغالى
بس اياك تتغر فاهم ياض
ايون كده اتعدل
اختك حرمت خلاص من اخر مره ربنا ماعاد يعودها ادعيلى بس من قلبك الطيب يا احمد يا طيب


يوووووووووووووووه
نبطل رغى ونقرء ونرجع

اقدم عاصمه فى الحب يقول...

شذا الروح
-*******-
يا نهار شلاليت وبوكسات للصبح
والنبى ينفع كده ..؟
التمس لأخيك بضع وسبعين عذراً
وألتمست
والاقيكِ عند كل الناس وانا لا
ماشى ماشى
لما اكلمك بس

اقدم عاصمه فى الحب يقول...

عاوزانى ادعيلك

ربنا ياخدك يا رب
ويجيبك ليا
.
أى خدعه
وش بيطلع لسانه
هع هع هع هع هع :)

♥♥ شذا ♥ الروح ♥♥ يقول...

سيشاء القدر ان لن نفترق أبدافأطمئنى ..فأنا أحبك
********************

تعرف بجد يا احمد حاسها بصدق قلبك ومشاعرك لمن تحب

ربنا يسعدكم يارب
ان شاء الله القدر هيكون فى صالحكم مافيش شىء بعيد عن ربنا يا احمد صدقنى
بتمنالك حياة سعيده من قلب اتجرح واتظلم والله سبب عدم متابعتى والله نفسيتى بتكون تعبانه حتى التليفونات مقفوله
ببعد عن كل الناس
اكيد هكون كويسه مش تقلق
وفى اقرب فرصه هكلمك

وابقى طمنى عليك عندى فى البلوج

يا واحشنى بالقوى يا احمد

امووووووووووووووووووووووووووواه

♥♥ شذا ♥ الروح ♥♥ يقول...

ماهو لو هياخدنى عشانك انا موافقه وهتبقا فرصه

واجمل عريس هو انا طايله يا ابنى واحد مجرم ووحش زيك

هو ده فتى احلامى اللى بتمناه

هع هع هع
امشى ياض روح للمزه بتاعتك
هههههههههههه

اقدم عاصمه فى الحب يقول...

ماشى يا ستى
أخدتينى فى دوكه انتى كده
بس انتى عارفه نسيت انى ما كلمتكيش من زمان
طيبه ولا هبل بقه ما تفهميش
عموما فى إنتظار رناتك

اقدم عاصمه فى الحب يقول...

ههههههههههههه
وانتى تطولى صحيح
.
ملاك زيك يتجوز بشرى زى
ده منتهى الاحلام
أحلمى على قدك يااااا ...

♥♥ شذا ♥ الروح ♥♥ يقول...

والله اول ما اشغل الفون هكلمك على طول وانا ليا غيرك يا بنى انتى اخوايا

بس مش عارفه عندى مشكله الياهو مش راضى يفتح ولا ميل خالص
مش عارفه فى ايه من اسبوع وانا مش عارفه افتح خالص
خايفه يكون حد سرقهم
تبقا خيبه عاااااااااااا

♥♥ شذا ♥ الروح ♥♥ يقول...

امشى ياض روح العب مع عيال من سنك
قال اتجوزك قال

احمد ربنا انى بكلمك اصلا

اقدم عاصمه فى الحب يقول...

ربنا يستر يا قمر
مستنيكِ بارضه تكلمينى

♥♥ شذا ♥ الروح ♥♥ يقول...

فوتك بعافيه بقا
عندى زيارات فى عمونا بلوجر
اروح اردها
مش ناقصه جمايل يا اخوايا

سلامو عليكو

اقدم عاصمه فى الحب يقول...

ماشى ماشى يا عم التقيل
عيشِ وسبينى أعيش
وحاضر هحمد ربنا ان انتى بتكلمينى أصلا

الحمد لله

mohamed ghalia يقول...

أخبارك ايه ياصاحبى
انا جاى بس اسلم هرجع اقرأ تانى

اقدم عاصمه فى الحب يقول...

mohamed ghalia
-************-

حبيب قلبى ربنا يخليك انا بخير طول ما انت بخير
فينك يا عم من زمان
منورنى والله
.
براحتك يا كبير المدونه مدونتك
عيش :)

ليله شتاء يقول...

لسلام عليكم
الله كلامك رائع رائع رائع

ربنا يديم عليك السعادة والحب

جارة القمر يقول...

للحب مذاق مختلف هنا


اتمنى لك كل الخير ياصديقي



رائعة زدافئة كلماتك

غير معرف يقول...

الله بجد كلمات جميله اوى
عجبتنى جدا
جميله وى (خوفك يطمئن قلبى)
دومت مبدع

محمد التركى يقول...

