الاثنين، 3 مايو 2010

لما تتمنى شىء ويتحقق فى لحظه تمنيك ليه ...؟!


الاجمل...؟ ولا الاغرب ..؟
انا بقول الاغرب
لان الشىء الغريب بنتعامل معاه بزهول وبمتعه فى التعامل معاه وكمان إدراكه .. ووقتها كمان بيبقى أجمل شىء
.
.
فى خروجه طايشه كالمعتاد انا ومجال خليك فى حالك
كنا على الكورنيش بنتمشى
.
يا سلام يا على لو اشوف ( ..... ) حبيبتى
يا عم أحلم على قدك تشوف مين .. خليك فى الجلاتى اللى فى إيدك
اسكت يا على انت مش فاهم حاجه .. انا نفسى اشوفها بجد حتى لو من بعيد .. اشوفها وبس
يا رب يا اخويا تشوفها ..

وفجأه وبدون مقاطعه لكلامى وجهت عينى لمكتبه الاسكندريه وإذا بها

يا على ... انت يا ابنى .. بص كده .. هى دى يا على
مين ..؟! اللى هناك دى ...؟! تصدق هى
طيب ازاى...؟!
مش عارف..
روحلها طيب..
مش عارف ..انا أمنيتى اقتصرت على أنى اشوفها وبس مش عارف بقه افضل واقف ولا ايه

ولكن .. عبورها للطريق والتوجهه الجانب اللى انا فيه ( الكورنيش ) شىء غريب وترتيب أكتر من غريب
ومسكت الموبايل ورنيت عليها واذا بها تستقبل مكالمتى
حماده حبيبى ازيك ...؟! واحشنى
أنتى أكتر يا روح قلبى والله .. فينك كده ..؟
انا على البحر هركب اروح بحرى لبنت عمى
طيب ما ينفعش اشوفك ..؟
انا اتمنى والله بس انا هروح للتعب ونفرش شقه بنت عمى الجديده ومش هقدر اقابلك
يعنى ما ينفعش خالص
يا ريت والله
وقفلت الموبايل من غير ما اقولها .. سلام .. بحبك .. زى كل مره
وتوجهت إليها..
وخبطت على كتفها

واذا بأروع أنواع الخجل على الاطلاق تحتل جميع تضاريس وجهها الطفولى

ازاى يعنى ..؟
مش عارف .. بقه ومش هينفع احكيلك دلوقتى تعالى نقعد شويه
لا مش هينفع والله انا المفروض اكون هناك حالا
يعنى هتمشى ..؟
ايوه همشى وابقى اكلمك بالليل ..يلا سلام..

وتوجهت انا للبحر دون اى كلام ووجهى ينظر الى ما بين الشوز بإستغراب
ونظرت للبحر قائلا
مش معقوله...ليه كده ...؟!
.
.
.
مش معقول...!
تيجى فى بالى
تيجى عينى فى عينك
كده على طول
مش معقول
كنت باقول
نفسى أشوفك نفسى ياربى
عمرى عشانك بس يطول
واقولك كلمة ساكنة فى بالى
ساكنة فى قلبى
طيفها فى عقلى
عمره ما خاف م المجهول
مش معقول
واقفة قصادى عينى فى عينك
ايوة بحبك
والله بحبك
كان صعب اقولها وانا مذهول
عارفة يا قلبى ..... قبل ما اشوفك
كنت بافكر امتى هاشوفك
كنت باقول للبحر كلام
قالى البحر بقى ده اسمه كلام
افتح قلبك قول واتمنى
حلمك جاى وراك م الجنة
حلمك اخضر زيك اخضر
صعب الشوق فيه يستنى
مش معقول ...

.
.
.

رائعه إلهامى اللى حاسس بيا

هناك 8 تعليقات:

ليله شتاء يقول...

السلام عليكم
أه القصة الجمييييييلة أوى دى
والكلمات جميلة جدااا

************


أجمل ما ترأت له عينه
إمرأه في ثوب العذراء
عندما ينظر لعينيها
يشعر بالراحه والصفاء
وعند همسات صوتها
يُلقى عن كاهله العناء
فهى حقاً إمرأه العفه والنقاء
بسمهٌ على شفتيها
توحى بالبقاء..
ستارٌ من الخجل يزيد حياؤها حياء
تجعله يبنى أحلاما أن يطير بها فى الفضاء
بكاؤها..يُسكن بجفنه البكاء
بها طهاره نفسٌ
تُذهب من نومه الجفاء
ولم يبقى لديه سوى كلمات
ينطقها لربه فى رجاء
أن تكون بين يديه مُحلقاً بها فى السماء



**********

ربنا يسعد أيامك ويحقق لك دائما كل اللى بتتمناه

أميرة الأحلام يقول...

الله الله الله
طبعا كلمات جميله كالعاده
بجد حلوه جدااااا
وبيكون جميل قوى انك تفكر في حاجه او تتمناها وتلاقيها بتحصل
ربنا يحقق لك كل الي بتتمناه يارب
تحياتى

جارة القمر يقول...

ana geeeeeeeeeeeeeeeet

was3ooooooooooooooole

جارة القمر يقول...

انت بجد لخبطتني

شكلك انت مش مركز وممكن اكون انا

دلوقتي هو بيحلم بفتاة أحلامه

يشوفها ويكونو بنفس المكان ويكلمها وماتحسش بيه طيب ازاي ينفع كدة بذمتك

طيب وكما متكلموش بالطريقة اللي هو متعودها منها وتمشي ممممممممم صعبة صح ؟

الكلمات رائعة وكلها احساس حلو

ومناسبة للقصة المتلخبطة شكل فتاة أحلامه طلعت نص كم :)

ههههههههههههه

يارب تكون دايما بخير

تحياتي

اسماء واحلام فى وجدانى يقول...

انت يابنى مكشوف عنك الحجاب
ابصنتولى
يابختك




مش ملاحظ حاجة

زى الهوا يقول...

هوه دا بجد؟؟؟؟؟؟؟؟؟؟؟؟؟

عجبانى جداااااااااااا


بس البنت اذاى هان عليها تمشىىىىىى؟

ahad يقول...

اهلن اهلن
والله حاجه غريبه وجميله في نفس الوقت
كالعاده بتختار كلام حلو أوي
"بص الكلام اثر فيني ازاي بقيت اتكلم مصري"
على فكره مفهومك للحب الطاهر عجبني
بأنتظار أبداعك القادم
عهد~

غير معرف يقول...

ياه يابخت ياريت كل اللى نتمناه يحصل انشالله بعدها بس يحصل بجد يابختك
اناادفع عمرى واشوفه انشالله ثانيه واحده
كلامك جميل واحساسك رائع
دومت عاشقا
تحياتى