فى حياتى نور و نار و ضل
و كلام و عقل
أحاسيس بتتبدل يوماتى
بألف شكل
و سلام وحرب
و فرح و هم و غيم و كرب
و نسيم و حب
و خوف و قلب يخاف يطب
و حلم مات
و حلم حى
أحساس بيبعد و هو جاى
و حوار عبيط
ومكرونه و كفته و قرنبيط
و حاجات جنون
و بدله لون زهر الريحان
و بالطو لون ثمر الليمون
و عيش محمص مغمسينه
جبنه و زيتون
و سفر و ليل
و بلاد تحط و بلاد تشيل
و مطار جميل
و غربه مافيهاش الحبيب
ولا الخليل
و لا حتى فيها شىء بديل
و المعضله
أنى بأعيش فى الأختلاف
من غير شعور بالمشكلة
ها هو خيال tooot
ليست هناك تعليقات:
إرسال تعليق