صحبى وحبيبى الغالى
أنا عارف أنك زعلان منى بس والله العظيم فى مشاكل كتير كل مااخرج من واحده أدبس فى التانيه على طووول
مرزق والدنيا مظبطه امى

المهم والأهم من أى مهم أنك وحشنى جداااااااااااااااااااااااااااااااااااااااااااااااااااااااااااااااااااا
أيه ياعم الكلام الجامد ده أنا عافك صايع مشاعر وأحاسيس
وأحرف واحد يعبر عنها فى كلامات

والله وحشنى التدوين بس نعمل ايه حكم القوى على الضعيف ( القوى اللى هو الشغل ياعنى) علشان متفهمش غلط
هههههههههههههههههههه

واللنبى ياابو حميد أبقى خش شقر على المدونه بتاعتى فتح الببان والشبابيك كده هويه لحسن تعفن من الركنه لحد لما اجلها بالسلامه
موصكش ياصحبى الغالى

تسلم ليا
لا اله الا الله

ساسو يقول...

الحب في تصويرك له معني تاني اجمل من كل المعاني
بجد انا قريت كلام يريح البال ويخلي القلب دقاته تبان
هايل ياصديقي

مستنياك تنور مدونتي المتواضعه جدا

ahad يقول...

صباح الخير
احلى حاجه في الدنيا الواحد يصحى من النوم مكشر ويفتح على مدونتك ويقرأ هالكلام الحلو
على فكره يبان اذا انت عايش جو الحب ده والا لا
بحس انك كاتب الكلام من اعماق اعماق قلبك
ربنا يخليها لك ان شاء الله وتقبل بك زوج اجلا غير عاجل
الحب عندى صمت >>>لا يااحمد ماتفقناش على كده
المشاعر الصامته تقتل على فكره
أشفق على اللذين تتاح لهم فرصة البوح بمشاعرهم ويصمتون..
لاتصمت,,قد تصيب يومآ بسهام كلماتك القلب الهدف
وعلى فكره أحنا دايما بنقول عندما يشاء الله لأن القدر لا يشاء ولايدبر ولا يحتج كل شئ بأمر الله تعالى
أتمنى لك من قلبي السعاده في الدارين
ودوماً أصدقاء:)

sweet angel يقول...

جميل الحب كما تراه

سمية طارق محمود يقول...

جدا رائعة
احساسك جميل
دمت تمتعنا

راء يقول...

:)

البوست ده اندمج مع بوست قديم كنت كاتبه بتاع اول لقاء تقريبا..وكونوا ف عقلي بوست تالت

هههههههههههههه والله متجننتش لسه بس ديه الحقيقة

حاسة ببراءة الحب ده أوي..هيا انسانة رقيقة ومختلفة جدا..خوافة بس حبها بيجذبها لحبيبها..وهوا اللي هوا انت مش هقول بقى :P

اه صح شكرا جدا لتعليقك الاخير ع المدونة التانية..خلاني ابتسم ف عز اكتئابي..

أنثى من حرير يقول...

ايقاعات حروفك مميزة
تسكن الأرواح بعذوبـه !

حياتى نغم يقول...

السلام عليكم ورحمة الله وبركاته

تفاصيل عذبة وجمل متسقه دمت بخير وسعاده .

اقدم عاصمه فى الحب يقول...

ليله شتاء
-*******-
وعليكم السلام ورحمه الله وبركاته

ربنا يخليكى يا رب شكرا على زوقك يا قمر

ما تحرمنيش من زيارتك الجميله دى دايما
تحياتى :)

اقدم عاصمه فى الحب يقول...

جاره القمر
-********-

البوست كله له مزاق مختلف بزيارتك ليه
والحب ايضا هنا له مزاج مختلف فقليل ما نمر على حب صادق يخرج من القلب مباشره ..
علياء ربنا يديم الود ولا يحمرنى من طلتك عليا دايما :)

اقدم عاصمه فى الحب يقول...

الشوكه الناعمه
-************-

سعدت بكلماتى أنها أسعدتك وأسعدت كل من مثلك غاليين على قلبى
.
وهذه الجمله خصيصاً تعتبر من أكبر الاسباب فى حب من أهوى فعندما أنظر الخوف فى عينها أشعر برجولتى التى تأتى وتذهبه عنها وترسم على ثنايا وجهها الاطمئنان .. فرسمه الغضب على وجههى لسبب خوفها وقولى انا جنبك ما ينفعش تخافى ..فقط هذه الكلمات تذهب كل الخوف عنها فأشعر وقتها انها تمارس أحساس (( إنى راجل عليها وهى سعيده بكده ))
.
.
عجبتك احلى كلمه كتبتها بالنسبالى
شكرا على تذكيرى هذه الاشياء
طونى كما تحبى غاليتى :)

اقدم عاصمه فى الحب يقول...

محمد التركى
-*******-

حبيبى وصاحبى وكفائه
انا هعلق على كلامك فى الموبايل احسن علشان اعرف ارغى براحتى :)

اقدم عاصمه فى الحب يقول...

ساسو
-**-

أشكر مرات كثيره كلامى الذى نال إعجباك
.
وشرف لى المرور على مدونتك التى ستنال أعجابى حسب ما اشعر يعنى
انا رايح اهو :)

اقدم عاصمه فى الحب يقول...

ahad
-**-

منورانى يا قمر
كلامى فى كل مره بيطلع من قلبى لانى عملت مدونه علشان اسجل فيها كل اللى بيدور بعقلى وبستمتع بيه لما افتكره وارجعله واشوفه
ومن نايحه الصمت فده بقه اللى حكايه وعاوزله مليون صافحه لان الصمت ده لغه لا يحترفها الا الاحباب فمجرد فمتى والنظر فى عينها وهى كذلك .. وقتها نصبح فى قمه المشاعر ولا نشعر بمن حولنا وينتهى حوار الصمت هذه بإبتسامه رضا ترتسم على وجهنا ..
ومن ناحيه ( عندما يشاء القدر )
فإنى اعرف ان كل شىء بيد الله .
فقال الله على لسان حبيبه (( انا الدهر ))
فعند لفظى بمشيئه القدر اقصد بها مشيئه الله تعالى ..ولكن كما عبر بها قلمى وترجمها هنا الى كلمات أخشى دائما ان لا تفى بحق ما اشعر
عهد
دائما ما يكون تعليقك هنا فعال
وهذا من ضمن ما يبقينا حتى الان
أصدقاء:)

اقدم عاصمه فى الحب يقول...

sweet angel
-*********-

شكرا على كلماتك
ربنا يديم الود
وشكرا على مرورك الجميل
كونى بود :)

اقدم عاصمه فى الحب يقول...

سميه طارق
-******-
الكعبه منوره السعوديه
وسميه منوره أسكندريه
مدونتك جميله جدا
وشكرا جدا على كلماتك
وانا اللى بكون اكتر متعه لما كلماتى تنول إعجاب من مثلك من ذواقيين
ودى وإحترامى :)

اقدم عاصمه فى الحب يقول...

طالبه مقهوره درجه أولى
-*******************-

شفتى الصدفه بقه
بس انا لازم اشوف البوست ده حالا
.
.
وشكرا على كلماتك الجميله فى حق حبى
شعرتى بما أشعر هنا
.
.
وتعليقى عندك كان حقيقى ما تخافيش انا مش بكاش بس اتجننت :)

اقدم عاصمه فى الحب يقول...

أنثى من حرير
-**********-
أكيد كلماتى جميله وهذا بسبب تغذيه عقلى بالمرور على مدونتك وعلى مدونه كل من مثلك من مبدعين فهذا يكسبنى القدره على ترجمه مشاعرى افضل
ودى وإحترامى :)

اقدم عاصمه فى الحب يقول...

حياتى نغم
-*******-

وعليكم السلام ورحمه الله وبركاته

شكرا على زوقك فى وصفك لكلماتى المتواضعه
دمتى بكل الحب والسعاده
ورزقك الله بالصحه والستر :)

جارة القمر يقول...

كنت هنا........

جارة القمر يقول...

كنت هنا........

اقدم عاصمه فى الحب يقول...

جاره القمر
-********-
منوره كل مكان يا قمر بتكونى فيه :)

رشيد أمديون يقول...

أحاسيس تهفهف الشعور...
حين أطلقت العنان


جميل يا أخي تابع....وانا في القرب

اقدم عاصمه فى الحب يقول...

ابو حسام الدين
-************-

شكرا لدفعتك القويه بكلماتك الرقيقه
سعيد بمتابعتك أياى
ودى وإحترامى :)

حياتى نغم يقول...

السلام عليكم ورحمة الله وبركاته

كلماتك المتراصة هى التى تدل على الاحساس والاحسان .
جعلنى الله خيرا مما تظن آمين .

وشكرا لدعائك لى .. ولكن من أين أحمل أحفادى وأنا لم أحمل أبنائى بعد ..

على كل حال يارب ولك بالمثل .

خالص شكرى .

اقدم عاصمه فى الحب يقول...

حياتى نغم
-*******-
عليكم السلام ورحمه الله وبركاته

شكرا كتير على زوقك

انا لما شوفت البوست أتلخبط بصراحه قولت اشوف التعليقات يمكن توضح
وشوفت ناس كتير معايا فى الكلام
فعلقت على هذا الاساس
ولو ما حصلش لسه وماجاش الاولاد ربنا يرزقك أياهم ويكرمك بأفضل مما تظنين
ودى وإحترامى :)